- Ministerio di Salud a completa traspaso oficial di Hospital Horacio Oduber 'renoba'
- Le Lanchon riba prome aña di Iberostar: “Aruba a ricibi nos cu braza habri y futuro ta prometedor”
- Minister Wyatt-Ras di Salud y Asuntonan Social ta den Noticiacla LIVE awe
- Van der Burg: Un ministerio dedica pa Reino y Union Europeo ta yuda Aruba avansa
- Vd Burg: Geschillenregeling lo evita cu HOFA ta keda un ley eterno
Situacion politico na Corsou ta confuso aworaki
WILLEMSTAD - E situacion politico na Corsou ta confuso. Si na prome instante e informacion cu a bin for di Corsou, ta cu gobierno a cay, ta resulta awor cu den practica, esey ainda no ta e caso. Berdad ta cu tin un gobierno cu 10 asiento di 21, cu de hecho, ta minoria. Pero cu ta papia di gobierno a cay, ta unda e confusion a bin. Di parti di gobierno, no a duna ningun declaracion, y ta premira cu mayan durante e reunion semanal di e partido mas grandi di coalishon, esta Pueblo Soberano, cu lo bin claridad. Tambe tin un parlamentario cu ta malo basta tempo y cu no ta den parlamento pa duna su voto. Tampoco no tin un mocion di desconfiansa pa baha e gobierno. Pues for di informacion cu NoticiaCla.com tin aworaki, e situacion actual ta cu parlamentario Marilyn Moses a bira parlamentario independiente, y no ta sostene e coalishon. Ta keda pendiente riba e siguiente paso, cu segun informacion, lo mester ta e cambio di gobierno. Tin eleccion programa pa otro aña caba, pero no ta conoci si en caso gobierno cay, cu lo hala e eleccion mas tempran of no. Manera NoticiaCla.com a bisa, e situacion ta uno hopi confuso, cu mas pregunta cu contesta.
INFORMACION DI CAIDA DI GOBIERNO
E prome informacion awe mainta, tabata cu gabinete Whiteman a cay awe mainta na Corsou. Motibo di esaki lo tabata e separacion di parlamentario pa partido PAIS, Marilyn Moses, cu a kita su sosten di e partido y declara su mes independiente. E momento ey no tabata sigur si esey lo a nifica automaticamente caida di e gabinete. Tabata colega di prensa Mariano Heyden cu e momento ey a confirma cu enberdad ta definitivo cu gobierno di Corsou lo a cay.
CARTA DI RETIRO
Pa loke ta e retiro di Moses, el a manda un carta pa presidente di parlamento riba e topico aki. “Pa medio di esaki mi ta informa bo cu, entrante awe, mi no ta forma parti mas di fraccion di partido Pais den Parlamento di Corsou” e carta ta cuminsa bisa. “Entrante awe mi ta un miembro independiente den Parlamento di Corsou. Como tal mi ta retira mi participacion den e coalicion den Parlamento di Corsou, cu ta sostene e gabinete Whiteman. Entrante awe e gabinete aki no por conta cu mi sosten den Parlamento di Corsou mas” e carta ta finalisa bisando, firma pa Moses mes. Mas informacion na caminda.
Turismo di Curaçao ta crece cu 10%, Merca a bira mercado mas grandi
WILLEMSTAD – Curaçao a ricibi casi 80.000 turista di estadia den luna di maart, un subida di dies porciento compara cu mes periodo aña pasa. Cu esaki, demanda pa e isla ta keda fuerte, specialmente for di Merca, cu e luna aki a pasa Hulanda como mercado mas grandi. Segun cifranan di Curaçao Tourist Board, un total di 79.763 bishitante di estadia a yega na e isla. Mayoria di nan ta bishita pa vacacion y ta keda promedio casi ocho nochi. Turismo ta sigui aporta un contribucion estable na sectornan manera horeca, transporte y excursionnan.
Prome peliculanan di Studio Caribe ta debut na festival internacional na Corsou
WILLEMSTAD – E prome peliculanan di programa Studio Caribe lo wordo presenta pa prome biaha durante Curaçao International Film Festival, marcando un logro importante pa cineastanan di Caribe Hulandes.
40 arma ilegal a wordo entrega na Corsou den campaña contra violencia
WILLEMSTAD - Na Corsou, aproximadamente 40 arma ilegal a wordo entrega durante campaña “Entrega bo arma y salba un bida”. E accion, cu a dura for di 16 di maart te cu diabierna pasa, a duna hende oportunidad pa entrega arma boluntariamente sin castigo.
Rekenkamer ta cuminsa investigacion grandi riba Curacaohuis y ministerionan
WILLEMSTAD - Na Corsou, Algemene Rekenkamer Curaçao lo cuminsa un investigacion amplio riba maneho financiero di Curacaohuis, cu a wordo expande pa inclui tur ministerio y varios aña. Investigacion ta bin despues di un peticion di Parlamento pa revisa integridad, legalidad y eficiencia di gasto di minister plenipotenciario entre 2022 y 2025. Pero Algemene Rekenkamer Curaçao a decide amplia e estudio, pasobra Curacaohuis a procesa gastonan pa varios ministerio.
Conseho di Educacion: muchanan den Caribe Hulandes mester ricibi miho enseñansa
WILLEMSTAD – Conseho di Educacion a conclui cu sistema di enseñansa den Caribe Hulandes mester wordo mehora despues di un analisis riba Bonaire, Saba y Sint Eustatius. Segun e ‘Onderwijsraad’, e sistema hulandes no ta conecta suficientemente cu realidad di e islanan, unda enseñansa ta mas chikito y cu menos sosten debido na distancia grandi cu Hulanda. E conseho ta recomenda mas adaptacion na situacion local y tambe mas inversion financiero.
Gente de Zona, Ruben Blades y TOTO confirma pa Curacao North Sea Jazz 2026
WILLEMSTAD – E prome nombernan pa e proximo edicion di Caribbean North Jazz Festival (CNJS) 2026 na Corsou a wordo confirma oficialmente, y e lista ta mustra un combinacion impresionante di talento internacional cu lo pone Caribe den spotlight mundial un biaha mas. E festival su fechanan ta 3, 4 y 5 di September 2026.
Follow NoticiaCla
