Top di Hooiberg lo haya un mirado y ta renoba e trapinan tambe
ORANJESTAD – Gobierno di Aruba dialuna a anuncia comienso di e trabounan na e trapi di Hooiberg. E trabounan lo wordo ehecuta pa e contratista Jash Development VBA. E trabounan ta encera drechamento di e trapinan, como tambe reconstruccion di e gazebo cu ta na un cuarto di haltura di Hooiberg. Mas na halto lo traha tambe un mirado unda por para y tin un bunita bista di nos isla.
E trabounan lo cuminsa diaranson awor 30 di november 2022 y lo termina otro aña 2023 na luna di maart. E reconstruccion di e trapi lo ta den dos fase. E prome fase ta encera e trapi abou te cu e gazebo cu ta na un cuarto di haltura di Hooiberg y lo termina pa día 23 di december di e aña aki. E di dos fase lo cuminsa e di dos siman di januari 2023 y ta encera e trapi for di e gazebo cu ta na un cuarto di haltura di Hooiberg te cu e top.
Durante e construccionnan di e prome fase lo no por subi Hooiberg. For di 23 di december 2022 te ora bouwvakantie caba den januari 2023, Hooiberg lo ta ful accesibel. Ora cuminsa cu fase dos di e proyecto, lo por subi Hooiberg te cu e gazebo cu ta na un cuarto di haltura.
DOW ta pidi disculpa pa cualkier inconveniencia cu e trabounan aki lo por ocasiona.
Agencianan di Nacionnan Uni a reuni cu GO'S y NGO'S na Aruba pa contribui na nos progreso
ORANJESTAD - Agencianan di Nacionnan Uni a reuni cu GO'S y NGO'S na Aruba pa contribui na nos progreso. Ta trata di representanten di por lo menos 9 agencia cu ta na Aruba pa reuni cu Gobierno, departamentonan publico y semi-publico y NGO's nan. E meta di nan bishita ta pa scucha kico ta e necesidadnan di pais Aruba y unda nan lo por asisti den implementacion di diferente proyecto.
Minister Wever: Pabien Setar NV cu 20 aña di innovacion, progreso y exito!
ORANJESTAD – Minister encarga cu TElecomunicacion, Geoffrey Wever a manda felicitacionan pa empleadonan di Setar NV na occasion di e 20 anniversario. “Mi kier extende mi caluroso felicitacion na empleadonan di Setar NV, pasado y presente, cu celebracion di 20 aña di Setar NV! Como un actor clave den industria di telecomunicacion na Aruba, Setar NV semper a hunga un rol fundamental den avansa e paisahe tecnologico di e isla, y tambe semper a contribui cu comunidad” e mandatario a bisa.
Representantenan di 9 agencia di Nacionnan Uni ta na Aruba pa asisti cu programanan
ORANJESTAD - Ta prome biaha den historia di Aruba cu un delegacion asina grandi di Representantenan di organisacionnan di Nacionnan Uni ta di bishita di trabao na Aruba. Esaki net despues di e bishita di e famia Real. Un siman hopi activo y un otro siman mas di hopi importancia.
Gobierno a firma acuerdo cu ELMAR pa instala camara di seguridad riba rutanan di carnaval
ORANJESTAD - Diahuebs mainta, Minister di Husticia Rocco Tjon a firma un acuerdo cu Elmar N.V. pa hacie posibel pa por ekipa ambos ruta di carnaval, esta esun di San Nicolas como tambe esun di Oranjestad, cu camaranan di seguridad. Ta trata di un proyecto piloto inovativo, mirando cu nunca antes esaki a wordo haci, cual ta un metodo sumamente di balor agrega pa cu Cuerpo Policial.
Sociaal- Economische Raad (SER) ta propone amplia verlof di paternidad
ORANJESTAD - Sociaal- Economische Raad (SER) ta propone amplia verlof di paternidad. Asina minister di economia Geoffrey Wever a informa diaranson atardi. Segun e mandatario, e hende homber cu bira tata tin derecho riba dos dia di verlof di paternidad segun ley. Den su ultimo conseho na gobierno, Sociaal- Economische Raad ta propone pa amplia e cantidad di dos pa cinco dia di verlof di paternidad.
Minister Tjon:Tourism Security Patrol (TSP) cu ayudo di AH&SF lo bira un realidad
ORANJESTAD - Diamars mainta, a tuma luga e conferencia di prensa di Aruba Tourism Authority (ATA) y Aruba Hospitality & Security Foundation (AH&SF) caminda a toca diferente puntonan pa loke ta siguridad den e area hotelero, pero a toca specificamente e proyecto nobo, esta e “Tourism Security Patrol” (TSP), cual awe a firma un acuerdo entre e socionan cu ta forma parti di esaki, incluyendo KPA, pa asina amplia e vigilancia den area hotelero.
Follow NoticiaCla
