- Director di ATIA ta invitado den Noticiacla LIVE awe nochi
- Confirma: No tin container di klapchi for di China pa Aruba e aña aki!
- AHATA ta duna sosten na Enseñansa pa Empleo pa yuda fortalece nos forsa laboral
- BCA: Casi 60% di negoshi encuesta ta anticipa un crecemento economico positivo den e siguiente 12 lunanan
- IAPA ta rechaza censura di cobertura di prensa na Aruba
Sociedad Interamericana di Prensa: Aruba ta obstacula trabou di prensa
MIAMI – Aruba ta un di e 12 paisnan cu ta obstacula trabou di prensa, segun Sociedad Interamericana di Prensa (SIP). Asina nan ta informa diahuebs y a avisa e gobierno di Aruba y 11 otro pais. Nan ta pidi e gobiernonan pa ‘stop di restringi derecho constitucional y ley di acceso di informacion publico’. SIP a pasa un resolucion aproba diahuebs durante e reunion semestral na Miami. Aki a pidi pa ‘abstene’ pues di obstaculisa e trabou di prensa y ‘desmantela e cultura di secreto’.
RIPITICION
No ta prome biaha cu SIP ta hala atencion di Aruba. Den pasado esaki a sosode y e ora gobierno a reacciona y pidi SIP coregi e info ya cu a opta lamentablemente pa publica informacion sin verifica cu esun cu ta wordo acusa. Den e occasion ey, gobierno di Aruba a sigura SIP cu e informacion no tabata corecto y a pidi pa SIP coregi e informacion difundi.
RESOLUCION CONTRA ARUBA
Mientrastanto, den e considerans di e resolucion, ta afirma cu e restriccionan di aceso di informacion ta un di e principal limitacion di libertad di expression y derecho di publico na informacion. SIP ta raporta cu tin 12 paisnan cu ta ‘padece’ e restriccionan menciona ta Aruba, Bolivia, Canada, Costa Rica, Cuba, Merca, Guatemala, Paraguay, Peru, Puerto Rico, Republica Dominicana y Venezuela.
REACCION GOBIERNO
Noticiacla a tuma contacto cu gobierno di Aruba, specificamente minister presidente Evelyn Wever Croes y minister di Telecomunicacion Geoffrey Wever. “Nos no a haya e resolucion aki oficialmente. Ta lamenta cu ta publica esaki sin cu Aruba a wordo notifica di e resolucion y sin duna Aruba e chens pa reacciona” tabata e prome reaccion di minister Geoffrey Wever, di Telecomunicacion diabierna mainta. “Mirando cu mi no conoce e contenido di e resolucion awor no ta possible pa duna un declaracion mas amplio” e mandatario a sigui bisa. “Mi kier remarca si cu e articulo ta menciona transparencia di gobierno y no ta menciona e procedura legal cu Aruba tin den nos leynan cu ta obliga Gobierno pa duna informacion na entre otro prensa esta e lansverordening openbaarheid van bestuur. E ley aki ta un ley cu ta garantiza cu gobierno mester ta transparente y divulga informacion. Mi sa cu no ta tur ora informacion pidi basa riba e ley aki ta wordo divulga rapido” e mandatario a sigui bisa. Segun e mandatario, den e ley tin ancra e uitzonderingsmogelijkheden si pa gobierno”.
KEHO CONTRA MINISTERNAN
Por corda con recientemente algun periodista miembro di SIP na Aruba a keha cierto gobernantenan ora cu nan a opta pa no contesta pregunta di e medio di comunicacion 24ora.com. Potret cortesia SIP.
IAPA ta rechaza censura di cobertura di prensa na Aruba
MIAMI – “ Nos ta rechasa e obstruccion di trabou periodistico na Aruba contra Marko Espinoza y un team periodistico di @24oranews, stroba di cubri un caso di supuesto corupcion”. Esaki a keda raporta diahuebs riba e plataforma di e organisacion internacional di prensa.
Rastro di destruccion na Florida dor di horcan Milton, cuater morto dor di tornado
MIAMI - Horcan Milton a laga un rastro di destruccion den e estado Mericano di Florida. Por lo menos cuater morto a wordo causa pa tornadonan y den hopi comunidad servicionan di emergencia ta bezig ta atende cu e molester causa pa bientunan fuerte, olanan di tormenta y awasero persistente.
E leyenda di tenis Rafael Nadal ta anuncia retiro di tennis despues di e torneo di Davis Cup
MALAGA - Rafael Nadal a anuncia cu e lo retira di tennis fin di otro luna. E Spaño di 38 aña a anuncia esaki den un video riba su canalnan di medionan social.
Florida ta evacua despues di horcan Helene awor pa Milton: ‘Ken cu keda lo muri’
MIAMI - “Ken cu skohe pa keda lo muri.” Lenguahe fuerte di e alcalde di e ciudad di Tampa, Florida, unda un ordo di evacuacion ta na vigor pa motibo di horcan Milton. Hopi hende tin cu huy di desasternan natural pa di dos biaha dentro di dos siman.
Aeropuertonan di Florida ta prepara pa horcan Milton
MIAMI - E estado Mericano di Florida ta preparando pa horcan Milton. Como precaucion, algun aeropuerto grandi, manera Tampa y Orlando, ta cera pa trafiko aereo comercial. Hopi hende den e region ta buscando siguridad di e tormenta, cu ta menasa di trece awasero y inundacion.
Piloto a muri durante buelo, aterisahe di emergensia na New York
NEW YORK - Un avion di Turkish Airlines a haci un aterisahe di emergencia na un aeropuerto di New York despues cu e piloto a fayece. E capitan di 59 aña a bira malo diripiente durante e vuelo despues cu e avion a lanta vuelo for di Seattle y tabata na caminda pa Istanbul.
Follow NoticiaCla
