Aruba ta haya bishita di bapor crucero Clase Quantum di Royal Caribbean otro aña

Posted on 9/16/2019, 4:58 PM AST | Updated on 9/16/2019, 6:03 PM AST

MIAMI – Otro aña november Aruba ta riba iterinario di Royal Caribbean su Odyssey of the Seas, e prome bapor crucero conoci como e Quantum Ultra-Class, cu ta yega Merca na 2020. Tin algun caba, pero niun no tabata navega for di Merca. E bapor lo yega Port Everglades na Fort Lauderdale na november di otro aña, y lo ofrece crucero pa Caribe di 8 dia, di cual Aruba y Corsou lo ta parti di dje. Sigur algo grandi pa raporta den e mundo crucero. E aña despues, e bapor ta bay Europa, pa cuminsa su cruceronan di 2021. Tin varios di e tipo di bapornan aki, cu ta plama na varios parti di mundo caba. E clase Quantum ta un tipo di bapor crucero di Royal Caribbean International, miho conoci como e proyecto Sushine. E Quantum Class ta e di tres clase mas grandi di bapor crucero despues di MSC Meraviglia, y e clase Oasis, pa loke ta toneladad completo. E prome dosnan di e clase menciona, esta Quantum of the Seas y Anthem of the Sea, a keda entrega na november di 2014 y april 2015 respectivamente. E di tres, Ovation of the Seas, a keda entrega na april di 2016.