Reforma fiscal: 30 mil hende no ta paga impuesto mas na 2019

Reforma fiscal: 30 mil hende no ta paga impuesto mas na 2019

Posted on 12/3/2018 4:53 pm AST | Updated on 12/3/2018 4:54 pm AST

ORANJESTAD – Asina aña bolter na 2019, 30 mil hende no ta paga impuesto mas. Ta trata aki di loonbelasting y inkomstenbelasting. Dialuna atardi, manera priminti, gobierno a presenta fase 1 di e Reforma Fiscal cu lo keda introduci entrante 1 di januari 2019.  Den un ora di presentacion na Marriott Hotel, tanto ministernan Evelyn Wever Croes y Xiomara Ruiz Maduro, asisti pa videonan prepara anteriormente, a duna un bista cla di loke ta spera Aruba ora cu aña bolter. Loke mas a resalta ta pues cu entrante 1 di januari 2019 30.000 persona no ta paga loonbelasting ni inkomsten belasting mas. Ta trata di esnan cu tin un entrada annual te na 27.751 mil florin. Nan pues, no ta paga impuesto mas. 

NO TA PAGA MAS 

Loke mas a resalta pues, ta cu esnan cu un salario te cu AWG 2.250,=, no ta bay paga impuesto mas entrante januari 2019. Ta trata di 30 mil hende (mayoria pensionado) cu no ta paga impuesto mas. Esaki tabata antes solamente esnan di minimum loon. Aworaki a aumenta esaki tambe pa esnan cu ta gana te 2.250.=. Ademas ta baha tarifa pa 25.000 hende cu ainda ta paga impuesto. Pues e cambio aki ta trece beneficio pa 32.000 persona cu ta un suma entre 80 y 400 florin pa luna. Esnan cu ta gana 2500 florin pa luna, lo paga 450 florin menos pa aña. Un persona cu ta gana 5000 florin pa luna, lo paga 764 florin menos pa aña. Cu e cambio aki, 32 mil pagado di loonbelasting ta sali beneficia.  

PENSIONADO

Pa loke ta pensionado, nan lo conoce un rebaho di tarifa di AZV cu 4% pa pensionado (1-1-2018), Aumento di reparatie toeslag pa pensionado di AFL 25, y Aumento di pensioen di AFL 25 florin pa soltero y 42 florin pa  pareha. 

GRONDBELASTING

Den e parti di grondbelasting, tambe a presenta un cambio dialuna. Awor ainda tur hende ta paga grondbelasting na .4%. Entre e cambionan, pa esnan cu tin un propiedad te  na 120.000 florin, nan no ta paga grond belasting mas. Pa esnan cu tin un propiedad cu balor di entre 120.000 pa 250.000, e tarifa ta baha cu mitar, te na .2%, for di .4%. Esnan cu tin un propiedad cu balor di entre 250.000 y 500.000 florin, e tarifa ta baha cu 25% te na 0.3%. Esnan cu tin propiedad na balor di entre 500.000 pa 750.000, ta aumenta cu 240 florin pa aña cu ta 20 florin pa luna. Esnan cu propiedad na balor di entre 500.000 pa 750.000 ta aumenta cu 240 florin pa aña, cu ta 20 florin pa luna. Esnan cu tin propiedad cu balor riba 750.000 ta mira un aumento di tarifa na 0.6%. 

GRONDBELASTING PA ESNAN DEN EXTERIORDi otro banda, esnan cu no ta biba na Aruba, pero tin propiedad na Aruba, manera condominium, ta bay paga un tarifa mas halto, 0.6% pa asina contribui na economia di nos pais. Companianan cu tin propiedad commercial tambe, lo mira un aumento di tarifa na 0.6%. Pero di otro banda, nan ta bay haya un rebaho di e belasting riba dividend. 

E EFECTO RIBA GRONDBELASTING

E efecto cu ta elimina grondbelasting te na 120.000 ta afecta 12.000 persona. E efecto di rebaha tarifa pa balor entre 120.000 pa 500.000 ta afecta 16.000 persona. E aumento di tarifa pa esnan no residente (condominium) ta afecta 1.800 persona. E aumento di tarifa pa tereno balora riba 500.000 ta afecta 2.100 persona. Y e aumento di tarifa pa propiedad commercial  (tin un compensacion n inkomstenbelasting riba dividend) ta afecta 1.800 persona. E cantidad di hende cu lo mira un rebaho di grondbelasting lo ta 27.775, mientras e cantidad di persona cu lo mira un aumento di grondbelasting ta 5.789

COMPENSACION PA TUR COMERCIANTEParti di e prome fase di reforme fiscal fase 1, ta duna tambe comerciantenan unda cu nan lo conoce un rebaho di inkomsten belasting riba dividend di 25% pa 10%. E beneficio ta cu tur compania cu tin dividend reserve por paga esaki y mas placa ta bay circula den nos economia. 

SIN TAXES

A mustra tambe cu lo introduci e asina yama ‘sin taxes, esta impuesto riba vicio, manera sigaria y alcohol. Nan ta yama nan, accijns, invoerrechten pa influencia comportacion. Ta papia di aumento di impuesto riba sigaria y alcohol, aunke cu no a informa cuanto esaki lo ta. 

BBO RIBA RECIBO

Tambe a keda informa cu entrante 1 di januari 2019, BBO lo no aparece riba e facture mas, y lo no forma parti di e ‘omzet’ mas, pues comerciante no mester paga BBO riba BBO. Segun gobierno, e efecto general lo ta cu tin mas uniformidad y transparencia cu ta permiti e cliente compara prijs miho entre un lugar cu otro, y e ta duna mas claridad riba e prijs na e consumidor. 

 

  

  • Aeropuerto di Aruba ainda no tin CEO pa reemplaza Meijs

    Aeropuerto di Aruba ainda no tin CEO pa reemplaza Meijs

    ORANJESTAD – Ora cu Joost Meijs bandona aeropuerto entrante 1 di juli, lo no tin un CEO cu ta reemplaze. Asina e mes a anuncia durante fin di siman na occasion di su despedida. “Lamentablemente, AUA Airport no ta cla ainda pa anuncia kende lo ocupa e puesto di CEO awo.” Meijs a bisa na e occasion ey. E trabou ta keda den man di Royal Schiphol Group y e hunta di supervision y Gobierno di Aruba como doño. “Tur ta convenci cu pronto nan lo scoge e miho candidato pa ocupa e funcion di CEO” Meijs a sigui bisa.

  • Lotto Aruba buscando e di dos miyonario pa Aruba pa 2024

    Lotto Aruba buscando e di dos miyonario pa Aruba pa 2024
  • Delta Airlines ta añadi mas buelo pa Aruba na December di e aña aki!

    Delta Airlines ta añadi mas buelo pa Aruba na December di e aña aki!

    NEW YORK – E winter aki, Delta Airlines ta añadi mas buelo pa Aruba, manera cu nan a anuncia diabierna ultimo. Esaki ta bira for di  Minneapolis-Saint Paul. Nos ta anticipa pa aumenta nos asientonan pa destinacionan popular (manera Aruba), ofreciendo convinencia no incomparable y scogencia expandi pa nos clientenan”Joe Esposito, Delta’s su Vice President di plantificacion a bisa. Fuera di Aruba, ta añadi buelo pa St Maarten y Mazatlan, Mexico.   

  • Durante entrega di Fase 1 di Gateway 2030, Aeropuerto Reina Beatrix a dispidi di su director

    Durante entrega di Fase 1 di Gateway 2030, Aeropuerto Reina Beatrix a dispidi di su director

    ORANJESTAD - Durante siman pasa a organisa dos evento fantastico den e terminal nobo pa “US Departure” na Aruba (AUA) Airport, cu e prome evento dedica exclusivamente pa empleadonan di Aruba Airport Authority N.V. (AAA) y di dos evento tabata pa tur stakeholder den aeropuerto y e industria completo di aviacion. Hunto mas di 400 invitado tabatin e oportunidad pa yama ayo na e CEO saliente di AUA Airport, esta Joost Meijs. 

  • KvK ta sigur cu nan a actua legal, cobrando pa aceso digital di informacion

    KvK ta sigur cu nan a actua legal, cobrando pa aceso digital di informacion

    ORANJESTAD – Camara di Comercio durante un conferencia diabierna a ‘kibra nan silencio’ y atende e asunto di cobransa pa aceso na informacion via nan portal legal. Algo cu nan a reacciona si brevemente na Noticiacla recientemente ora cu conocido abogado Lincoln (Dello) Gomez a critica e aspecto aki indicando cu KVK ta actuando contra ley. Pero, KVK diabierna a sigura cu nan a actua legal pa loke ta e cobransa pa aceso digital di informacion   

  • Hulanda a aproba miembro nobo pa Aruba den CAFT

    Hulanda a aproba miembro nobo pa Aruba den CAFT

    DEN HAAG - Conseho di ministernan di Reino a aproba riba dia 21 di juni 2024 e proposicion di Aruba pa nombra señor drs. Marion Agunbero como miembro di Aruba den e Colegio di supervision financiero pa Aruba (CAft) entrante 1 di augustus 2024.

  • Powered by SETAR