A firma MoU pa traha St. Regis Hotel na Palm Beach

Posted on 09/18/2018 5:53 pm AST | Updated on 09/18/2018 6:14 pm AST

PALM BEACH – Na December di e aña aki, desaroyadornan di hotel Desaroyos Hotelco lo pone prome piedra pa e hotel di 5 strea St Regis di 200 camber banda di Rui Antillas (ex Concord). Hunto cu representante di Marriott, e desaroyador Walter Stipa hunto cu gobierno di Aruba diamars mainta a firma un Memorandum Of Understanding (MoU) pa e construccion aki. Ta trata di un proyecto hotelero cu tabata firma caba pa gobierno anterior y cu e gobierno aki a sigui negosha durante ultimo 6 luna pa pone condicionan ‘rigido’ pa e desaroyado segun minister di infrastructura Otmar Oduber. Entre nan segun Oduber a logra convence nan pa reduci e cantidad di camber di 380 camber di timeshare, pa e cantidad menciona di 200 camber transient y 20 residencia. 

DETAYES

E detayes revela ta bisa cu ta trata pues di un hotel 4 strea di 200 camber y 20 residencia,  unda cu lo tin 3 restaurante, spa, piscina y mucho mas y cu e lo ta un inversion inicial di 170 miyon dollar. E intencion ta pa pone e prome piedra den e prome quincena di December pa despues ora cu aña bolter, na januari cuminsa cu construccion di e hotel y aki dos pa 3 aña, habri e hotel nobo aki. A sigura cu lo no haci daño na e naturalesa cu tin aworaki riba e area, cu excepcion di e warda di polis cu lo muda pa un lugar mas mei mei entre high rise y low rise hotel. 

PERMISO

Manera por a spera, tabatin critica cu gobierno ta bolbe traha hotel, y duna permiso. Segun Oduber sinembargo, esaki ta un tereno/permiso otorga masha aña caba. " No ta un permiso nobo. . Awor a logra evita pa e bira un timeshare di casi 400 kamber cu e permiso tawata y a logra reduci e cantidad na 200 anto di calidad 5 Star. Si no a negocia, nan lo a bin cu e timeshare di 400 kambe" Oduber a finalisa bisando.

  • Color di plachi di number di auto pa 2020 ta conoci!

    Color di plachi di number di auto pa 2020 ta conoci!

    ORANJESTAD – E color di plachinan di number pa 2020 ta conoci. Departamento di impuesto a comparti esaki diahuebs merdia. Mes momento nan a confirma cu diamars awor  ta cuminsa acepta pago di impuesto di vehiculo di motor di aña 2020. Pa loke ta e color di e plachinan, esakinan lo ta fondo blanco cu letter/cifra cora. E fecha final pa paga e impuesto di e prome mita di aña ta 31 di januari 2020. DIMP ta recomenda pa no warda te na ultimo pa haci e pago debi na e cantidad grandi di vehiculo cu nos tin registra. Haci uzo di e plataforma di pago di Aruba Bank y Banco di Caribe cu ta completamente adapta pa procesa tur pago di impuesto na un manera structura y rapido!

  • Richard Eman: A hedge fuel oil pa un aña pa por a baha tarifa di coriente

    Richard Eman: A hedge fuel oil pa un aña pa por a baha tarifa di coriente

    ORANJESTAD – Director di Utilities NV Richard Eman a admiti na noticiacla.com diahuebs merdia cu a ‘hedge’ (swap) fuel oil pa un aña (2020) pa por a baha tarifa di coriente. Segun Eman, e proceso pa por a yega na e rebaho di tarifa di coriente asina, a cuminsa na WEB Aruba NV.  Segun Eman, WEB a anuncia cu nan ta baha nan tarifanan (cu compra di e fuel oil mas barata), cu consecuentemente Elmar su gastonan por bira mas abou. Esey ta pone cu e por comparti e reduction pa pueblo y comercio. 

  • Gremio comercial ta preocupa pa comienso di 2020

    Gremio comercial ta preocupa pa comienso di 2020

    ORANJESTAD – Gremionan commercial ATIA, AHATA, KVK, ATSA y AFBA ta premira problemanan pa cu e mundo commercial na comienso di aña 2020. Nan no ta specifica esaki ainda, pero lo anuncia esaki diabierna mainta den un conferencia di prensa, titula “Precupacion nan pa comienso di anja 2020”. Durante e conferencia aki, nan lo elabora mas riba e preocupacionan aki. Tin indicacion cu esaki ta trata e situacion di reforma fiscal y tambe e situacion laboral.  

  • Lotto a conoce ganado di Mini Mega y Mega Plus di 625 mil florin!!

    Lotto a conoce ganado di Mini Mega y Mega Plus di 625 mil florin!!

    ORANJESTAD - Mini Mega y Mega Plus tambe a conoce un feliz ganado cu a bay cu e tremendo jackpot di 625 mil florin y ticket ganado a wordo bendi door di Lucky Cher-Ann 2. Ayera Lotto di Dia a conoce 1 feliz ganado cu a gana e jackpot di 63 mil florin y ticket ganado a wordo bendi door di Indio Stewart Lottery Santa Helena. Lotto di Dia su jackpot ta cuminsa bek na 50 mil florin pa awe nochi y cu 1 florin mas, bo ta gana premio cash instantaneo cu e wega #Facilito.

  • Turismo crusero por kibra record di 815 mil turista e aña aki

    Turismo crusero por kibra record di 815 mil turista e aña aki

    ORANJESTAD  – Turismo crusero ta creciendo y por bira otro aña record. Asina e minister di turismo Dangui Oduber ta raporta den un comunicado.  Segun e mandatario aki por mira cu e inversion di 13 miyon florin den e tugboat Colorado na april di e aña aki ta dunando su fruta. Segun e mandatario, aña 2018 tabata un aña record den turismo crusero unda mas di 815 mil turista a bin Aruba por medio di un crusero. Segun cifranan cu a ser ricibi di e aña aki ta premira di lo surpasa e cifra di aña 2018 na final di aña. Por ehempel diamars tabata tin 3 barco crusero aden y mas di 10 mil turista crusero sin conta e trahadornan mes di e crusero, sigur un bon dia pa nos economia. E cambio por wordo sinti den turismo y tur e indicadornan ta papia pa nan mes.

  • Prijs di gasoline ta subi y diesel y kerosin ta baha mayan

    Prijs di gasoline ta subi y diesel y kerosin ta baha mayan

    ORANJESTAD - Despues cu luna pasa prijs di gasoline a baha un poco, e luna aki e ta bolbe subi. Minister di Finansas, Asuntonan Economico y Cultura ta anuncia e prijsnan nobo di benta di combustibel entrante 11 di december 2019:

  • Powered by SETAR