ORANJESTAD – E noticia di diaranson cu ayera, 4 di Juli ’18, Corte di Curacao a duna banco Central di Curacao & Sint Maarten (CBCS) autorizacion pa pone “noodregeling” riba ENNIA Curacao ta conta solamente pa Ennia Corsou y no Ennia Aruba. Asina e compania local na Aruba a bisa den un comunicado diahuebs.
ARUBA
ENNIA Aruba (ENNIA Caribe Leven (Aruba) N.V. y ENNIA Caribe Schade (Aruba)N.V ta cai bou supervision di Banco Central di Aruba. Banco Central di Aruba ta eherce un observacion estricto pa cumpli cu ley y reglanan aplicable. E comunicado ta sigui bisa textualmente: “Medio e comunicado aki nos kier confirma cu ENNIA Aruba ta opera independiente cu nan mesun Gerencia y Hunta di Comisario. ENNIA Aruba ta dispone di su mesun inversionnan y capital.” E compania ta sigui bisa cu pues no tin ningun razon pa preocupacion. “ Si tin pregunta despues di e relato aki, por libremente tuma contacto cu ENNIA Aruba. ENNIA Aruba (ENNIA Caribe Leven (Aruba) N.V. y ENNIA Caribe Schade (Aruba) N.V.) ta bou supervision di Banco Central di Aruba” e compania ta finaliza bisando.
CORSOU
Manera ta conoci for di ayera, Banco Central di Corsou y St Maarten (CBCS) a pone e banco e grupo di seguro Ennia, e compania di seguro mas grandi y maneho di pension di tanto Corsou y St Maarten bou di curatela. E banco ta teme cu sin medida adicional, e grupo di seguro aki no por cumpli su responsabilidad financiero pa otro pensionadonan. Ademas e bank ta kere cu e doño, e bankero Iranes Mericano Ansary. Ta papia cu lo a intenta di saca 100 miyon dollar di un cuenta di Ennia na New York. Awe CBCS a tene un conferencia di prensa pa splica mas riba e medida cu nan a tuma.
DI DOS BIAHA
Ta di dos biaha den un aña cu Banco Central ta tuma control di un directiva di un instituto financiero na Corsou. Anteriormente a tuma control na Girobank. E medida di emergencia cu awor a keda aplica atrobe, CBCS por usa solamente si un instituto financiero ta den peliger agudo.
INTERES GENERAL
Cu e accion aki, segun corte cu a aproba e medida di emergencia, a cuida tambe interes general. Ennia ta percura pa 50% di e mercado total di seguro na Corsou y St Maarten, y pa 80% di e mercado di pensioen na Corsou. Ennia tabata antes den man di Delta Lloyd, prome cu e compania a keda bendi na e biyonario Ansary. Lesa e sentencia AKI
Potret di e edificio ta cortesia Caribisch Netwerk.
ORANJESTAD -Oficina di turismo di Aruba, (ATA), a inverti mas den mercadeo y a wanta su gastonan operacional mescos. Asina e CEO di ATA, Ronella Croes a bisa dialuna durante un conferencia di prensa. Segun Croes, Aruba Tourism Authority ta conta cu dos fuente di entrada. Ta trata aki di e “Tourism Levy” cu ta paga ora keda den hotel y e “Travel Promotion Levy” cu ta paga ora cumpra pasashi. For di “Tourism Levy” a drenta 99.2 miyon florin y for di e “Travel Promotion Levy” a drenta 22.1 miyon florin pa hunto forma un entrada anual di 121.3 miyon florin. Debi na crecemento di e cantidad di bishitante, e entrada di Travel Promotion Levy a subi cu 2.7 miyon florin. Asina mes a resulta den menos entrada na aña 2023 compara cu e aña prome, debi na un cambio den ley cu a drenta na vigor desde dia 1 di januari 2023.
ORANJESTAD - Na aña 2023 Aruba a disfruta di un recuperacion total di e sector turistico, cu un gran cantidad di bishitante, superando e nivelnan prome cu e pandemia di aña 2019. Asina e CEO di ATA Ronella Croes a bisa durante un conferencia di prensa.
ORANJESTAD - ATIA kier sa kico pueblo ta haya a cambio di e indexering pa trahadonan publico . Asina e gremio comercial ta bisa como prome reaccion riba e hecho cu gobierno a firma pa duna trahadonan publico indexering. E gremio ta bisa di a tuma nota den medianan social cu tur ambtenaar y gelijkgestelden lo bai haya un indexering den dos taza, uno na juli di 6% y pa 1 januari 2025 di 5.7%. Como gremio comercial representanto companianan priva y semi-gubernamental, nos di Aruba Trade and Industry Association (ATIA) tin algun pregunta over di kico nos como pagado di impuesto lo haya a cambio di e indexering. “No mester compronde robes, nos ta pro cu tur empleado na Aruba merece nan debido salario, pero mester tambe bin a cambio di “performance”, aumento di productividad. Den e acuerdo no tin nada cu Gobierno, como representante di pueblo, ta pone a cambio di un indexering” e director di ATIA, Herrick Henriquez ta sigui bisa.
ORANJESTAD - Conforme e ley di A.T.A., tur aña tin dos momento importante, e prome ta ora di entrega e Rapport Anual cu e resultadonan di e aña anterior y e di dos ta ora di haci entrega di e presupuesto pa e aña siguiente. Segun ATA, tur aña A.T.A. nan a sa di cumpli debidamente cu entrega di e Rapport Anual, incluyendo resumen di resultadonan y di trabao haci, como tambe e relato financiero cu su respectivo ‘goedkeurende verklaring.’