Aruba remarcablemente ausente na conferencia Ombudsman

Aruba remarcablemente ausente na conferencia Ombudsman

Posted on 06/15/2017 4:51 pm AST | Updated on 06/16/2017 3:21 am AST

KRALENDIJK – Aruba tabata remarkablemente Ausente na e Conferencia di Caribbean Ombudsman Association (CAROA), Cu a tuma lugar e siman aki na Boneiro. Asina presidente Nilda Arduin, defensor di pueblo di Sint Maarten y Ombudsman Nacional Reinier van Zutphen ta bisa. Van Zutphen como ombudsman di BES tambe ta miembro di CAROA y e biaha aki tabata anfitrion di e conferencia di cada dos aña.

Mayoria di e paisnan caribense tin un defensor di pueblo caba, mas o menos 25 di nan. Diesnuebe ta miembro di CAROA. Arduin: “Dos aña pasa nos a bay Aruba cu Reinier van Zutphen y Keursly Concinsion (defensor di pueblo di Corsou, red.) pa combersacionnan cu stakeholders. Parlamento a vota riba esaki y a nombra un organisador. Pero lastimamente e deadline di promer di juli lo no ta alcansabel.”

Van Zutphen ta agrega cu e ta tende cu ta sinti falta di un defensor di pueblo na Aruba: Tin grupo tene atras cu ta sinti falta di un defensor di pueblo caminda nan por manda un keho. E echo cu gobierno no kier esaki kisas ta sintomatico. Pa cuidadano ta masha importante, pasobra tin algun asunto masha serio ta sosode. Aruba mester ‘come across’.” Van Zutphen ta teme cu lo pospone e nombramento di e defensor di pueblo atrobe pa motibo di e eleccion binidero na Aruba: "E ora ei tin otro prioridat atrobe.”

Arduin ta e prome defensor di pueblo di Sint Maarten. A nombr’é riba 10 di october di 2010, dia Sint Maarten a bira un pais autonomo. Den e promer añanan ela haci hopi trabou di pionero, pero ainda esaki no ta cla. “Ta un reto pa lanta un instituto nobo. Nos a traha un plan strategico pa dies aña. Eyden nos a incorpora cu despues di shete aña lo tene un mega-evaluacion. Esaki ta tumando lugar actualmente.” 

E obstaculonan di mas grandi actualmente a soluciona, Arduin ta bisa, manera con ta financia defensor di pueblo. Ainda na Sint Maarten nan no conoce e instituto bon ainda. “Ma ta kico un defensor di pueblo ta haci? E termino gobernacion drechi, na ingles propriety, ainda no ta un termino comun. Esey ta indica kico e obstaculonan tawata.”

Arduin ta baha na october. Su susesor lo mester continua su trabou. Den buscamento di un homber of muher nobo ta falta un bon discripcion di e funcion. “Nos legislacion mester di un bon profil pa e mandatario. Ken mester haña e trabou?”

Di Ret Caribense .. Foto OLB

  • Parlamentario di St Maarten ta bay prison pa fraude electoral

    Parlamentario di St Maarten ta bay prison pa fraude electoral

    PHILLIPSBURG – Parlamentario Silvio Matser (51) di St Maarten a keda sentencia na 8 luna di prison (2 condicional) pa fraude electoral. Hunto cu ne 2 otro persona tambe a tende sentencia di prison den nan contra den e casonan combina di "Octopus" y "Grastelchi". Matser tabata sospecha di a cumpra voto pa gana eleccion di 29 di augustus 2014 di St Maarten. Hunto cu ne ex director di prison E.R. tambe a haya castigo di prison, 160 dia di cual 80 ta condicional. Loke a ‘scapa’ Matser ta cu a aplica e ley electoral bieu, compara cu e ley nobo di 2015, cu lo a nifica cu Matser mester a sinta 2 aña en bes di 8 luna.

  • Cruz Cora ta extende programa di alimentacion na St. Maarten

    Cruz Cora ta extende programa di alimentacion  na St. Maarten

    PHILLIPSBURG - Cu tanto famia luchando ainda financieramente despues di Horcan Irma, Nederlandse Rode Kruis, por medio di su branch na St. Maarten, ta extende su programa di alimentacion na skolnan te cu fin di mei 2018.

  • Ruben Garcia ainda na Colombia, recuperando poco poco

    Ruben Garcia ainda na Colombia, recuperando poco poco

    BUCARAMANGA /ORANJESTAD – Conocido personahe di Aruba Ruben Garcia su salud ta birando ‘dia pa dia miho’. “E lo dura un tempo (prome cu e ta bon) pero e ta bayendo bon” su señora esposa a sigura NoticiaCla diadomingo. Pa loke ta fecha pa bolbe Aruba, no por bisa ainda pasobra no tin nada programa ainda segun e famia. Mientrastanto e atencion pa su recuperacion ta sigui di ta inmenso riba rednan social, unda cu Aruba ta mustrando su solidaridad cu un di Aruba su personahenan mas preferi, esta Ruben ‘Tio’ Garcia.

  • Venezuela a suspende operacion di Aserca Airlines tambe

    Venezuela a suspende operacion di Aserca Airlines tambe

    CARACAS/ORANJESTAD – E departamento di aeronautica civil di Venezuela (INAC) a suspende operacion di e aerolinea Venezolano Aserca Airlines debi cu e no tabatin seguro necesario pa e flota di su avionan. E aerolinea mes mientrastanto a emiti un comunicado riba nan portal, cu nan a suspende nan operacion temporalmente pa motibonan tecnico pa cual no por bula entre 15 pa 23 di februari 2018, sin bay den detaye di e motibonan tecnico. Esaki ta bira e di dos aerolinea e aña aki caba cu Venezuela ta ‘ground’ (e prome tabata Santa Barbara Airlines). E diferencia aki ta cu Aserca Airlines si tabata bula pa Aruba y den januari di e aña aki ainda tabatin 4 buelo pa siman segun vocero di aeropuerto Reina Beatrix.

  • Warda Costa ta intensiva presencia debi na situacion cu Venezuela

    Warda Costa ta intensiva presencia debi na situacion cu Venezuela

    ORANJESTAD /WILLEMSTAD – E situacion actual di Venezuela a pone cu Warda Costa di Caribe ta bay ta mas activo cu su papel di ta polis maritimo den e region. Asina vocero di Warda Costa Roderick Gouverneur a confirma pa NoticiaCla. Segun Gouverneur, e parti di intensiva e control, ta den nan ‘jaarplan pa 2018’ di 40 pagina. Aki tin un montante di placa extra cu Hulanda a reserva pa yuda. Esaki ta encera cu pronto lo tin mas patruya vigilando e awanan teritorial pa asina controla posibel traficacion di hende y boto entre Venezuela y islanan ABC.

  • Parlamentario activo di St Maarten deteni pa fraude

    Parlamentario activo di St Maarten deteni pa fraude

    PHILLIPSBURG – Parlamentario di St Maarten Frans Richardson a keda deteni ayera riba e isla. E ta sospecha di soborno y fraude di impuesto. Richardson ta e lider di e partido politico USP cu tin 3 di e 15 asientonan den e actual Parlamento.

  • Powered by SETAR