WILLEMSTAD - Hues a dicta sentencia den caso di dobel asesinato na discoteca "The Alley" den Punda. Tur 4 persona cu awe a scucha veredicto ta ser sospecha di posesion di arma di candela ilegal e dia di e tiroteo:
Bewaker F.: 24 luna di prizon di cual 6 luna condicional y 3 aña di prueba. A keda prueba cu ela laga e arma di candela drenta como miembro di seguridad den "The Alley".
L.: pa complicidad 24 luna di prizon di cual 6 luna condicional y 3 aña di prueba.
De J.: liber di tur acusacion. Corte no tin prueba cu e tabata por a sa cu e tabata envolvi cu e arma di candela.
Dama C: liber di tur acusacion. Corte no por a prueba cu e tabata sa cu e tabata tin un arma di candela den su tas. E ta recobra su libertad mesora.
OM y esnan condena tin 2 siman pa apela e veredicto.
Daño perhuisio no ta ser otorga como cu e sospechosonan di awe tabata sospechoso solamente pa posesion di arma di candela. E tratamento di daño di perhuicio di 3 famia di defuntunan lo keda trata na luna di augustus ora trata e caso di e sospechoso mayo.
WILLEMSTAD - Apesar ku asuntu di refugiado ta keda un responsabilidat outónomo di kada pais den Reino, gobièrnu Hulandes ta dispuesto pa yuda Kòrsou, Aruba i St. Maarten ku ayudo tékniko den kaso ku pidi pa esaki. Gobièrnu Hulandes ta enfatisá sinembargo ku ta importante ku ta habri diálogo ku organisashonnan no gubernamental pa optimalisá kolaborashon.
WILLEMSTAD - Diesocho instituto di enseñansa i konosementu di e parti karibense di Reino i Hulanda ta bai sigui strukturá i intensivá nan koperashon riba tereno di enseñansa, investigashon i siensia. Asina por ehèmpel nan kier bai desaroyá entre otro programanan di enseñansa konhuntamente. E kolaborashon speshal ta resultado di e mishon di konosementu den e área karibense bou di liderazgo di minister Dijkgraaf (Enseñansa, Kultura i Siensia). Djabièrnè último a klousurá esei na Kòrsou.
WILLEMSTAD - E frakshon di MFK ta hopi preokupá ku kasnan ku no tin suministro ainda di awa. P’esei nan ke un reunion públiko, kaminda ta invitá minister Ruthmilda Larmonie-Cecilia i su kolega minister Ruisandro Cijnte pa ta den sala di parlamento i asina debatí ku nan riba e tópiko aki.
WILLEMSTAD. – E akusado V.V. (33) nasé na Aruba su kaso a keda tratá den su ousensia. Segun akusashon dia 21 di febrüari último, el a trata na eksportá 1.535 gram di mariwana.
WILLEMSTAD - Ministernan di Enseñansa Robbert Dijkgraaf (Hulanda) i Sithree van Heydoorn (Kòrsou) den presensia di minister di Edukashon di Aruba, Endy Croes a firma ayera un akuerdo pa instituí e beka Tula. Pa medio di e beka aki un studiante di Kòrsou por hasi un estudio di historia na Hulanda na nivel di “bachelor”.
ORANJESTAD - E di dos konferensia di trabou di SEA a tuma lugá awe i ayera na Kòrsou, unda tur isla di Karibe i Hulanda a partisipá. SEA, òf Aliansa Edukashonal Stratégiko, tin komo meta primario stimulá éksito den estudio i chèns igual pa studiante karibense. Ademas, a presta atenshon tambe na e prioridatnan di e proyekto SEA.