Comedia ‘Cancel Air’ di Pachi Damon fin di luna na Aruba

Comedia ‘Cancel Air’ di Pachi Damon fin di luna na Aruba

Posted on 06/11/2017 6:11 pm AST | Updated on 06/11/2017 11:19 pm AST

ORANJESTAD - Ta falta net dos siman pa asina e comedia di Pachi Damon wordo presenta na Aruba. Esaki ta danki tambe na Renaissance Aruba Resort y Crystal cu Seaport Casino. Un comedia caminda un aerolinea Cancel Air ta laga tur hende na caya cu su cancelacion di vuelonan. Un Comedia cu a nace a base di situacion actual den e islanan ABC cu aerolinea local. Hopi harimento cu e pasaheronan cu mester biaha, pero ta keda pega. Discusion di hendenan di tur nacion durante e comedia na aeropuerto ora di biaha. Si abo kier ta parti di e comedia, reserva bo asiento reservando bo ticket na Citgo Blvd y Citgo Esso Ville. E comedia lo ta diabierna 23 di juni pa 8or PM, Diasabra 24 di juni pa 8or PM y 12or Midnight, y tambe diadomingo 25 di juni pa 8or PM. E stoelnan ta limita den Crystal Theater. P'esey reserva bo ticket awe mes pa asina bo hari bay gol. Na Corsou e obra aki ta sold out tras di sold out. Aruba tambe a pasa den mesun situacion cu cancelacion di vuelo.

  • DS Relationship Coaching/DS Love Coach a habri su portanan

    DS Relationship Coaching/DS Love Coach a habri su portanan

    (ADVERTORIAL)

  • Mas di 300 hende a forma parti di e Girls Night Out di Fifty Shades Freed

    Mas di 300 hende a forma parti di e Girls Night Out di Fifty Shades Freed

    ORANJESTAD - The Cinema y Tropical Bottling Co. a organisa un Valentine’s Night Event specialmente p’e hendenan muhe pa asina set e mood pa Valentine’s Day. The Cinema a haci un evento chikito cu e pelicula di Fifty Shades Freed, caminda e prome 100 persona cu a cumpra nan ticket, a ricibi un goodiebag for di sextasy.

  • Sports Illustrated ‘swimsuit’ edition 55 a enfoca riba Aruba

    Sports Illustrated ‘swimsuit’ edition 55 a enfoca riba Aruba

    ORANJESTAD – Pa e di 55 edicion di e revista internacional renombra Sport Illustrated su edicion di trahe di baño, nan a scohe Aruba como un di e sitionan principal. E edicion a keda revela diamars ultimo, ilustrando beyesanan internacional usando paisahenan romantico di Aruba y Bahamas (for di cual a saca e portada). NoticiaCla a raporta e momento caba ora cu e photo-shoot tabata tuma lugar aña pasa. Ta trata di un serie di modelonan internacional Kate Upton, Aly Raisman, Alexis Ren, Sailor Brinkley (yiu muher di ex modelo di SI, Christie Brinkley), Paige Spiranac y mucho mas. Segun CEO di ATA Ronella Tjin Asjoe, tabata un privilegio pa ta anfitrion di e edicion aki. E revista tin mas di 70 miyon lector adulto internacional anualmente y ta un marca internacional sin igual. Entre e logronan, fuera di e yiu muher di Christie Brinkley, tabatin e storia di Kate Upton cu durante e toma di potret, a cay den laman ora cu un ola a bente abou mientras cu e tabata topless. Tambe tin e prome photoshoot di un atleta paralimpico.

  • Empleadonan di MetaCorp contento cu imagen nobo di Chill

    Empleadonan di MetaCorp contento cu imagen nobo di Chill

    (ADVERTORIAL)

  • Interpark Coney Island tin sorpresa pa fin di siman!

    Interpark Coney Island tin sorpresa pa fin di siman!

    (ADVERTORIAL)

  • Giovanni Bermudez awor na cabes di Tropical Bottling Co.

    Giovanni Bermudez awor na cabes di Tropical Bottling Co.

    (ADVERTORIAL) ORANJESTAD - E no ta un desconoci den e industria comercial. Giovanni Bermudez, desde dia 2 di januari 2018 tin e funcion di Gerente General di Tropical Bottling Company, e compania responsabel pa e liña di bebida mas varia riba nos isla, cu ta inclui e cerbesnan netamente Arubiano, Balashi y Chill, refresconan Coca Cola, Tropical, Malta Balashi y un liña extenso di bebidanan no alcoholico y tambe alcoholico di marcanan internacionalmente renombra. Giovanni Bermudez ta conoci den e industria aki, despues cu for di aña 1994 a start su carera na Licores Aruba y asina a gana hopi experencia den e industria di bebida y restaurantnan rapido. A acerca su persona a base di su experiencia y Giovanny Bermudez a tuma e reto aki. “Mi a tum’e cu hopi gana, pasobra mi ta un persona cu ta gusta un reto nobo”, asina el a expresa. Den un empresa manera Balashi, cu ta uno grandi, un empresa sofistica y cu hopi structura. El a tuma e reto pa hiba e empresa na e siguiente nivel. Despues di casi 25 aña di experencia den posicionnan den gerencia, e ta completamente prepara pa hiba e Tropical Bottling Company na e siguiente nivel di crecemento, desaroyo y exito den e mercado local y internacional. Tropical Bottling Company ta precisamente memey di un proyecto miyonario di expansion di su facilidadnan na Balashi, den cual ta construyendo un warehouse gigantesco. E inversion a inclui adkisicion di un mashin nobo y sofistica pa label boter di cerbes y den futuro otro boternan. Tur esaki den un proyecto pa conkista mas mercado den tur area di e industria di bebida riba nos isla. Cu e conocemento di mercado di Giovanni Bermudez, e ta capaz pa haci e cambio aki, hunto cu un ekipo relativamente nobo den gerencia y hunto cu un ekipo di empleadonan profesional, dedica y experencia den e industria aki. Giovanni Bermudez a expresa cu cerbes Chill semper ta un di e cerbesnan grandi den mercado na Aruba. Nan vision ta pa bira lider absoluto den mercado y e enfoke ta completamente grandi pa asina crece e market share di e producto. Asina aki e otro marcanan lo keda irelevante.

  • Powered by SETAR