United Airlines tambe ta stop di bula pa Venezuela otro luna
HOUSTON – E aerolinea mericano United lo stop di bula pa Venezuela otro luna. Asina e portal Click Lankachire Express ta raporta. Un serie di problema for di esun di placa pega na e pais bisiña, interes abou pa bula pa e destinacion y seguridad a pone cu e aerolinea a dicidi pa para nan buelonan otro luna. E problema di seguridad tabata asina serio cu april ultimo ainda nan a incorpora Aruba den su itinerario pa Caracas manera cu NoticiaCla a raporta , pa motibo di seguridad. Na lo mester a uza Aruba pa cambia nan tripulacion en bes di laga nan pasa anochi na Caracas.
MAS AEROLIÑA A PARA BUELO CABA
Aña pasa Latam Arilines Group SA, di Chile a suspende buelonan pa Caracas for di Brazil, Chile y Peru; Grupo Aeromexico SAB a para nan buelo for di Mexico City pa Venezuela; Deutsche Lufthansa AG a para nan buelonan di Frankfurt tambe. American Airlines y Delta a reduci nan buelonan considerablemente. Rumornan ta bisa cu varios aerolinea a stop di bula pa Venezuela pasobra gobierno Venezolano no a paga nan. Na tur, Venezuela tin un total di 3.8 biyon dollar ‘secuestra’, sin cu nan por hay'e. Foto ta archivo di un avion di United na aeropuerto di Maiquetia, Venezuela
Gobierno Hulandes ta investigando su embahador na Colombia
DEN HAAG – Minister demisionario di relacionan exterior Bruins Slot (Buitenlandse Zaken) ta bay investiga si su embahador na Colombia Reina Buijs a surpasa su autoridad door di firma un documento sosteniendo e organisacion di Nacionan Uni UNRWA. E organisacion aki ta bou di presion internacional pa supuesto envolvimento di colabodornan di e organisacion den e atake di terror na Hamas aña pasa October. Merca y Hulanda a congela e sosten financiero na e organisacion aki te proximo aviso.
St Eustatius ta haya gezaghebber femenino Alida Francis
ORANJESTAD -- E siman aki señora Alida Francis a huramenta como gezaghebber nobo di Sint Eustatius. Pa prome biaha den historia di e isla un hende muhe ta gezaghebber.
Screening ministernan pa gobierno nobo di St. Maarten porfin ta den fase final
PHILIPSBURG - Den wikènt tras di lomba porfin informashon verídiko a drenta ku ta duna un indikashon ku e proseso di formashon di un gobièrnu nobo pa St. Maarten ta yegando den su fase final. Ta spera ku pa fin di e siman aki e seremonia pa hura e ministernan nobo di gabinete Mercelina i ta tuma lugá.
Tres Colombianonan ‘perdi’, lo a bandona barco crucero intencionalmente
MIAMI – E tres pasaheronan crucero Colombiano cu a ‘disparce’ despues di a bishita Tortola durante un crucero riba e barco crucero di NCL, Norwegian Sky, ta resulta cu a bandona e barco intencionalmente pa no bolbe. Noticiacla a raporta riba esaki recientemente, unda cu a bati alarma ora cu e barco a sali sin e tres personanan, unda cu a cuminsa un buskeda pa nan. AWor ta resulta cu ora cu autoridad a check e cabina di e tres pasaheronan, a haya esaki completamente bashi. Pues nan lo a bandona e barco cu tur nan pertenencianan, cu ta mustra straño, sin cu e personal di e barco a nota esaki. Mientrastanto e buskeda ta continua pa e tres personanan na Tortola. E tres Colombianonan tabata riba un crucero cu a caba pasa Aruba y Corsou tambe, pa despues yega Tortola. Aki ta unda e problemanan a cuminsa.
Tres pasahero Colombiano cu a pasa Aruba riba barco crucero, ta ‘perdi’ despues di a yega Tortola
TORTOLA – Tres pasahero biahando riba e barco crucero Norwegian Sky ta raporta como perdi despues cu e siman aki e barco a pasa Tortola, Isla Virgen Britanico. E barco prome cu esey a pasa Aruba tambe, pero ta na Tortola a sinti nan falta. E polis local a cuminsa un buskeda di e tres personanan, di nacionalidad Colombiano. Ta trata di Jean Carlo Ospina Cano, Pamela Mesa Escobar, y Yesica Yojana Marin Ramirez. No ta conoci si nan ta famia y si nan a keda tera ‘intencionalmente’ of si algo por a pasa nan.
Familiarnan di e 9 hombernan cu a disparce na caminda pa Aruba a keda secuestra
CARACAS – Familiarnan di esnan cu a naufraga riba laman na caminda pa Aruba, desde Paraguana, estado Falcon, ta kere cu nan tabata victima di un secuestro. Asina e portal Venezolano el diario.com ta raporta. E 9 hombernan ta desapareci desde December 2023. “Mientras cu e dianan tabata pasa, nos tabata spera cu nan lo a sali via Guajira pa Colombia, nos ta calcula y ta den nos cabez cu nan ta secuestra” un di e familiarnan a bisa na radio Union dialuna. Irene Velazco, otro familiar entrevista a bisa cu nan a raporta esaki caba na e autoridadnan. “Nos a te hasta bay guardacosta y nan a tuma nos datonan. Supuestamente nan lo ta haciento e buskeda pero nunca nan a duna nos prueba di e busqueda aki”.
Follow NoticiaCla
