ORANJESTAD – Diahuebs 1 di juni proximo Renaissance Marketplace ta uni su mes na e celebracion rond mundo di un dia special pa e Rey y Reinanan di cas, nos muchanan. Pa Dia Internacional di Mucha Renaissance Marketplace ta comberti su mes den un parke di diversion caminda ta comparti hopi actividad leuk y snacks delicioso. Mayornan ta invita pa bin cu e muchanan entre 6’or di atardi y 8’or di anochi pa disfruta di tur loke tin prepara.
For di awo caba por menciona cu Renaissance Marketplace ta bay prepara stacionnan pa traha y decora waffle, pero tambe cuki. Reparti dor di e areanan di e centro comercial lo tin pintamento di cara, dino jump, trampolin, carousel y trein. Muchanan por disfruta tambe di cuchulati cayente.
Tambe lo tey e personahenan faborito di e muchanan for di e mundo di Disney y diferente actividad pa entretene nos chikitinnan. Ta bay regala blaas na e muchanan presente, ademas di otro actividad y regalo cu ta bay laga como sorpresa. Y tur esaki ta completamente gratis!
Diahuebs awo haci’e un anochi di famia y bin celebra hunto Dia Internacional di Mucha. Semper por combina e bishita na Renaissance Marketplace cu un pelicula na The Cinemas of un dushi cena, donut of ice cream na e variedad di establecimento cu tin. Pa mas informacion riba e actividad aki y otronan, bishita e pagina Renaissance Mall & Marketplace riba Facebook
ORANJESTAD – Recientemente e team di Wings of Hope (WOH) cu ta forma parti di Aruba Airport Authority N.V. a organisa e di dos AUA Airport Runway Run riba diadomingo 17 di maart 2024, caminda un total di 125 coredo a duna bek na comunidad di un manera inolvidabel.
ORANJESTAD - Dia 18 di maart Aruba henter ta celebra Dia di Himno y Bandera. Dos simbolo di nos autonomia, identidad, libertad y union.
ORANJESTAD - Fundacion Kapel di Bethania – FKB, ta habri portanan di Klooster Imeldahof pa henter pueblo di Aruba riba ‘Dia di Himno y Bandera’ 18 di maart for di 9:00 am pa 2:00 pm. Un y tur lo tin e posibilidad pa haya experencianan varia riba e dia di celebracion aki.
ORANJESTAD - Hilton Aruba Caribbean Resort & Casino a introduci e Tree of Giving na 2020 manera un forma pa duna bek na comunidad. Bishitantenan por contribui n’e Tree of Giving situa den e lobby di Aruba tower, pa medio di cumpra un poinsettia plant durante e luna di december. Tur e ganashi colecta ta bay directamente pa asisti e isla su banco di cuminda, FPNC, Fundacion Pa Nos Comunidad, www.fpncaruba.com.
ORANJESTAD - Señora Nena a nace na 1936 na Colombia bao di e nomber di Edith Elvira Fawcet.