- Conocido presentadora di programa Sinterklaas Journaal mester laga amputa su nanishi
- Cantidad di hende condecora na Corsou ta hopi menos cu Aruba e aña aki
- Presentacion ‘Bulletproof Sleep’ riba Syndroom di Apneu, na Biblioteca Nacional Aruba
- Aruba ta co-anfitrion di Torneo futbol Damas U15 Concacaf cu Trinidad y Costa Rica
- Doño di cacho abusa ‘Khaleesi’ ta dilanti huez fin di mei
DIP: No a otorga e 7 terenonan den disputa den Saliña
ORANJESTAD – Directie Infrastructuur & Planning (DIP) a sigura cu actualmente ‘no tin tereno otorga den Saliña na Malmok’. Miembro di management team di DIP Isabel Dammers a sigura cu e 7 terenonan cu ta haci mencion den dje y cu a sali publica riba rednan social y den medionan di comunicacion ela informa esey.
TERENO OTORGA NA PERSONANAN LIGA NA GOBIERNO
E siman aki a sali un mensahe cu ta haci mencion di otorgamento di 7 tereno na saliña na Malmok, cu lo ta contra e maneho di DIP. Ademas e mensahe ta haci mencion specificamente di e conseho negativo di DIP. Ta sigui haci mencion di nombernan di persona cu lo ta encarga cu otorgamento, y tambe na ken e terenonan aki mester wordo otorga. E mensahe ta na ingles y ta bisa textualmente “Oficina di Franklin Abad, L.Q a duna persona di DIP (E) orden pa duna 7 parcela tras di saliña na Malmokweg. E consehero legal a bise cu ta ‘wetlands’ y asina mes a ordena (persona di DIP) pa follow up y duna e parcelanan aki na amigo y famia. A mustra cu DOW su conseho tambe tabata negativo y a bisa cu lo no otorga permiso di construccion, pero cu un tal Q a ordena pa ignora esey y otorga e permiso. Ademas lo tin hendenan di DIP rabia pasobra e recipientenan di e tereno en cuestion apenas recien a aparece riba e lista, mientras cu tur otro hende ta warda 12 aña. Segun informacion, e persona en cuestion L, tin bendicion di minister di infrastructura y cu su instruccion mester wordo sigui” Te eynan e mensahe cu a causa henter e consternacion .
DELINEACION DI AREANAN
Segun DIP, den e plankaart di e Ruimtelijk Ontwikkelingsplan (ROP) delineacion di areanan (plangrenzen) ta defini detayadamente, ya cu nan ta marca como delineacion global. E texto di e beleidsplan ta indica tambe cu ki margen y bou di cua condicion por desvia di e plangrens aki. Alabes pa basta tempo caba tin proceso andando pa haci ahuste na e ROP. Ahuste di plangrenzen lo ta entre otro consecuencia di esaki. E terenonan en cuestion den e ROP ta destina como saliña/wetland y door cu nan ta cai na rand di plangrens por ta eligibel pa wordo otorga bou di un decreto ministerial conforme e ROP actual.
AINDA NO A DESVIA DI ROP
Adelantando riba e ahuste di areanan defini globalmente den e plankaart di e ROP entre otro na Malmok a tuma lugar midimento di algun tereno. Sinembargo ainda no tin un decreto ministerial pa desvia for di e ROP y no a tuma lugar niun otorgamento den erfpacht di e terenonan en cuestion tampoco.
DECRETA 16 AREA DI NATURALESA
Na e momentonan aki tin trabounan tumando lugar en coperacion cu diferente departamento pa ehecuta e mocion di Staten y pa decreta 16 area di naturalesa como reserva di naturalesa (natuurreservaat). E saliña di Malmok ta un di e areanan aki. E grens di e area na Malmok cu lo bira reserva di naturalesa ta wordo defini mas en detaye ainda.
CONSEHO CONTRA OTORGAMENTO DI TERENO MENCIONA
Por informa adicionalmente cu por lo pronto no lo conseha pa otorga e terenonan aki. Tambe a pidi Kadaster pa en caso cu por tin cualkier peticion pa midimento pendiente den e area pa debolbe esaki na DIP sin ehecuta.
NOMBER EMPLEADO DIP MENCIONA
Concluyendo mester remarca cu ta di lamenta cu nomber di un empleada ehemplar di DIP a wordo menciona den publicacionnan sin cu ta necesario y cu tur informacion encuanto derecho di erfpacht otorga ta publico y obtenibel na hypotheekkantoor di Kadaster. NOTA: E area blauw ta e supuesto wetlands cu ta den discusion awor.
Presentacion ‘Bulletproof Sleep’ riba Syndroom di Apneu, na Biblioteca Nacional Aruba
Un total di 18 ciudadano di Aruba ta haya Condecoracion Real
ORANJESTAD - Diabierna 26 di april 2024 pa 7’or di mainta (ora local) a publica e edicion special di Staatscourant incluyendo un lista di e personanan na kende a otorga un Condecoracion Real e aña aki. Tradicionalmente e momento festivo aki, tambe conoci como Ocasion General, ta relaciona cu e cumpleaño di Su Mahestad, Rey Willem-Alexander, cu ta e Granmaestro di e condecoracionnan. Por otorga un condecoracion na personanan cu a duna un contribucion special na e sociedad.
HOH: Ocupacion di cama poco poco ta bek na normalidad na hospital
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
Stampiaaruba cu exposion di stampia na Aruba pa celebra 17 aniversario
Oficina principal di DIMP ta cera awe diaranson pa mantencion
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.
Den cuadro di reposicionamento, FPNA ta cambia su nomber pa Aruba Conservation Foundation
ORANJESTAD – E organisacion independiente di conservacion di naturalesa conoci como Fundacion Parke Nacional Aruba (FPNA) ta usa e ocacion mundial di Dia di Mama Tera pa revela su transformacion pa Aruba Conservation Foundation (ACF). E transformacion akinan ta encera un nomber nobo, un logo, y identidad visual nobo cu ta alinea na e direccion strategico di e organisacion como un organisacion moderno di maneho di conservacion y alavez ta alinea na e necesidad actual pa conserva naturalesa di Aruba. Asina, e organisacion ta despedi di ta un organisacion tradicional di maneho di parke cu hopi a bin ta conoce pa mas cu 20 aña.
Follow NoticiaCla
