ORANJESTAD - Diadomingo anochi pa 8:15 yamada ta drenta na central di polis cu un atraco a tuma luga na un cas na madiki kavel. Patruya ta yega na e cas na unda ta topa cu e doño di cas y e ta declara cu 3 hende homber a yega drenta su cas y a pidi pa placa. Nan a dal e homber den cabes tapa su cara y a mar'e. Su yui homber di 9 aña tambe nan a mara. Dos di e atracadornan tabata tin arma di candela. Nan a reboltia e cas y a bay cu cadena, cartera y telefonnan. Despues nan huy aparentemente den un auto color shinishi. Diferente unidad a cuminsa haci buskeda pa wak si nan ta topa cu e auto. Na altura di korvetstraat nan a topa cu un auto cu ta cuadra cu e auto cu mester a wordo uza pa huy di e cas na madiki kavel. Ariba ordo di hefe di Atraco team e auto a wordo tuma den beslag na unda cu polis forensico lo haci su investigacion.Atraco team a presenta y tambe slachtoffer hulp.Ken cu por a wak algo, yama tiplijn di polis 11141.
PITTSBURGH - Pa mehora e habilidad riba e crimen cibernetico y fortalese e lasonan cu diferente departamentonan investigativo, commisario di polis Robert Candelario hunto cu diferente coleganan den region a forma parti di e congreso “ Disruption 2024” cu a tuma lugar na Pittsburgh Pennsylvania na Merca.
ORANJESTAD - Ayera durante oranan di merdia Wardacosta a bai cu un boto local na e punto di sosten di Wardacosta pa un control abordo. Durante di e control riba e boto dor di e agentenan di Wardacosta y e K-9 unit di Cuerpo Policial di Aruba, a bin encontra diferente pakete cu droga aden. En total a haya 237 kilo di droga di cual 57 kilo marihuana y 180 kilo cocaina. E droga y e dos hombernan, di cual unu local y unu Venezolano a keda entrega na Cuerpo Policial di Aruba.
ORANJESTAD – Diasabra atardi, Aruba a conoce su di 3 morto di trafico pa 2024. Segun informe oficial di polis, awe despues di 4’or atardi Central di Polis a dirigi patruya di Noord, ambulance y cu maximo urgencia pa un accidente pisa na altura di e supermercado NG y e restaurant Yen Yen situa na Kamay. Na yegada di e prome unidad a mira dos auto involucra den e accident. Un auto marca Nissan, modelo almera color shinishi numera A-24490 y un Honda, modelo CRV, color cora numera A-52927.
ORANJESTAD - Den ora nan di atardi, Centro Operacional Maritimo (MOC) di Wardacosta, a ricibi un mensahe pidiendo asistencia medico. Ta trata di un pasahero Aleman di 66 aña di edad riba un barco crucero, biniendo for di dirección nort di Aruba. Inmediatamente a tuma contacto cu doctor na warda di CITRO, cu a constata (despues di a evalua e situacion cu e team di medico riba barco) cu ta trata di un atake (stroke). Inmediatamente a manda e helicopter pa evacua e persona. Miembro nan di ambulance a ricibi e pasahero na Queen Beatrix International Airport i a hiba e turista hospital, pa ricibi tratamento medico.
ORANJESTAD - Wardacosta ta informa doñonan di boto y seadoo pa tene cuenta pa nan tin nan documentonan valido a bordo cual ta, ‘vaarvergunning’ y ‘vaarbewijs’ di e capitán. Zorg pa tin vest di salbabida pa tur tripulacion y pasahero abordo; no por bai ku dimas pasahero abordo di e boto pa evita situacion peligroso.