- Conocido presentadora di programa Sinterklaas Journaal mester laga amputa su nanishi
- Cantidad di hende condecora na Corsou ta hopi menos cu Aruba e aña aki
- Presentacion ‘Bulletproof Sleep’ riba Syndroom di Apneu, na Biblioteca Nacional Aruba
- Aruba ta co-anfitrion di Torneo futbol Damas U15 Concacaf cu Trinidad y Costa Rica
- Doño di cacho abusa ‘Khaleesi’ ta dilanti huez fin di mei
Soccer Institute Aruba cu trainings cu proefles gratis pa futbolista hoben
ORANJESTAD - Soccer Institute Aruba kier invita tur futbolista entre 6 cu 14 aña cu kier mehora nan tecnica of siña con pa saca e mihor di nan mes riba veld pa join SIA su re-apertura 24 di mei 2017!
Ken nos ta?
Soccer Institute Aruba ta un scol di futbol cu a ser funda na aña 2015, pa un grupo di profesional, cu experiencia den enseñansa di e deporte aki, den fasenan formativo aki na Aruba y na Hulanda.
SIA tin un ekipo tecnico altamente cualifica cu experiencia den training internacional. SIA su meta ta pa mehora e habilidad tecnico den muchanan entre 6 cu 14 aña, dunando e muchanan aki entrenamento suplemental, banda di nan entrenamento regular cu nan club. Training ta tuma lugar den grupo di maximo 10 mucha, basa riba nan habilidadnan tecnico individual. SIA ta uza diferente manera pa siña e hungador, pa logra un experiencia maximo di enseñansa. Cada les ta enfoca riba 2 fase di e wega (atake y defensa) y e pasenan di un fase pa e otro.
E tecnicanan basico cu nos ta enfoca ta:
Mehora e implementacion maximo di tecnica cu ta existi den futbol: core cu e bala, control, pase, kita bala y tira, Domina e tecnicanan: air game, e definicion di gol, technical, pase di banda y tecnica di defensa. E uzo di diferente tecnica dependiendo e situacion real di wega y crea patronchi motorico apropia pa responde den algun situacion tactico. Nos metodo di entrenamento ta incorpora diferente tecnica cu nan ta siña den diferente paso teniendo e wega di futbol semper den mente.
Lesnan di futbol
E obhetivo mas importante di SIA ta pa e lesnan di futbol desaroya e conocemento, actualisa y mehora e tecnica y habilidad mas importante pa nos alumno. Un biaha pa siman e alumno ta train riba un tactica / habilidad usando diferente ehercicio te ora nan por logra e meta. Nos studiantenan ta train den grupo di nos mas cu 10 mucha pa crea un ambiente de apredisahe continuo. Despues di a atende y participa durante e lesnan di SIA tur participante lo sa mayoria di tecnicanan basico y lo tin e instrumentonan / conocemento necesario pa por maneha un gran parti di situacionnan durante wega cu exito.
Staff tecnico califica
Nos staf di trainers of coaches ta reconoce cu e bala ta e aspecto mas importante den futbol. Durante tur training e bala lo ta e instrumento mas uza den e training integral. Tanto den training individual como den grupo, nos staf tecnico lo dunabo semper algo mas pa siña mehorando bo conocemento di e tecnica di futbol y lagando bo cu deseo pa siña mas.
SIA ta invita tur e futbolistanan cu talento di Aruba pa join pa un gratis proefles diaranson 24 di mei. Unico rekisito ta pa registra via email pa e proefles na [email protected] cu nomber completo di e mucha y e fecha di nacemento.
No perde e oportunidad aki pa progresa bo yiu su abilidad tecnico y conocemento di e deporte di futbol!
Aruba ta co-anfitrion di Torneo futbol Damas U15 Concacaf cu Trinidad y Costa Rica
MIAMI/ ORANJESTAD – Pa prome biaha den historia, Aruba ta co-anfitrion di e torneo Damas U15 di Concacaf. Asina a keda anuncia na Miami diahuebs ultimo. E weganan lo tuma lugar entre 5 y 11 di augustus 2024. Aruba lo ta anfitrion di e liga C, Trinidad Liga B y Costa Rica A. Un total di 35 pais miembro a informa cu nan ta interesa pa participa den e weganan aki. Tur tres liga lo inclui un parti di grupo y un parti di knockout y corona su campeon. E cantidad di ekipo pa liga lo keda deterina basa riba e ranking di Concacaf Woman’s U-17 Ranking di maart 2024 y e number final di participante.
Inter ta titula campeon di Italia pa di 20 biaha ganando di AC Milan
MILAN – E ekipo di futbol professional Italiano Inter a gana su di 20 titulo di campeon di Italia, despues di a gana e final contra AC Milan dialuna atardi cu score di 2-1. Denzel Dumfries, e orguyo di Aruba a drenta den 7 minuut prome cu final di e partido , pero a keda expulsa algun minuut despues cu carchi cora na final pa un bringamento cu un hungador di AC Milan Hernandez cu a provok’e. Un asunto cu tabata canando caba. Cu e victoria aki, inter por pone un di dos strea riba nan uniform den e proximo temporada. AC Milan tin uno.
Ekipo di Denzel Dumfries (Inter) ta hunga contra Milan pa e titulo di Italia awe
MILAN – E ekiponan rival Italiano AC Milan y Internazionale ta topa otro pa e titulo nacional. Interesante pa Aruba ta cu e ‘Arubiano’ Denzel Dumfries ta figura den e hungadornan pa e seleccion di Inter. E ekiponan ta rivalnan grandi di otro. Mientras cu Inter ta e faborito, 46% chens pa gana epartido, un victoria no ta sin mas. Milan lo haci tur cos pa daña e ‘fiesta’ di Inter. E hecho cu Inter a gana Milan 5-1 tempran den e temporada aki, no ta nifica nada pa e wega di awe nochi, segun comentarista italiano di futbol. E wega ta cuminsa pa 2:45pm ora di Aruba.
MLB impresiona cu catcher di Aruba pa Atlanta Braves Chadwick Tromp
ATLANTA — E pelotero professional di Aruba Chadwick Tromp ta hayando mencion tras di mencion pa su prestacion actualmente den e ekipo di Atlanta Bravez. E siman aki tabatin un otro raportahe riba su prestacion, unda cu varios punto di Tromp ta resalta. Entre nan, su abilidad pa conecta cu pitchernan di su ekipo, e determinacion pa traha duro, e disciplina y su forma di ta. Y e prestacion actual pa e temporada aki unda cu e la habri 6 wega caba como e catcher principal pa e ekipo, ta wordo considera como remarkable.
E careda di ciclista ‘12 Hours di Aruba’ ta bolbe na 2024!
ORANJESTAD - E tenshon ta subiendo mientras e edicion di 2024 di 12 Hours di Aruba ta acercando. Riba djasabra 20 di april, participantenan entusiasta di entre otro Aruba, Curaçao, Bonaire i Hulanda ta reuni na Sero Cristal pa un di e eventonan mas emocionante den e region. Cu un mescla di adrenalina, team spirit i pa un bon causa, e evento internacional aki organisa pa FX Hubada ta promete pa ta un espectáculo cu ningun hende kier perde.
Coredornan di Aruba ta cla pa e marathon di Londen pa diadomingo
LONDEN – Un grupo basta grandi di por lo menos 10 coredor di Aruba ta participa diadomingo na e marathon di London, considera como un di e marathon crucial internacional. Diabierna nan a registra nan mes oficialmente y a haya nan number y bib (e registro electronico) pa nan por participa. For di e portal deportivo 297 Sports, noticiacla a compronde cu tin por lo menos 50 mil participante diadomingo awor. Esnan di Aruba cu ta participa ta e.o. e docter di cas Joaquin van Trigt y e coredor conoci Shariska Winterdaal, Ana Mujica, Jeanette Croes, Lili Mejia, Edeline Weller, Filomena Paesch, Esther Colina, Carla Fingal y Ricky Refunjol. Potret cortesia 297 Sports.
Follow NoticiaCla
