- Presion di CAFt a pone gobierno kita 16 miyon pa RWZI di e prespuesto
- Presentadora di television Hulandes a tende di su Condecoracion Real mientras cu e ta na Aruba
- Condecoradonan a ricibi nan ‘cinta’ pa nan esfuerso y dedicacion boluntario na pais Aruba
- Conocido presentadora di programa Sinterklaas Journaal mester laga amputa su nanishi
- Cantidad di hende condecora na Corsou ta hopi menos cu Aruba e aña aki
Aruba Bank a anuncia su ‘Walk & Run’ 2017
ORANJESTAD - Aruba Bank a anuncia su evento di “Walk & Run”, cu ta cuminsa dialuna 29 di mei, y sigui diamars 30, diaranson 31, y ta culmina diahuebs 1 di juni, 2017 den 4 diferente districto. E slogan di e aña aki ta “Relaxed or Competitive Mode?”.
"Relaxed or Competitive Mode" ta indica, cu no ta importa si bo ta cana of core, si bo ta participa den un relaxed of competitive mode, e evento aki ta pa bo join y have fun. Ademas, Aruba Bank conhuntamente cu DJ 101, a crea un playlist pa gusto di tur “mode” di e participante! Download e App di Aruba Bank Walk & Run 2017, obtenibel pa iPhone y Android. Ademas di esaki e App ta uno unico y prome na Aruba den su categoria caminda cu participantenan por comparti via “Social Sharing” nan resultado “LIVE” riba social media, sigui noticia y informacion di e Walk & Run como tambe disfruta di e numeroso playlistnan cu tin obtenibel ariba e “tool” innovativo aki, y hopi mas.
Algun aspecto nobo cu lo introduci e aña aki pa reduci e trafico riba caminda ta servicio di shuttle bus (horario y rutanan lo wordo publica via nos FB page y App). E evento e aña aki lo ta “Plastic Free”, esaki den cuadro di Aruba Bank su Green Wave efforts pa sostene nos medio ambiente. Pa yuda cu esaki nos ta bay regala tur participante un water bottle, shirt, re-usable string bag, ear buds (limita na e prome 500 participante), y e BIB cu Chip. Durante e evento lo no parti beker di plastic ni tampoco boli, pues, corda trece bo water bottle y refill esaki na e start, waterpost y finish. Tambe un elemento nobo cu lo tin e aña aki ta cu por participa cu Team di 5 participante. E tempo di e miho 4 participantenan, lo conta hunto como team-effort, y na final, e 3 team nan cu miho tempo lo sali ganado. Tuma nota cu si ta participa como grupo, participacion como individual lo no ta valido.
Aruba Bank ta masha contento cu ta 13 aña caba cu ta organisa e evento cu ta promove salud, conhuntamente cu IBISA, y cu a bira un parti esencial di nan programa comunitario anual. Ta importante pa menciona tambe cu Subway un biaha mas ta uni na e evento, presentando su opcionnan saludabel di cuminda. Nan tambe ta sostene e tema, e iniciativa y sigur tambe representando bida saludabel.
Aruba Bank hunto cu partnernan IBISA y Cuerpo Policial Aruba a delibera y scoge e cuatro (4) rutanan. E prome dia lo sali y termina na e sucursal di Aruba Bank na San Nicolas, e di 2 dia lo sali y termina na Compleho Deportivo na Santa Cruz, e di 3 dia lo sali for di Aruba Bank Paradera Drive Thru Center, y 4 dia lo cuminsa na Centro Deportivo Frans Figaroa na Noord.
Siguridad ta hopi importante, mirando e cantidad di hende cu ta participa. Conhuntamente cu Polis y grupo di boluntarionan lo yuda pa garantisa siguridad maximo riba e rutanan. Tambe nos e evento lo conta cu asistencia di Rode Kruis.
Registracion ta habri desde diamars 16 di mei via walk-and-run.arubabank.com. Registracion ta individual. Bo por registra pa cana, pa coredo of cana/core (indicando cu bo ta core pero mas tanto pa train y recrea, no necesariamente pa competi).
Ta conseha tur hende pa asina registra, paga mesora, pa asina garantisa bo luga (t-shirts sleevless ta limita). E aña aki por paga online via Aruba Bank Online y Aruba Bank App, den e Address Book por scoge “Aruba Bank Walk & Run 2017". Esaki ta solamente pa clientenan di Aruba Bank. Otro participantenan cu no tin Aruba Bank Online of Aruba Bank App, por paga na IBISA su oficina na Frankrijkstraat of San Nicolas, uzando e mashin di swipe di Aruba Bank. Inscripcion y partimento di size di shirts ta bay a base di “first come first serve”. IBISA su orario ta di 8’or di mainta pa 4’or di atardi, y diaranson y diahuebs 17 respectivamente 18 di mei, su portanan lo keda habri te 7’or di anochi pa asina facilita e participante.
Tur participante ta ricibi 1 dri-fit shirt, 1 re-usable water bottle (please trece esaki cubo pa uza durante evento), 1 re-usable string bag, 1 BIB cu Chip. Ta corda tur hende pa registra na tempo pa evita cu na ultimo momento ta busca luga pa participa, ora cu tur cupo ta yen caba. Sigui Aruba Bank ariba Facebook, y tambe download e App di Aruba Bank Walk & Run, pa keda informa cu tur detayes di e gran evento anual aki, Aruba Bank Walk & Run 2017.
Prize money policy:
*To receive the cash money prize, winning participant of the Walk & Run 2017 must be a registered resident of Aruba.
*Pa ricibi e premio di placa cash e participante ganador di e Walk & Run 2017 mester ta registra como residente di Aruba.
Aruba ta co-anfitrion di Torneo futbol Damas U15 Concacaf cu Trinidad y Costa Rica
MIAMI/ ORANJESTAD – Pa prome biaha den historia, Aruba ta co-anfitrion di e torneo Damas U15 di Concacaf. Asina a keda anuncia na Miami diahuebs ultimo. E weganan lo tuma lugar entre 5 y 11 di augustus 2024. Aruba lo ta anfitrion di e liga C, Trinidad Liga B y Costa Rica A. Un total di 35 pais miembro a informa cu nan ta interesa pa participa den e weganan aki. Tur tres liga lo inclui un parti di grupo y un parti di knockout y corona su campeon. E cantidad di ekipo pa liga lo keda deterina basa riba e ranking di Concacaf Woman’s U-17 Ranking di maart 2024 y e number final di participante.
Inter ta titula campeon di Italia pa di 20 biaha ganando di AC Milan
MILAN – E ekipo di futbol professional Italiano Inter a gana su di 20 titulo di campeon di Italia, despues di a gana e final contra AC Milan dialuna atardi cu score di 2-1. Denzel Dumfries, e orguyo di Aruba a drenta den 7 minuut prome cu final di e partido , pero a keda expulsa algun minuut despues cu carchi cora na final pa un bringamento cu un hungador di AC Milan Hernandez cu a provok’e. Un asunto cu tabata canando caba. Cu e victoria aki, inter por pone un di dos strea riba nan uniform den e proximo temporada. AC Milan tin uno.
Ekipo di Denzel Dumfries (Inter) ta hunga contra Milan pa e titulo di Italia awe
MILAN – E ekiponan rival Italiano AC Milan y Internazionale ta topa otro pa e titulo nacional. Interesante pa Aruba ta cu e ‘Arubiano’ Denzel Dumfries ta figura den e hungadornan pa e seleccion di Inter. E ekiponan ta rivalnan grandi di otro. Mientras cu Inter ta e faborito, 46% chens pa gana epartido, un victoria no ta sin mas. Milan lo haci tur cos pa daña e ‘fiesta’ di Inter. E hecho cu Inter a gana Milan 5-1 tempran den e temporada aki, no ta nifica nada pa e wega di awe nochi, segun comentarista italiano di futbol. E wega ta cuminsa pa 2:45pm ora di Aruba.
MLB impresiona cu catcher di Aruba pa Atlanta Braves Chadwick Tromp
ATLANTA — E pelotero professional di Aruba Chadwick Tromp ta hayando mencion tras di mencion pa su prestacion actualmente den e ekipo di Atlanta Bravez. E siman aki tabatin un otro raportahe riba su prestacion, unda cu varios punto di Tromp ta resalta. Entre nan, su abilidad pa conecta cu pitchernan di su ekipo, e determinacion pa traha duro, e disciplina y su forma di ta. Y e prestacion actual pa e temporada aki unda cu e la habri 6 wega caba como e catcher principal pa e ekipo, ta wordo considera como remarkable.
E careda di ciclista ‘12 Hours di Aruba’ ta bolbe na 2024!
ORANJESTAD - E tenshon ta subiendo mientras e edicion di 2024 di 12 Hours di Aruba ta acercando. Riba djasabra 20 di april, participantenan entusiasta di entre otro Aruba, Curaçao, Bonaire i Hulanda ta reuni na Sero Cristal pa un di e eventonan mas emocionante den e region. Cu un mescla di adrenalina, team spirit i pa un bon causa, e evento internacional aki organisa pa FX Hubada ta promete pa ta un espectáculo cu ningun hende kier perde.
Coredornan di Aruba ta cla pa e marathon di Londen pa diadomingo
LONDEN – Un grupo basta grandi di por lo menos 10 coredor di Aruba ta participa diadomingo na e marathon di London, considera como un di e marathon crucial internacional. Diabierna nan a registra nan mes oficialmente y a haya nan number y bib (e registro electronico) pa nan por participa. For di e portal deportivo 297 Sports, noticiacla a compronde cu tin por lo menos 50 mil participante diadomingo awor. Esnan di Aruba cu ta participa ta e.o. e docter di cas Joaquin van Trigt y e coredor conoci Shariska Winterdaal, Ana Mujica, Jeanette Croes, Lili Mejia, Edeline Weller, Filomena Paesch, Esther Colina, Carla Fingal y Ricky Refunjol. Potret cortesia 297 Sports.
Follow NoticiaCla
