- VIDEO: Evelyn Wever Croes na ATIA riba indexering: Comercio lo beneficia directamente!
- Morto violento di Arubiano Ponson na Hulanda tin varios pregunta ainda
- Pa prome biaha a aplica proceso di ‘snelrecht’ na Aruba
- Locura, locura total na Subway
- ATIA: Kico pueblo ta haya a cambio di e indexering pa trahadonan publico
Burney ‘Nini’ Fonseca sentencia na 25 aña di prizon den caso Maximus
WILLEMSTAD – Corte a dicta sentencia di 25 aña di prizon contra Burney “Nini” Fonseca den caso Maximus awe mainta. Asina Corte ta confirma su participacion den e caso di asesinato di politico Helmin Wiels dia 5 di mei 2013. E caso mes a tuma lugar dia 17 y 19 di april ultimo unda cu fiscal a pidi 26 aña di castigo di prizon. Di otro banda, su abogado Marije Vaders a pidi vrijspraak pa su cliente indicando cu Fonseca ta inocente, no tin prueba contra dje y como tal mester dun'e vrijspraak, osea declar'e liber.
E CASO
Ministerio publico a demanda 26 aña di prizon pa ‘Nini’ Fonseca dia 17 di april ultimo. Manera Noticiacla.com a raporta caba, cuater aña despues di asesinato di Helmin Wiels, nos ta dilanti un fase nobo. E asesino, Elvis Kuwas, a keda mientrastanto condena, awor tabata toca turno na e middleman: Burney ‘Nini’ Fonseca.
A HACI TUR COS PA TRECE BERDAD DILANTI
Segun OM, polis y Ministerio Publico a haci tur cos den nan alcance pa trece e berdad dilanti. Na nan opinion tin, a base di e dossier actual, suficiente prueba cu Fonseca a haci su mes culpabel na co-responsabilidad of provocacion di asesinato, mata of laga mata Helmin Wiels. Esaki door di ehecuta un plan adelanta traha. For di diferente declaracion di testigo, entre otro di e propio Kuwas, ta sali na cla e rol di Fonseca segun OM. George Jamaloodin y Robbie dos Santos ta ser sospecha di a duna Fonseca e encargo pa busca un hende pa mata Wiels. Hunto cu Luigi ‘Pretu’ Florentina ela huur Kuwas pa mata Wiels. Fonseca y Florentina a fungi manera un ‘makelaar pa mata’ y a organiza e asesinato. Florentina a tene contacto cu e culpabelnan finalmente, Fonseca cu esnan cu a duna encargo. Fonseca tabata e homber grandi tras di pantaya cu un rol crucial.
EFECTO DI MATA WIELS
Door di mata Wiels a ranca un homber kerí for di su famia y for di e proceso democratico. Esey tabata e intencion tambe di Fonseca: comete un asesinato politico. Anto no door di comete esaki e mes, pero door di cobardia laga otro hende haci e trabou. Kuwas tabata e pistol den man di Fonseca.
PERDE LIDER
Segun OM, no ta Pueblo Soberano so a perde su lider, pero tambe un lider ku tabata ser carga door di Corsou. Esun cu comete e hecho condenabel aki di likida un politico, merece di ricibi un castigo largo. Bala (municion) y violencia nunca no por tuma e luga di palabra den un democracia y un pais di estado di derecho.
CORSOU DEN SHOCK
Corsou, segun OM, te dia di awe te ainda ta di shock door di e asesinato, tambe pa motibo cu no a hiba tur responsabel ainda dilanti mesa berde. Fonseca ta nenga di duna cuenta y rason y ta nenga di duna claridad den e investigacion. Cu esaki e ta stroba e husticia cu Wiels, su famia y comunidad merece di haña. Fonseca a keda condena mas biaha, tambe despues di e hecho aki. Fonseca nunca no a mustra duele of duda moral ora ela ricibi e encargo of reparti e tareanan cu a conduci na asesinato di Wiels.
DEMANDA MAS HALTO
Ta p'esey Ministerio Publico ta haci un demanda mas halto cu ta posibel cu por pidi pa Fonseca: 26 aña. Mester desconta esaki for di e castigo di 4 aña cu ela ricibi recientemente. Neto ta nifica un demanda di 26 aña di prison. Ministerio Publico den e caso aki no ta yega na un demanda di bida largo pa motibo cu un castigo asina ta ser duna normalmente na momento di mas cu un morto of na momento di residiva di delito contra bida.
INVESTIGACION KEN A DUNA ENCARGO
E investigacion den e caso aki pa determina esnan cu a duna encargo ta continua. Bon investigacion ta un trabou delicado Y ta tuma su tempo. Mientrastanto a pidi Venezuela extradicion di Jamaloodin, tambe pa su envolvimento den asesinato di Wiels. Tin ainda suficiente posibilidad pa acumula prueba. Tanten cu esaki ta e caso, no ta stop e investigacion. Foto cortesia matutino Extra.
DEFENSA DI ABOGADO
Burney ‘Nini’ Fonseca ta inocente, no tin prueba contra dje y como tal mester dun'e vrijspraak, osea declar'e liber. Esey tabata argumento principal di abogado Marije Vaders durante e ultimo dia di tratamento di e caso Maximus dia 17 di april. Na final Fonseca (via teleconference) for di Hulanda a bisa cu en berdad e ta inocente, y cu fiscal ta su ‘heroe’ pasobra el a comproba cu no tin prueba contra dje. ‘Sea bo ta inocente of bo ta culpabel, bo no por ta un tiki culpabel’, Fonseca a bisa, comparando e dicho ‘of bo ta na estado of bo no ta, pasobra bo no por ta un poco na estado’. Caso Maximus tabata pa trata ken ta esun tabata e intermediario pa cu e morto di politico Helmin Wiels, y ken ta esun cu a paga e asesino y ken tabata e contacto cu esun cu a duna orden pa mata Wiels.
Warda Costa a intercepta boto cu mas di 150 kilo di cocaine banda di Corsou
WILLEMSTAD - Warda Kosta a para un boto riba laman i den kontròl a dal den basta droga. Segun e informe di Warda Kosta, banda di e droga nan a detené 3 venezolano i pasa nan pa polis. Den ora nan di mardugá di djasabra 27 di aprel, Sentro Marítimo Operashonal (MOC) di Wardakosta, a tuma nota di un boto sospechoso riba laman, den área nort ost di Kòrsou. Inmediatamente a notifiká tripulashon di e Cutter ‘Jaguar’ pa aserká i investigá esaki.
Cantidad di hende condecora na Corsou ta hopi menos cu Aruba e aña aki
WILLEMSTAD – Mientras cu e biaha aki tabatin 12 condecoracion mas cu aña pasa (42 compara cu 30 aña pasa) riba e islanan di Reino Hulandes, e isla tin hopi mas hende y den tamaño tambe ta cuater biaha mas grandi cu Aruba, Corsou tabatin ‘apenas’ 8 ciudadano cu a haya Condecoracion Real, compara cu Aruba, cu a haya 18. Na Hulanda tabatin 3333 persona cu a haya condecoracion.
E ferry entre Venezuela y Corsou ta cuminsa opera fin di 2024
CARACAS – E plannan pa activa e ruta di ferry entre La Vela de Coro y isla di Corsou, ta sigui, pero tin un retraso temporal den su ehecucion. Asina e representante di e empresa Caribbean Fast Ferry, Iliana Martínez, a declara diahuebs na e portal El Nuevo Dia. E empresa a cuminsa cu e construccion di e waf y terminal na e zona franca di Corsou, pero un restructuracion di e empresa Hulandes a alarga e culminacion di e trabou. No obstante esey, ta premira cu pa e di tres of cuater trimester di e aña, ta inaugural e ferry. Martínez a splica cu e disposicion di e waf na e boca di Santa Ana a keda estableci pa probecha e bentaha di e mercado y cu ambos pais lo beneficia. E intencion ta pa compete cu e prijsnan di Panama. A splica cu ora cu caba completa e prome fase, cu ta construccion di e haf, lo sigui e proceso di permisonan necesario. E di tres fase lo ta pa eleva Parlamento di Corsou pa e apertura di mobilisacion di e pasaheronan. Ta premira cu e intencion ta pa e ferry transporta 86 pasahero. E intencion di e prome fase ta pa transporta solamente pawsahero, sin auto, pa despues tambe inclui auto. E intencion ta pa permiti turistanan Hulandes, cu ta bin pa temporada largo, pa duna nan e posibilidad pa bishita Venezuela asina tambe.
Gobierno na Corsou kier solucion pa situacion di calor no perhudica muchanan na scol proximamente
WILLEMSTAD - Minister di enseñansa sr. Sithree van Heydoonr a manda karta pa parlamento kaminda e ta pidi un reunion di komishon sentral pa por deliberá riba periodo di kalor na skol.
Helicopter y avionnan nobo di Wardacosta Caribe Hulandes ta operacional
WILLEMSTAD - Ultimo añanan tras di lomba a traha duru riba kòntraktnan nobo pa e unidatnan aéreo pa Wardakosta Karibe Hulandes. Meta di a sera e kòntraktnan aki ta un provedor di servisio konfiabel pa Wardakosta i unidatnan aéreo moderno, ekipá ku hèrmèntnan teknológiko ku ta yuda den ehekushon di e tareanan di Wardakosta.
Hulanda dispuesto pa yuda paisnan den Caribe cu asunto di refugiadonan
WILLEMSTAD - Apesar ku asuntu di refugiado ta keda un responsabilidat outónomo di kada pais den Reino, gobièrnu Hulandes ta dispuesto pa yuda Kòrsou, Aruba i St. Maarten ku ayudo tékniko den kaso ku pidi pa esaki. Gobièrnu Hulandes ta enfatisá sinembargo ku ta importante ku ta habri diálogo ku organisashonnan no gubernamental pa optimalisá kolaborashon.
Follow NoticiaCla
