Atraco Team a detene atracador di atraco hulpsbestuurskantoor Savaneta

Atraco Team a detene atracador di atraco hulpsbestuurskantoor Savaneta

Posted on 04/21/2017 2:43 pm AST | Updated on 04/21/2017 2:44 pm AST

ORANJESTAD - Awe diabierna den oranan di merdia Atraco Team a presenta na un adres na Sabania Abou na unda cu a detene e homber G.C. en coneccion cu e atraco cu a tuma lugar na Hulpbestuurskantoor Savaneta dia 31 di maart pasa. E dia en cuestion a logra detene 5 persona . Atraco Team a sigui riba e caso y awe a logra pone man riba e di 6 sospechoso . Na e cas a bin haya marihuana y cocaina, probablemente cosnan horta y aparato pa procesa droga. File shot noticiacla.com

  • Warda Costa a gara 7 illegal Venezolano drentando Aruba

    Warda Costa a gara 7 illegal Venezolano drentando Aruba

    ORANJESTAD – Warda Costa Aruba a intercepta yegada di un boto cu 7 Venezolano illegal purbando di drenta Aruba dialuna mainta. E radar a detecta un boto diadomingo anochi noord oost di Aruba. A manda patruya di Warda Costa riba dje pero no por a localisa esaki mas. A cuminsa un buskeda y finalmente den ora di dialuna marduga a pone man riba 4 persona y mas laat den dia a gara e otro 3. Ta trata di Venezolanonan indocumenta cu tabata purba di drenta Aruba. Tur a wordo entrega na Guarda Nos Costa di Aruba. E boto a wordo haya mas laat na Boca Keto.

  • Aruba ta registra su di dos morto den trafico pa 2017

    Aruba ta registra su di dos morto den trafico pa 2017

    ORANJESTAD – Aruba a registra su di dos morto den trafico pa 2017. Awe diasabra madruga pa mas o menos 4:20 yamada ta drenta na central di polis cu na altura di cas Savaneta 314 un auto bayendo direccion ariba a bolter y pega candela. Na yegada di e patruya di polis ta bin topa cu e auto Yaris A - 62967 color blauw cla y cu tabata na candela. A pidi pa brandweer di biaha y ambulance. E pasahero a logra sali for di e auto pero e chauffeur si no a logra sali. Pa 5:30 dr Texier ta constata morto di Jonathan Joel DIRKSZ, naci na Aruba 13-2-93 .

  • OM: No a haya restonan di weso humano (den caso Holloway)

    OM: No a haya restonan di weso humano (den caso Holloway)

    ORANJESTAD – Ministerio publico a confirma e informacion di NoticiaCla di diaranson riba e caso ‘nobo’ di Holloway. Den un comunicado nan ta splica cu nan a tuma nota di e noticia cu a wordo publica e siman aki pa of den nomber di señor Dave Holloway, tata di Natalee Holloway. Posiblemente lo ta trata di restonan di wesonan humano, cu a wordo haya na Aruba y cu lo ta di interes relaciona cu desaparicion di Natalee Holloway.

  • Richardson: Top di polis lo conoce varios cambio otro luna

    Richardson: Top di polis lo conoce varios cambio otro luna

    ORANJESTAD – Comisario di polis Trudy Hassell ta bira e proximo hefe di Recherche, Vanessa Tjon-Kock ta bira e hefe di ‘Bijzondere Diensten’ y Irma Gordon a bira hefe di algemene diensten. Esey ta departamento uniforma. Asina Alto Comisario di polis Dolfi Richardson a confirma pa NoticiaCla diaranson atardi. Segun Richardson, ta un proceso cu e kier a haci for di 6 luna pasa, esta rouleer henter e top di polis. Y como tal ora cu a puntr'e riba e informacion cu a keda publica den e matutino Awe Mainta, ela confirma esaki pa e portal aki. “Nan tabata sa di esaki, pero nan no tabata sa cua departamento nan lo a bay” Richardson a bisa.

  • Polis investigando si homber haya mara ta posibel atraco na Playa

    Polis investigando si homber haya mara ta posibel atraco na Playa

    ORANJESTAD – Den loke ta parce un atraco (segun vocero di polis Lito Lacle no por defini ainda si tabata un atraco of no), hombernan lo a ‘tie rap’ e homber y te ainda e no falta nada y e no sa ken a haci’e. Ela sosode banda di Diana's Fine Jewelry! Centrale Post mientrastanto a manda recherche districto Oranjestad na e sitio.

  • Despues di persecucion, polis a gara homber arma marduga

    Despues di persecucion, polis a gara homber arma marduga

    ORANJESTAD – Awe marduga 04.25 melding a drenta via CP cu tin un mucha homber bruin cortico cu un arma di candela dilanti Bar A Bar. Asina vocero di polis Lito Lacle a confirma pa NoticiaCla. Patruya di polis a bay na e sitio y na nan yegada un persona a core bay. Durante persecucion polis a logra detene y tambe a tuma un arma di candela den beslag. E vocero no tabatin identificacion ainda di e sospechoso. Mesora a mustra tambe cu a haya un pistol preto cu ne. A bay Hospital cu e sospechoso, pero no ta conoci pakico a haci esaki.

  • NoticiaCla Ad
  • Powered by SETAR