Vaders: No tin prueba contra Fonseca y mester lag’e liber den caso Maximus

Vaders: No tin prueba contra Fonseca y mester lag’e liber den caso Maximus

Posted on 04/21/2017 11:42 am AST | Updated on 04/21/2017 12:01 pm AST

WILLEMSTAD – Burney ‘Nini’ Fonseca ta inocente, no tin prueba contra dje y como tal mester dun'e vrijspraak, osea declar'e liber. Esey tabata argumento principal di abogado Marije Vaders awe mainta den e ultimo dia di tratamento di e caso Maximus. Na final Fonseca (via teleconference) for di Hulanda a bisa cu en berdad e ta inocente, y cu fiscal ta su ‘heroe’ pasobra el a comproba cu no tin prueba contra dje. ‘Sea bo ta inocente of bo ta culpabel, bo no por ta un tiki culpabel’, Fonseca a bisa, comparando e dicho ‘of bo ta na estado of bo no ta, pasobra bo no por ta un poco na estado’. Caso Maximus tabata pa trata ken ta esun tabata e intermediario pa cu e morto di politico Helmin Wiels, y ken ta esun cu a paga e asesino y ken tabata e contacto cu esun cu a duna orden pa mata Wiels. Hues a cera tratamento di e caso y ta dicta sentencia dia 11 di mei proximo.

DECLARACIONAN DEN CORTE

Segun Vaders, varios declaracion di varios hende no ta cuadra. Entre nan e declaracion di Esel Gumbs unda cu no tin nada concreto contra Fonseca. Tambe OM no a presenta ningun prueba concreto, sino mas bien a bin solamente cu fuentenan di a ‘tende’ algo. A yama e asesino Elvis Kuwas pa un mentiroso patologico y su declaracionnan no por ta confiabel. A yama Kuwas e homber mas peligroso den Reino, pero tambe e mentiroso di mas grandi. Foto cortesia matutino EXTRA. 

 

  • A confisca yate luhoso na Bonaire riba peticion di Merca

    A confisca yate luhoso na Bonaire riba peticion di Merca

    KRALENDIJK/WILLEMSTAD - Dialuna 11 di september 2017 a confisca na Marina un yate luhoso na Bonaire. Esaki riba ordo di Ministerio Publico (OM) BES y ehecuta dor di funcionarionan di Recherche Samenwerkings Team (RST). RST a traha conhuntamente den esaki cu Wardacosta y Koninklijke Marechaussee (KMar) cu na nan turno tabata den contacto directo ku Afpakteam di Corsou cu ta traha den esaki tambe cu Bonaire.

  • Rey Willem Alexander a yega Corsou awe merdia

    Rey Willem Alexander a yega Corsou awe merdia

    WILLEMSTAD - Rey Willem Alexander a yega Corsou awe tardi. "E mensahe cu mi tin pa habitantenan di St Maarten ta lo siguiente: Nos ta consciente di loke a sosode cu boso, y nos ta haci tur lo posibel pa yuda tur hende cu mester di ayudo. Confia riba e ayudo", segun un relato den e portal Hulandes de Telegraaf.  E mensahe e Rey a bisa despues di su bishita na e servicio meteorologico di Corsou. "Mi t'ey pa prome investiga kico a pasa te cu awor, y kico e coordinacion for di Corsou kiermen". Ela bisa tambe cu e kier bishita hospital pa topa cu e victimanan di e horcan cu a yega for di St Maarten. 

  • Ultimo buelo InselAir pa St Maarten prome cu horcan Irma, cancela

    Ultimo buelo InselAir pa St Maarten prome cu horcan Irma, cancela

    WILLEMSTAD - E ultimo buelo pa St Maarten for di Corsou cu InselAir a keda cancela awe mainta. E buelo tabata programa pa sali mas tempran cu normal, debi cu aeropuerto di St Maarten lo a cera tempran pa horcan Irma. Sinembargo e avion a encontra problema techico cu no por a wordo drecha na tempo. Asina e aeroliña a informa den un comunicado. E problema tecnico tabata cu e asina yama Vertical Speed Indicator. Pa por a eherce e buelo, e problema mester a wordo remedia prome. Un trabou di normal un ora y mey. Pero sinembargo e situacion di tempo na St Maarten no a duna nan e 'luho' aki. "Bientonan riba e ruta tabata pronostica pa ta for di control pa por a opera e avion aki di un forma responsabel". E aeroliña a lamenta cu no por a opera e ultimo buelo pa St Maarten prome cu e yegada di e horcan Irma. Mester bisa cu riba e buelo aki tabatin periodistanan cu mester a cubri e horcan tambe. Foto cortesia Dick Drayer. 

  • Gregory Damoen miembro nobo di Cft di Corsou y Sint Maarten

    Gregory Damoen miembro nobo di Cft di Corsou y Sint Maarten

    WILLEMSTAD – Dia 1e di september Conseho di Minister di Reino a nombra Señor Gregory Damoen como miembro di Colegio di supervision financiero di Corsou y Sint Maarten na nomber di Corsou. Cu esaki Señor Damoen ta sigui Señor Alberto Romero, kende su plaso di nombramento a termina dia 1e di februari 2017.

  • Corte: InselAir International a haya suspension di pago definitivo

    Corte: InselAir International a haya suspension di pago definitivo

    WILLEMSTAD - InselAir International a haya suspension di pago definitivo awe. Directiva di InselAir international b.v. (“InselAir international”) den un comunicado a bisa cu nan ta hopi contento cu e decision di corte di prome instancia di Corsou pa otorga na InselAir international un suspencion di pago definitivo cual a keda institui temporalmente na InselAir international pa prome biaha riba dia 14 di maart 2017.

  • UPDATE: Bista di cantidad grandi di arma confisca na Corsou

    UPDATE: Bista di cantidad grandi di arma confisca na Corsou

    WILLEMSTAD – Manera cu NoticiaCla a raporta anteriormente caba, ayera na Corsou durante entradanan hudicial, a bin haña 6 arma di candela ilegal y municion. Ta trata di arma di candela, cashi pa warda bala (patroonhouders), 1 handgranaat, 2 uniform di polis, 1 uniform di militar y a confisca articulonan di importancia. Aki por haya un bista di e cantidad grandi di arma cu a wordo haya. 

  • NoticiaCla Ad
  • Powered by SETAR