Cantidad di plachi ‘nobo’ di auto di mal calidad riba caminda

Cantidad di plachi ‘nobo’ di auto di mal calidad riba caminda

Posted on 04/21/2017 11:27 am AST | Updated on 04/21/2017 11:58 am AST

ORANJESTAD – Tin un cantidad grandi di plachi di auto (nummerplaat) nobo traha cu ta di calidad inferior. Ta trata particularmente di e grupo di numbernan cu a wordo traha na 2016, cu ya caba ta sea completamente blikia of ta den proceso di blikia. E calidad no ta bon y tanto minister di finanza Angel Bermudez como director di belasting Luenne Gomez-Pieters a confirma pa NoticiaCla.com cu nan ta na altura di esaki y cu nan ta trahando pa remedia esaki. Nan pensamento tambe ta cu mester remedia e situacion, pasobra e no ta bon cu un grupo ta coriendo cu e number ‘inferior’ siendo a paga mes hopi cu otronan cu si tin un calidad di plachi di bon calidad. No por a bisa si, con lo remedia esaki, ni con lihe esaki ta keda remedia. E intencion ta si pa remedia e problema y posiblemente reemplasa e plachinan di mal calidad of eventualmente tur e plachi nan por completo. Ta trahando ariba un proyecto caminda lo bay introduci plachinan duradero cu ta bay mas cu 5 aña cu ta rekeri su tempo di preparacion di e banda di departamento di Impuesto. E proyecto aki tambe tin e atencion y prioridad debido di Departamento di Impuesto segun Gomez a sigura e portal aki.

  • Storing na WEB ta causa pa interupcion di coriente na Aruba

    Storing na WEB ta causa pa interupcion di coriente na Aruba

    ORANJESTAD - Un storing den planta di WEB den oranan di mainta a causa un cadena di interupcion di coriente. E trabou pa recupera suministro di coriente ta mas complica cu a spera na prome instante. Ta calcula cu e interupcion lo dura mas o menos 3 ora. "Nos ta hopi consciente di e molester cu e interupcion di coriente ta causando. Sea sigura cu tecniconan di WEB ta haciendo nan maximo esfuerso pa remedia e storing. Nos lo sigui post updates y ta recomenda pa sigui e mapa cu barionan sin coriente riba e pagina di Facebook di N.V. ELMAR"tabata palabra di voceronan di e dos companianan di utilidad na NoticiaCla.

  • Departamento Verlos y Kraam a uni como uno den New Bed Tower

    Departamento Verlos y Kraam a uni como uno den New Bed Tower

    ORANJESTAD - E mudamento di e departamentonan di Hospital a continua y riba dia 15 di november a muda e departamento di Kraam y Verlos. Renita Blindeling, zorgmanager di e departamentonan a duna di conoce cu e proceso di preparacion tabata uno largo y cu hopi trabou, pero na final a logra pasa tur pashent riba e dia ey mes. 

  • Sinterklaas y su pietnan a yega Aruba no obstante tempo di awa

    Sinterklaas y su pietnan a yega Aruba no obstante tempo di awa

    ORANJESTAD - E homber Santo y un cantidad grandi di piet a yega Aruba diadomingo for di Spaña, y a haya un recepcion basta grandi di mucha y nan mayornan, no obstante e tempo di awa. Pa ricibi e homber Santo, minister recien huramenta Xiomara Ruiz Maduro tabata na pia di waf di crucero pa ricibi'e y tur e pietnan. A haci promesa cu tur mucha na Aruba a haci bon mucha. A sigui un parada for di waf pa Plaza Libertador Betico Croes unda cu ey a sigui un fiesta di Sint, cu yen di stand di cuminda y alegria pa tur mucha. 

  • ‘Cu mira pa futuro’ cu structura pragmatico pa desaroyo sostenibel

    ‘Cu mira pa futuro’  cu structura pragmatico pa desaroyo sostenibel

    ORANJESTAD - A.T.A. (Oficina di Turismo) y socionan di turismo a conduci varios estudionan y encuestanan ultimo añanan (y prome cu esaki). Durante e proceso di ‘Cu Mira pa Futuro’ y sigur na cada etapa a consulta cu gruponan amplio pa asina por clarifica y verifica ponencianan y direccion, hopi cu tabata hancra caba den diferente investigacion cu a wordo conduci ultimo añanan.

  • Gobernador a clarifica su 'rol', durante huramentacion Gabinete Wever Croes

    Gobernador a clarifica su 'rol', durante huramentacion Gabinete Wever Croes

    ORANJESTAD - Na ocasion di huramentacion di Aruba su gobierno nobo, -den e caso aki Gabinete Wever Croes-, Gobernador di Aruba, Su Excelencia Alfonso Boekhoudt a usa e momento aki pa den su discurso atende cierto asuntonan crucial na esnan presente. E ocasion mes tabata pa huramenta e 8 ministernan cu lo goberna pais Aruba pa e proximo 4 añanan, lidera pa Evelyn Wever Croes na cabez como e prome Prome minister femenino di Aruba. 

  • Gobernador Boekhoudt a huramenta Parlamentarionan nobo

    Gobernador  Boekhoudt a huramenta Parlamentarionan nobo

    ORANJESTAD - Den e Cas Ceremonial di Gobernador awe mainta, Gobernador di Aruba Su Excelencia sr. Alfonso Boekhoudt a huramenta 7 Parlamentario nobo. Esnan cu a keda huramenta ta Louisette Christiaans-Yarzagaray, Endy Croes, Alvin Howell, Marisol Lopez-Tromp, Juan Thijsen, Shailiny Tromp-Lee y Edgar Vrolijk. Sue Ann Ras tambe lo huramenta dilanti Gobernador otro siman. 

  • Powered by SETAR