Tardanza di operacion CITGO no tin efecto riba caha di Gobierno

Tardanza di operacion CITGO no tin efecto riba caha di Gobierno

Posted on 04/21/2017 11:15 am AST | Updated on 04/21/2017 11:56 am AST

ORANJESTAD – No tin un conocemento cerca gobierno (lesa: minister di finanza) di un posibel retraso di pagonan di e.o. belasting procedente di refineria CITGO. Manera ta conoci, den e presupuesto pa 2017, gobierno a inclui e porcion di entrada di CITGO, tanto di e porcion di e compania su ‘fee’ anual como e entradanan di impuesto di cada trahado. “Mi no sa si berdaderamente tin un retraso” minister di finanza Angel Bermudez a bisa NoticiaCla.com. Pa loke ta e montantenan fiho di entrada di impuesto manera winstbelasting y e huur paga via RDA, esaki ta drentando cerca gobierno segun e mandatario. Cuanto esaki ta, e mandatario no por bisa si. E parti di impuesto riba gasolin p.e. e mandatario a confirma cu ta ‘up to date’. A confirma tambe cu CITGO a cuminsa paga su debenan fiscal.

RETRASO DI OPERACION POR AFECTA CAHA DI GOBIERNO

A presupuesta un suma basa riba e cantidad di trahado cu e refineria lo mester a cuminsa cu ne. Ademas, Aruba Investment Bank tambe a haci un calculacion di e entradanan ey. Sinembargo, no a tene cuenta cu un retraso di reapertura manera cu a sosode. E mandatario no por a duna un informacion riba dje, debi na falta di informacion. Loke si e mandatario a admiti, ta cu riba e parti di entrada di e refineria, gobierno a bay hopi ‘conservativo’ riba e calculacion di entrada ey, mirando cu ta for di aña pasa a traha e presupuesto, cu consecuencia cu por tabatin ‘sorpresa’.

NO TIN BISTA SI TIN RETRASO

“Te na e momentonan aki mi no tin un bista si tin un retraso (di entrada di Citgo) y si e tin un efecto riba entrada manera loonbelasting. Mi sa si cu tur luna ta tumando mas hende den servicio eynan, manera mi ta wordo informa y cu esey op un gegeven moment tambe tin su efecto riba e loke ta wordo paga riba payroll” e mandatario a bisa. Pero ainda e no tin un bista riba efecto grandi riba posibel retraso por tin. Esey no necesariamente ta algo negativo segun e mandatario. Ta monitoria e ambiente den cual CITGO ta bay opera. E situacion di CITGO na Venezuela, e situacion di PDVSA , ta wordo vigila pa en todo caso sa ki posibel efecto esaki por tin riba e proyecto aki. Mes momento e mandatario ta sigura cu e business model di CITGO na Aruba no tin cu afecta e operacion di Aruba si algo bay malo den exterior.

 

 

 

 

 

 

 

  • Por cumpra coriente prepago awor na tur stacion di gasolin

    Por cumpra coriente prepago awor na tur stacion di gasolin

    ORANJESTAD - Recientemente N.V. ELMAR a reuni cu Aruba Gasoline Dealers Association (AGDA) y a yega na un acuerdo pa tur nan asociado bira bendedonan exclusivo di coriente prepago. Desde 2012 Aruba tabatin solamente 3 localidad cu ta bende coriente prepago. Na juli di e aña aki a amplia esaki pa 5 localidad. Directamente despues a sinta na mesa cu AGDA pa por a amplia e localidad di puntonan di benta di coriente prepago na Aruba. Esaki dia 1 di september ultimo a culmina den un evento di firmamento, entre N.V. Elmar y gerencia di tur stacionnan, unda cu a cera contrato cu tur stacion di gasolin na Aruba pa asina nan por bira bendedo exclusivo di coriente prepago di N.V. ELMAR.

  • BCA: Ta mantene tasa di rekisito di reserva na 11%

     BCA: Ta mantene tasa di rekisito di reserva na 11%

    ORANJESTAD - Durante e reunion di dia 1 di juni 2017 e Comite di Maneho Monetario (CMM)[1] di Banco Central di Aruba (BCA) a dicidi pa mantene e porcentahe actual di e tasa di rekisito di reservana 11 porciento y e tasa di avance na 1 porciento, despues di a evalua e datonan economico y monetario mas recien. A considera e siguiente informacion y analisis den e proceso pa yega na e decision aki.

  • Atrobe bapor crusero ta uza Aruba pa desvia di horcan

    Atrobe bapor crusero ta uza Aruba pa desvia di horcan

    MIAMI/ORANJESTAD – Pa di dos biaha den dos siman di tempo, Aruba ta wordo uza como waf ‘alternativo’ debi na pasada di horcan. Dos siman a cambia St Maarten pa Aruba ora cu horcan Irma a pasa, y awe pa motibo di horcan Maria, ta cambia un otro destinacion pa Aruba ora cu Adventure of the Seas mara na nos haf. E bon pa Aruba ta cu den ambos caso, e bapor ta pasa anochi riba nos isla, dunando e turista mas chens pa pasa riba nos isla. Hunto cu Aruba tin varios otro isla cu ta ‘beneficia’ di un situacion fastioso pa otro.

  • Aruba Airlines lo cuminsa bula bek pa Corsou y Bonaire

    Aruba Airlines lo cuminsa bula bek pa Corsou y Bonaire

    ORANJESTAD – Aruba Airlines ta bay cuminsa bula bek pa Corsou. NoticiaCla a compronde cu e aerolinea local ta den proceso pa adkiri un avion Dash dentro di poco, y cu e intencion ta pa cuminsa bula bek entre Aruba, Corsou y Bonaire prome cu fin di aña. No ta descarta cu esaki por cuminsa ya aki dos luna caba. For di den Aruba Airlines mes, e portal aki a compronde cu ta trata di un avion Dash cu ta carga 50 persona. A compronde tambe cu mas den curso di proximo simannan, lo cuminsa haya mas informacion riba e tema aki.

  • BCA: Placa den circulacion a aumenta na juni 2017

    BCA: Placa den circulacion a aumenta na juni 2017

    ORANJESTAD - Den e luna di juni 2017, e cantidad di placa den circulacion a aumenta cu Afl. 56,3 miyon te na Afl. 4.134,2 miyon, compara cu mei 2017. Esaki a resulta door di un expansion den e activo domestico netto (+Afl. 78,5 miyon) y un bahada den e reserve di divisa netto (-Afl. 22,2 miyon).

  • BCA: Entrada di gobierno a subi na juni 2017 compara cu 2016

    BCA: Entrada di gobierno a subi na juni 2017 compara cu 2016

    ORANJESTAD - Na juni 2017, entrada di gobierno a suma Afl. 103,4 miyon, cual ta Afl. 19,2 miyon mas compara cu e mesun luna di e aña anterior. Esaki segun informacion di Banco Central di Aruba suministra dialuna. Segun BCA, e subida aki a resulta principalmente for di un aumento den entrada no relata na impuesto (+Afl. 18,1 miyon). Tambe, entrada di impuesto a crece marginalmente (+Afl. 1 miyon).

  • NoticiaCla Ad
  • Powered by SETAR