- Kes the Band di Trinidad confirma pa Flip Flop Festival na juni!
- DVG: A cuminsa hospitalisa hende localmente infecta cu Dengue
- Minister na Merca ta lobby cu banconan pa fia 160 miyon dollar
- Hulanda dispuesto pa yuda paisnan den Caribe cu asunto di refugiadonan
- WEB Aruba ta firma acuerdo cu Seven Seas Water Group pa construi planta SWRO-3
Tardanza di operacion CITGO no tin efecto riba caha di Gobierno
ORANJESTAD – No tin un conocemento cerca gobierno (lesa: minister di finanza) di un posibel retraso di pagonan di e.o. belasting procedente di refineria CITGO. Manera ta conoci, den e presupuesto pa 2017, gobierno a inclui e porcion di entrada di CITGO, tanto di e porcion di e compania su ‘fee’ anual como e entradanan di impuesto di cada trahado. “Mi no sa si berdaderamente tin un retraso” minister di finanza Angel Bermudez a bisa NoticiaCla.com. Pa loke ta e montantenan fiho di entrada di impuesto manera winstbelasting y e huur paga via RDA, esaki ta drentando cerca gobierno segun e mandatario. Cuanto esaki ta, e mandatario no por bisa si. E parti di impuesto riba gasolin p.e. e mandatario a confirma cu ta ‘up to date’. A confirma tambe cu CITGO a cuminsa paga su debenan fiscal.
RETRASO DI OPERACION POR AFECTA CAHA DI GOBIERNO
A presupuesta un suma basa riba e cantidad di trahado cu e refineria lo mester a cuminsa cu ne. Ademas, Aruba Investment Bank tambe a haci un calculacion di e entradanan ey. Sinembargo, no a tene cuenta cu un retraso di reapertura manera cu a sosode. E mandatario no por a duna un informacion riba dje, debi na falta di informacion. Loke si e mandatario a admiti, ta cu riba e parti di entrada di e refineria, gobierno a bay hopi ‘conservativo’ riba e calculacion di entrada ey, mirando cu ta for di aña pasa a traha e presupuesto, cu consecuencia cu por tabatin ‘sorpresa’.
NO TIN BISTA SI TIN RETRASO
“Te na e momentonan aki mi no tin un bista si tin un retraso (di entrada di Citgo) y si e tin un efecto riba entrada manera loonbelasting. Mi sa si cu tur luna ta tumando mas hende den servicio eynan, manera mi ta wordo informa y cu esey op un gegeven moment tambe tin su efecto riba e loke ta wordo paga riba payroll” e mandatario a bisa. Pero ainda e no tin un bista riba efecto grandi riba posibel retraso por tin. Esey no necesariamente ta algo negativo segun e mandatario. Ta monitoria e ambiente den cual CITGO ta bay opera. E situacion di CITGO na Venezuela, e situacion di PDVSA , ta wordo vigila pa en todo caso sa ki posibel efecto esaki por tin riba e proyecto aki. Mes momento e mandatario ta sigura cu e business model di CITGO na Aruba no tin cu afecta e operacion di Aruba si algo bay malo den exterior.
WEB Aruba ta firma acuerdo cu Seven Seas Water Group pa construi planta SWRO-3
ORANJESTAD – Diaranson dia 17 di mei ultimo, WEB Aruba y Seven Seas Water Group (SSWG), un proveedor multinacional di ‘Water-as-a-Service® (WaaS®) solutions’, a firma un acuerdo Build-Own-Operate-Transfer (BOOT) cu un termino di traspaso di 10 aña. Seven Seas Water (Aruba) VBA lo construi un planta di SeaWater Reverse Osmosis (“SWRO”) cual lo contribui cu un minimo di 16.500 meter cubico di awa potabel pa dia. E asina yama SWRO-3 lo ta parti di WEB Aruba su plan di termino largo y su Water Road Map pa satisface demanda continuo di awa, manteniendo suministro confiabel. E planta nobo lo reemplasa e actual facilidad temporal di produccion di awa. SSWG a haya e contrato despues di un proceso di tendering y negociacion na 2023. Lo construi e planta SWRO-3 riba tereno existente di WEB y ta planea pa cuminsa opera pa medio 2026.
Banco Central ta mantene e tasa di reserva obligatorio na 22,0 porciento
ORANJESTAD - Conforme e tarea di e Comite di Maneho Monetario (CMM) pa evalua, determina y duna transparencia riba e accionnan di maneho monetario di Banco Central di Aruba (BCA), BCA ta comunica lo siguiente. Durante e reunion di 26 di februari 2024, CMM a dicidi pa mantene e tasa di e reserva obligatorio na 22,0 porciento entrante 1 di maart 2024. Di e manera aki, e banconan comercial mester tene un balansa minimo na BCA cu ta igual na 22,0 porciento di e depositonan riba termino cortico di nan clientenan. E decision pa mantene e tasa di reserva obligatorio ta basa primordialmente riba e reservanan oficial cu ta relativamente serca di e limite minimo di e ARA, apesar cu tanto e reservanan oficial como e reservanan internacional a keda adecua y ta premira pa permanece asina durante 2024. Adicionalmente, likides excesivo di e sector bancario ta mustra un tendencia ascendente durante e ultimo lunanan. Finalmente ta considera prudente di mantene e reserva obligatorio na su nivel actual, mirando crecemento continuo di credito y su efecto potencial riba reservanan internacional. BCA ta sigui monitorea e desaroyo den e reservanan y likides excesivo y lo por dicidi di cambia e tasa di reserva obligatorio, si ta considera esaki necesario.
Schlipken: Aruba ta spera 18 mil turista Brasilero den 2024
SAO PAOLO – Aruba ta spera 18 mil turista Brasilero den 2024. Asina e director di turismo di ATA pa Latino Americano, Jordan Schlipken Croes a declara e siman aki na e portal PANROTAS, durante e evento WTM Latin America na Sao Paolo. Segun Croes, Brazil ta e di tres mercado Latino mas grandi pa Aruba, despues di Colombia y Argentina. Ta mustra cu na 2023 tabatin 14 mil bishitante di Brazil pa Aruba. Segun Croes, un di e motibonan di e cifranan grandi aki, ta e gastonan di e Brasileronan den e pais. Pa por yega e cifra di 18 mil Brasilero, Aruba tin 4 strategia principal pa e pais, fuera di e participacion na e bolsa di turismo Brasilero. Esaki ta e.o. incentivonan cu e operadornan y agente di biahe, ya cu 70% di Brasilero cu ta biaha pa Aruba ta cumpra nan pasashi via agentenan di biahe.
Aeroliña Mericano a reduci prijs di pasashi pa Aruba cu 50% e siman aki!
BOSTON – E aeroliña Mericano conoci pa tarifa reduci, JetBlue a reduci su tarifa mas ainda, cu 50% pa biahero pa e.o. Aruba. Nan ta yame un deal special di 2 dia ‘Hit Refresh’, unda cu dentro di e dos dianan aki, e biaheronan mester cumpra e pasashi. Por usa e biahe entre 7 di mei pa 12 di juni y no tin asina yama ‘blackout dates’ osea dianan cu bo no por biaha. Pa Aruba e prijs a wordo reduci cu 50% di p.e $776 dollar te na $378 round trip. No ta algo inusual y ta algo cu nan ta haci frecuente, pero ta sigui interesante. Tur e pasashinan tin cu origina for di Boston.
DEACI a otorga mas di 100 permiso pa negoshi nobo caba den 2024
ORANJESTAD - Pa cuminsa un negoshi of haci cambio den e permiso pa negoshi segun ley, mester haci un peticion pa permiso di negoshi via e website di Departamento di Asuntonan Economico, Comercio y Industria (DEACI) y ta wordo otorga bou di responsabilidad di Minister di Asuntonan Economico.
Durante Seatrade 2024, islanan ABC a trata esfuersonan pa desaroyo regional
ORANJESTAD - E presencia di Aruba na Seatrade Cruise Global 2024, ta semper un paso significante pa fortifica colaboracion den e industria crucero y promove iniciativanan turistico cu e isla tin pa ofrece.
Follow NoticiaCla
