Wanda Broeksema ta General Manager nobo di Digicel Aruba

Wanda Broeksema ta General Manager nobo di Digicel Aruba

Posted on 04/20/2017 9:36 pm AST | Updated on 04/20/2017 10:26 pm AST

ORANJESTAD - Digicel Aruba a apunta Wanda Broeksema como e General Manager p'e operacion di Aruba y esaki ta efectivamente dia 1 di mei 2017. Den e rol aki, Wanda Broeksema lo ta responsabel pa tur benta, distribucion y aspectonan di servicio di e compania. Wanda ta trece cu ne mas di 16 aña di experiencia den mercadeo unda cu ela join Digicel Aruba prome caba pa un periodo di 6 aña na 2005. Despues di 1 aña como gerente di mercado pa Aruba, a promove Wanda Broeksema como Hefe di Mercadeo y Comunicacion cu responsabilidad di promocion, relacion publico y sponsorship pa e mercado di Aruba, Boneiro y Corsou.

Wanda Broeksema tin un vision profundo den e balornan, pasion y cultura di hendenan di Aruba, cual e lo duna, hunto cu su team, e miho experiencia den comunicacion pa clientenan. “Mi ta contento cu e reto nobo aki cu Digicel. Mi ta mira pa guia e team aki cu hopi talento y dinamismo riba nos mision di duna nos clientenan balor cu experiencianan asombroso riba tur nos plataformanan”, asina Wanda Broeksema a comenta. Wanda Broeksema lo tuma over for di e General Manager saliente, Bob Sprengers, kende ta bandona e compania na final di april.

 

 

  • CAft: A sugeri independisa AZV pero ta un desicion di gobierno

    CAft: A sugeri independisa AZV pero ta un desicion di gobierno

    ORANJESTAD - Aunke cu e colegio di supervision financiero di Aruba (CAft) ta conseha gobierno pa haci algo cu AZV den forma di por ehempel independisa e instancia aki y hacie autosuficiente, e presidente saliente Age Bakker ta admiti cu esey ta un desicion 'autonomo' di e pais cu nan mes tin cu dicidi ariba. "Nos no ta toca esaki" Bakker a bisa NoticiaCla recientemente, indicando tambe cu nan ta 'meramente consehero'. Nan ta bisa cu riba tema di AZV, nan a uni nan mes meramente cu e conseho di fondo monetario internacional cu a conseha mesun cos. No obstante e limitacion den comentario, e colegio a dedica henter un capitulo na e tema si.

  • Bakker: Gobierno di Aruba a tuma 20 hende extra na trabou e aña aki

    Bakker: Gobierno di Aruba a tuma 20 hende extra na trabou e aña aki

    ORANJESTAD - Gobierno a tuma 20 hende extra na trabou e aña aki. Esaki e ta considera e aumento barbaro cu ta haci mencion di dje den nan rapport reciente, cu minister di finanza di Aruba ta refuta. Asina ela bisa NoticiaCla recientemente durante un conferencia di prensa. No obstante tur e discusion aki, Bakker ta sigura cu no tin diferencia di opinion entre e cu e minister. Por lo menos, den su interpretacion. "Nos ta totalmente di acuerdo cu otro" ta palabra di presidente saliente di e colegio di supervision financiero di Aruba Age Bakker na Noticiacla recientemente. Bakker kier a clarifica cu no tin diferencia di opinion entre e y e mandatario riba e.o. e aumento barbaro di personal di gobierno den 2017. Algo cu Bermudez a refuta anteriormente na e portal aki, cuestionando CAft su fuente di informacion cu tabata alega cu 'tin un aumento barbaro' di personal e aña aki. Bakker a dicidi e ora, riba insistencia di e portal aki, pa bira mas concreto.

  • Croes: Biahe comercial pa Haiti hopi fructifero

    Croes: Biahe comercial pa Haiti hopi fructifero

    ORANJESTAD – Recien Sr. Randall Croes a haci un bishita comercial pa Haiti. Como miembro di Directiva di Camara di Comercio y Industria Aruba (KvK) y danki na esfuerso di Camara di Comercio Benelux-Haiti (CdCBH) Sr. Croes a completa un bishita exitoso caminda cu e objetivo tabata ta pa haya un bon bista di e ultimo desaroyonan economico y di recuperacion di infrastructura di e pais bisiña den Caribe. Nos kier gradici Sunrise Airlines como sponsor principal pa e oportunidad aki.

  • Kawish Misier nombra Vice-Presidente di Directiva di KvK

    Kawish Misier nombra Vice-Presidente di Directiva di KvK

    ORANJESTAD – Camara ci Comercio (KvK) a nombra Kawish Misier lo como e vice-presidente nobo di su directiva.  Frans de Mey tabata esun cu e puesto di Vice-Presidente pero pa motibonan personal e mester a desocupa e puesto aki.  Desde januari 2017 sr. Kawish ta forma parti di e Directiva di KvK y e ta asina tambe e miembro mas hoben cu a yega di tuma parti pa e funcion aki. Como miembro activo di Directiva, sr. Kawish ta representa e ‘young entrepreneur’ di Aruba.

  • Bakker: Cifra publica ta exclusivamente di ministerio di finanza mes

    Bakker: Cifra publica ta exclusivamente di ministerio di finanza mes

    ORANJESTAD - Informacionan cu e colegio di supervision financiero di Aruba a publica recientemente di e reacion riba publicacion di prome cuartal, ta cifranan cu nan a haya di e propio ministerio di finanza, exclusivamente. Asina e presidente saliente Age Bakker a sigura NoticiaCla recientemente durante un conferencia di prensa. Raiz di e pregunta di e portal aki, ta e hecho cu recientemente minister di finanza Angel Bermudez den un reaccion pa e portal aki a cuestiona e 'fuente' di informacion cu CAFT ta uzando pa su raportnan. Entre nan, e mandatario a cuestiona e hecho cu CAFT ta raporta 'un aumenta barbaro di personal di gobierno den 2017', y tambe cu 'CAFT gusta 'extrapola' cifranan di un cuartal riba henter e aña'. Bakker a bisa di tambe a mira e discusion aki y ta kere cu ta importante 'pa nos mantene nos mes na e hechosnan'. 

  • Lotto miyonario a keda aden y bira AWG 3.700.000,=

    Lotto miyonario a keda aden y bira AWG 3.700.000,=

    ORANJESTAD - E premio miyonario di lotto a bolbe keda aden, y awor a bira AWG 3.700.00,= pa diamars awor. E numbernan ganador ta 04-08-11-14 y e mega ball ta 06. 

  • Powered by SETAR