Aruba riba lista di islanan den Caribe bon pa ‘bay cu pensioen’

Aruba riba lista di islanan den Caribe bon pa ‘bay cu pensioen’

Posted on 04/18/2017 8:40 pm AST | Updated on 04/18/2017 10:11 pm AST

NEW YORK – Entre e 28 islanan den Caribe, Aruba ta figura den e top 13 isla pa ‘retira’ ora cu bo p.e. baha cu pensioen. Bonaire ta lidera e lista na prome lugar, y Aruba ta figura na di 4 lugar. Su ubicacion ‘pafo di e faha di horcan’ y su interes pa cu medio ambiente segun e revista Carib Journal, ta suficiente pa ta figura den e lista importante aki. Esnan cu kier retira di nan labornan, hopi biaha tin placa pa inverti y esaki ta trece prosperidad pa e isla(nan). E otro islanan cu tambe ta riba e lista fuera di Aruba y Bonaire, ta Grand Cayman, Puerto Rico, St Thomas (St John), Martinique y mas. Lesa e articulo completo aki.

ISLANAN DEN CARIBE

Pa tene tur cos den perspectiva, den Caribe tin 28 isla cu ta un pais of nacion, y tin como 7000 isla individual cu ta inclui islanan dilanti costanan di Sur y Centro America. E islanan mas grandi den Caribe ta entre otro Cuba, Jamaica, Hispañola y Puerto Rico. Foto CaribJournal. 

 

  • Departamento di Impuesto no ta acepta pago cu cheque mas

    Departamento di Impuesto no ta acepta pago cu cheque mas

    ORANJESTAD – Departamento di Impuesto ta participa cu entrante 16 di maart 2018 no ta acepta pago cu cheque mas. A tuma e decision aki teniendo cuenta cu implementacion di e sistema digital nobo y e decision di Asociacion di Banconan di Aruba pa descontinua uzo di cheque como metodo di pago. Departamento di Impuesto ta pidi su clientenan pa tuma nota di e participacion aki pa evita consecuencia indesea.

  • KVK: Gobierno baha bo gasto prome cu aumenta salario minimo

    KVK: Gobierno baha bo gasto prome cu aumenta salario minimo

    ORANJESTAD – Prome cu gobierno kier pensa di aumenta salario minimo, e mester pone baha su gastonan prome. Esey ta e prome reaccion di presidente di Camara di Comercio Ernst Mohamed riba e anuncio di minister di Labor Glenbert Croes cu kier aumenta salario minimo, considerablemente. Segun Mohamed, no ta cuestion cu no kier aumenta salario minimo, pasobra e tambe ta kere cu tur hende merece un miho calidad di bida. Pero mester tin un poder di compra bon. Pero Camara di Comercio kier pa e minister contesta algun pregunta prome, cu tuma e paso menciona. Entre nan, ki dia kier introduci e cambio, cu cuanto e cambio mester ta, y si a investiga e impacto di e cambio aki.

  • RDA: Slowdown CITGO no ta afecta ningun stacion di gasoline

    RDA: Slowdown CITGO no ta afecta ningun stacion di gasoline

    ORANJESTAD – Refineria di Aruba (RDA) ayera despues di e anuncio di CITGO riba nan ‘slow down’ di rehabilitacion di e refineria, a sigura cu “e noticia aki no tin ningun efecto ariba e operacion di Fuels Marketing & Supply Aruba N.V. (FMSA), ni tampoco e ta afecta ningun stacion di gasolin”. FMSA ta e distribuidor principal di combustibel ariba nos isla, tanto pa stacionnan di gasolin, companianan local, WEB Aruba N.V. y Aeropuerto. “RdA como ejecutivo di e propiedadnan di refineria lo mantene comunidad di Aruba al tanto di cualkier informacion adicional” e comunicado ta sigui bisa.

  • Interpark Coney Island ta sigi na Aruba cu orario nobo

    Interpark Coney Island ta sigi na Aruba cu orario nobo
  • Delegacion CITGO na caminda pa Aruba pa duna informacion

    Delegacion CITGO na caminda pa Aruba pa duna informacion

    ORANJESTAD – Tin un delegacion di CITGO di Merca na caminda pa Aruba pa papia cu e.o. Gobierno di Aruba proximamente. Mientras cu no a duna un fecha exacto pa e bishita tuma lugar, prome minister Evelyn Wever Croes a confirma e informacion di e bishita e siman aki. E bishita tin cu duna hopi claridad riba e situacion actual di e refineria. Segun Wever, gobierno ta ocupa cu dos trayecto riba e situacion di CITGO. Entre nan via un comision huridico a keda institui pa analisa e aspecto legal pa conseha gobierno su opcionnan pa cu e deal. E otro trayecto ta e adquisicion di e informacion necesario cu ainda falta manera kico ta e compromiso y inversionnan cu CITGO tin pensa di haci y lo a priminti.

  • EcoGas riba frontpage di revista internacional

    EcoGas riba frontpage di revista internacional

    ORANJESTAD - E prestigioso revista "Business View Caribbean" pa su edicion di December 2017-Januari 2018 a dedica atencion special, riba su frontpage na e compania EcoGas di Aruba. E revista ta sali mensualmente na Merca, Canada, den Caribe y Oceania. Den Caribe so e tin mas di 30 mil abonado y ta lesa pa e ehecutivonan cu mas influencia den tumamento di decisionnan importante den e region Caribense. Su forsa ta cu e ta publica storianan real di exito di e companianan di mas influencia y cu ta haci un diferencia, considera como e berdadero lidernan den negoshi den Caribe.

  • Powered by SETAR