Grupo di studiante di Corsou na Hulanda a protesta na Den Haag

Grupo di studiante di Corsou na Hulanda a protesta na Den Haag

Posted on 04/18/2017 11:29 am AST | Updated on 04/18/2017 2:26 pm AST

DEN HAAG – Un grupo di 5 studiante di Corsou recientemente a protesta na Den Haag contra e situacion politico riba nan isla. Siendo 9 mil km leu, nan ta sinti cu nan voz mester wordo scucha di un forma of otro. Sigur si legalmente nan no tin ningun derecho pa vota pa e proximo eleccion. Dick Drayer di NOS, recientemente na Hulanda, a combersa cu e grupo di studiante aki.

FRUSTRA CU E SITUACION

E studiantenan Zugheil Archangel, Luigi Fraai, Natania Engelhardt, Jerry Gumbs, Denzel Ignacia y John Pandt tabata e studiantenan cu a para cu pancarta y bandera di Corsou na e Den Haag riba plenchi dilanti binnenhof. Segun e grupo, nan no ta contra un hende specifico, sino mas bien e gobierno interino. Nan no ta nada contento cu e desaroyo politico y ta sinti cu nan mester wordo scucha. Nan ta hopi leu, sin derecho di voto, y ta sinti cu cos ta bayendo full fout eynan. Pa algun di nan, ora cu nan tende e noticianan negativo di nan isla, nan ta pensa si ta bale la pena pa bolbe nan isla, mientras cu otronan ta haya net bon pa nan bolbe pa wak si nan por yuda drecha cos. E hecho cu nan no por vota, no ta paga belasting, no ta nifica cu nan no tin derecho di reclama. “Nos ta yiu di Corsou” e grupo ta bisa hunto. Ademas algun ta mustra cu durante nan estudio, nan ta contribui cu Corsou, cu informacion di stage, pa asina informa hende di e isla cu nan ta yama cas.

  • E nombernan di gabinete Rutte III a keda presenta diabierna

    E nombernan di gabinete Rutte III a keda presenta diabierna

    DEN HAAG – Tur nomber di esnan cu ta forma parti di Gabinete Mark Rutte III ta conoci. NoticiaCla a presenta mayoria di e nombernan, faltando algun. Pero diabierna (awe) Rutte a presenta e lista official despues di a reuni finalmente cu e lidernan di partido cu ta forma parti di e coalicion. Mas probabel, segun e portal nu.nl, e gabinete lo keda presenta dia 26 di october proximo. Mientras cu e nombernan ta conoci, ainda nan mester pasa screening y por nenga nan funcion. Loke ta sigur, ta cu tin 16 minister, y ocho secretarionan di estado reparti den 12 ministerio. Di e ministernan, lo tin 6 presenta pa VVD, 4 pa CDA, 4 pa D66 y 2 pa Christen Unie. Fuente www.nu.nl y ANP.

  • Geschillenregeling pa minister nobo Asuntonan di Reino Hulandes

    Geschillenregeling pa minister nobo Asuntonan di Reino Hulandes

    DEN HAAG — E tema di geschillenregeling pa Reino Hulandes ta keda pa e proximo minister encarga cu Asuntonan di REino y e gabinete HUlandes nobo. Asina e corant di St Maarten, The Daily Herald ta raporta. Segun e minister saliente Ronald Plasterk, e ta considere apropia pa su successor atende cu e asunto aki. Esaki mas probable lo bira Kajsa Ollongren (D66), e actual alcalde di Amsterdam.

  • HARPA ta e prome fundacion Arubiano na Den Haag

    HARPA ta e prome fundacion Arubiano na Den Haag

    DEN HAAG - Diabierna 13 di october 2017 Fundacion Harmonie Arubaanse Participatie (Fundacion HARPA) a bira un realidad. E prome fundacion di studiante Arubiano dirigi door di studiantenan na Hulanda. E directiva di e fundacion ta consisti di 4 studiante y un persona grandi bon conoci den municipio di Den Haag ya cu e persona aki pa hopi aña ta miembro di diferente fundacion na Hulanda. E lo guia e grupo di hoben aki, pero tambe di trata pa tin un integracion entre hoben y nos hende grandinan. Prome cu e fundacion a inicia oficialmente ya e miembro di directiva a tuma contacto cu municipio di Den Haag pa presenta nan mes y splica kico ta e obhetivo di e fundacion. Meta di HARPA ta pa duna e cuidadanonan for di Aruba na Hulanda un cara confiabel y amabel door di stimula nan participacion den e pais y conhuntamente cu nan promove e cultura di Aruba. Pa esaki lo entama tur sorto di actividad concerni pa logra e meta. Nan lo purba di e manera aki pa e studiantenan no solamente topa cu otro, sino realisa varios actividad educativo, social y cultural pa asina duna un aporte na e municipio. Municipio a otorga e fundacion subsidio pa dos di nan programa educativo y cultural. Dia 26 di november 2017 lo tuma e prome evento di Dande Festival na Den Haag. Nan lo purba di promove nos cultura bou di e studiantenan na Hulanda cu e intencion cu studiante y persona mas grandi lo participa na e evento. Fundacion HARPA kier gradici señora Nuris Dabian, coordinadora di Asunto Social y Cultural di Arubahuis, pa su gran apoyo na e hobennan. E ta e persona cu a motiva e grupo di hoben aki pa lanta e fundacion. Riba potret por mira e miembro di directiva cu ta consisti di (di robes pa drechi): Jack Rasmijn (secretario), Astrid Contreras (PR), Saúl Pozo Aldea (Presidente), Brittney Koolman (miembro) y Pierre Jourdain (tesorero). Pa participacion den e Dande Festival na Den Haag por tuma contacto cu e fundacion via nan pagina di facebook Stichting HARPA of manda un mail na stichtingharpa@gmail.com.

  • Gabinete Rutte III su integrantenan nobo ta conoci!

    Gabinete Rutte III su integrantenan nobo ta conoci!

    DEN HAAG – E gabinete nobo di Hulanda, Gabinete Rutte III ta hayando forma. Asina e corant Elsevier ta raporta awe mainta. Nombernan di e proximo ministernan ta birando conoci y ta leak tur dia. Aki dos siman e gabinete completo nobo lo ta riba e asina yama ‘bordes’, cu Rey Willem Alexander.

  • Ex hefe di Hospital Slotervaart dilanti mesa berde pa malversacion

    Ex hefe di Hospital Slotervaart dilanti mesa berde pa malversacion

    AMSTERDAM (ANP) – Ex hefe di e hospital di Amsterdam Slotervaartziekenhuis , esta Aysel Erbudak mester presenta dilanti mesa berde dia 23 di November proximo, pa cargo di sospecho di estafa/malversacion. Erbudak ta partner di conocido comerciante local Richard Visser cu tabata riba lista di partido AVP den e ultimo eleccion. Visser den un entrevista recien cu NoticiaCla, a desmenti tur acusacion contra su pareha, indicando cu ta un ‘set up’ di ex partnernan cu no por soporta Erbudak. “Mi ta tene mi pareha riba un pedestal” Visser a bisa e portal aki den e programa NoticiaCla LIVE e momento ey.

  • St Maarten ta haya ayudo di comision Europeo pa reconstruccion

    St Maarten ta haya ayudo di comision Europeo pa reconstruccion

    PHILLIPSBURG – St Maarten por conta riba ayudo financiero di comision Europeo. Bruselas ta cla pa pone fondo di Union Europeo cla pa St Maarten, tanto e parti Hulandes como Frances. Asina e presidente di Union Europeo Jean Claude Juncker a bisa e presidente di parlamento Europeo Antonio Tajani den un carta. E hecho cu e parti Hulandes tin un otro structura estatal cu esun Frances, oficialmente no por haci un peticion pa e fondo di solidaridad di Union Europeo. Como tal a purba logra placa for di otro forma. Juncker ta di acuerdo cu ambos pais riba un manera igual por wordo sostene cu e reconstruccion di e isla.

  • Powered by SETAR