Grupo di studiante di Corsou na Hulanda a protesta na Den Haag

Grupo di studiante di Corsou na Hulanda a protesta na Den Haag

Posted on 04/18/2017 11:29 am AST | Updated on 04/18/2017 2:26 pm AST

DEN HAAG – Un grupo di 5 studiante di Corsou recientemente a protesta na Den Haag contra e situacion politico riba nan isla. Siendo 9 mil km leu, nan ta sinti cu nan voz mester wordo scucha di un forma of otro. Sigur si legalmente nan no tin ningun derecho pa vota pa e proximo eleccion. Dick Drayer di NOS, recientemente na Hulanda, a combersa cu e grupo di studiante aki.

FRUSTRA CU E SITUACION

E studiantenan Zugheil Archangel, Luigi Fraai, Natania Engelhardt, Jerry Gumbs, Denzel Ignacia y John Pandt tabata e studiantenan cu a para cu pancarta y bandera di Corsou na e Den Haag riba plenchi dilanti binnenhof. Segun e grupo, nan no ta contra un hende specifico, sino mas bien e gobierno interino. Nan no ta nada contento cu e desaroyo politico y ta sinti cu nan mester wordo scucha. Nan ta hopi leu, sin derecho di voto, y ta sinti cu cos ta bayendo full fout eynan. Pa algun di nan, ora cu nan tende e noticianan negativo di nan isla, nan ta pensa si ta bale la pena pa bolbe nan isla, mientras cu otronan ta haya net bon pa nan bolbe pa wak si nan por yuda drecha cos. E hecho cu nan no por vota, no ta paga belasting, no ta nifica cu nan no tin derecho di reclama. “Nos ta yiu di Corsou” e grupo ta bisa hunto. Ademas algun ta mustra cu durante nan estudio, nan ta contribui cu Corsou, cu informacion di stage, pa asina informa hende di e isla cu nan ta yama cas.

  • Merca a sigura Hulanda cu nan lo no invadi Venezuela

    Merca a sigura Hulanda cu nan lo no invadi Venezuela

    WASHINGTONWASHINGTON – Minister di defensa Mericano James Mattis a sigura colega di defensa Hulandes Jeanine Hennis cu no tin ningun chens cu Merca lo tuma accion militar contra Venezuela. Esaki aunke cu diabierna ainda presidente Trump a bisa cu e ta un opcion. “Mi a puntr'e con mi tin cu compronde esaki y ela sigur ami cu tin zero chens” Hennis a bisa despues di su bishita cu Mattis.”Tur hende ta compronde cu aki mester cana e caminda diplomatico. Y mi a inform'e cu accion militar lo tin consecuencia grandi pa Hulanda, pasobra Venezuela ta un pais bisiña di nos. Como tal nos tambe kier wordo informa” Hennis a bisa. Ta prome biaha desde cu Trump a bira presidente, cu un minister Hulandes ta bishita un colega Mericano. Fuente: Nu.nl. Foto AFP. 

  • Minister Yrausquin presente na Conmemoracion Nacional na Indisch Monument

    Minister Yrausquin presente na Conmemoracion Nacional na Indisch Monument

    DEN HAAG – Minister Plenipotenciario di Aruba Juan David Yrausquin a presencia como miembro di Gobierno di Reino e Conmemoracion National na e Indisch Monument na Den Haag. Riba 15 di augustus ta recorda capitulacion di Japon cu a significa fin di Segunda Guera Mundial. Prome Minister di Hulanda Mark Rutte y Secretario di Estado pa Salubridad Publico, Bienestar General y Deporte Martin van Rijn a pone un krans na e monumento den nomber di Gobierno di Reino.

  • 'Stemwijzer' VotaAruba ta den aire desde diamars

    'Stemwijzer' VotaAruba ta den aire desde diamars

    ORANJESTAD - Desde diamars 15 di augustus, for di 8'or di mainta, pueblo por haci uzo di e 'StemWijzer' di VotaAruba. E redaccion di VotaAruba a puntra tur partidonan politico pa contesta 30 ponencia tocante topiconan importante pa nos isla. Pueblo di Aruba por bishita VotaAruba.org, contesta e mesun 30 ponencianan aki y VotaAruba ta lagabo compara bo opinion cu e contestanan di e partidonan. Asina abo por mira cu cua partido abo tin mas en comun. Na final VotaAruba ta genera e top 3 partidonan cu mas ta cuadra cu e contestanan di e usuario.

  • Plasterk ta bishita Aruba pa papia riba desaroyo local

    Plasterk ta bishita Aruba pa papia riba desaroyo local

    DEN HAAG - Minister Plasterk ta na Aruba aki dos siman pa un bishita di trabou. E ta bishita tur 6 isla di Caribe Hulandes, y Aruba ta na turno diahuebs 17 di augustus proximo. Elo reuni cu Gobernador, Prome Minister, Presidente di Parlamento y bishita e edificio di Corte di Husticia, un proyecto renoba cu e.o. fondo di FDA. Por considera esaki como un di e ultimo bishitanan, si no ta e ultimo di e mandatario mirando cu e ta demisionario pa basta tempo caba y gobierno ta den formacion ainda pa un gabinete nobo. 

  • Comerciante Eduardo de Veer miembro honorario Sociedad Hulanda-Aruba

    Comerciante Eduardo de Veer miembro honorario Sociedad Hulanda-Aruba

    DEN HAAG – Conocido comerciante Arubiano Eduardo de Veer y ex CEO di MetaCorp Aruba a wordo nombra como miembro honorario di e fundacion ‘Genootschap Nederland-Aruba’, osea ‘Sociedad Hulanda-Aruba’. Esaki a sosode recientemente durante celebracion di e di 4 lustro di e sociedad na Den Haag, Hulanda. Criteria pa a selecciona de Veer, ta debi na su prestacion na e sociedad. Ta trata di un prestacion di mas di 20 aña cu de Veer a haci. E ta e prome empresario cu a comparti e mision di e fundacion y a participa cu MetaCorp den esaki. Ademas e la logra laga mas compania forma parti di e sociedad. Na 2007 durante e di dos lustro di e fundacion, el a percura pa e pelicula Aruba Panorama tabata visibel den e museo di enseñansa Museón na Den Haag. Aki hopi studiante di Den Haag por a cera conoci cu e imagen di Aruba den tur su facetanan. E fundacion ta conta cu 2 miembro honorario. Na 2007 Henk Timmer a bira e prome miembro honorario.

  • Studiantenan di Aruba a yega Hulanda bon

    Studiantenan di Aruba a yega Hulanda bon

    DEN HAAG –Cu dos vuelo di KLM y un di TUI a yega awe 1 di augustus un cantidad di 193 studiante Arubano pa sigui un estudio avansa na nivel HBO of Universidad na Hulanda. Mayan 2 di augustus un grupo chikito mas di studiante for di Aruba lo yega Hulanda. Na Schiphol un delegacion consistiendo di directora di Gabinete di Aruba Shandra John, functionarionan di Departamento di Enseñansa di Gabinete di Aruba, studiementor y miembronan di e POC (Plaatselijke Opvang-commissie) a ricibi e studiantenan.

  • NoticiaCla Ad
  • Powered by SETAR