Beachnan bon bishita weekend di Pasco Grandi na Aruba

Posted on 04/18/2017 11:15 am AST | Updated on 04/18/2017 2:24 pm AST

ORANJESTAD – Un cantidad di persona a campa e fin di siman aki na Aruba. Manera cu NoticiaCla.com a raporta caba, un cantidad mas grandi di persona a campa na San Nicolas, pero esey no a haci e ambiente na Playa y Palm Beach menos. Varios actividad popular a tuma lugar durante e weekend aki. Un radio emisora (Power 101.7FM) y un partido politico (AVP) a tene nan actividad riba beach y cada un a haya nan publico. Otro caminda tabatin hopi buscamento di webo, organisa pa varios instancia comercial y social. Esey a tene hopi hende ocupa henter diadomingo y tambe hasta riba dialuna. Por nota un bista breve di e ambiente riba e.o. Eagle Beach dialuna, cu drone shots di noticiaCla.com. 

  • Citgo: Derame di zeta di diamars a keda contene mesora

    Citgo: Derame di zeta di diamars a keda contene mesora

    SAN NICOLAS  – E derame di zeta diamars di Citgo, no tabata grandi y a keda contene. Asina e compania a reacciona pa medio di un comunicado breve diaranson atardi. Segun e compania, riba diamars 27 di juni durante trabounan rutinario riba Reef berth #2 un pozo di drenahe a lek azeta den lama. No tabata tin ningun lesion y e equipo encarga cu derame di azeta di e refineria a actua imediatamente y a contene e derame. Ta estima cu 1 bari di azeta a keda derama. E equipo di CITGO Aruba a mobilisa pa contene y kita e azeta for di awa y no tin notificacion di impacto negativo. 

  • Meteo: Ola tropical caminda pa Aruba por genera mal tempo awenochi

    Meteo: Ola tropical caminda pa Aruba por genera mal tempo awenochi

    ORANJESTAD - Un ola tropical den cercania ta yegando Aruba den e proximo oranan. Segun meteorologo Marc Oduber, riba radar por mira e parti frontal di e ola tropical yegando nos islanan, incluyendo Aruba. Esey ta nifica cu awe tardi laat y anochi, nos por haya algun awacero isola y mas anochi laat marduga den diahuebs, por haya awacero isola cu chens pa strena. Ademas, den oranan di mainta diahuebs tambe tin chens pa awacero. Ta spera yobida den cantidad di entre 5 pa 15mm. Localmente esaki por ta mas. 

  • VACATURE Network & System Administrator

    VACATURE Network & System Administrator

    (ADVERTORIAL)

  • Habitantenan cu caso contra doño dump ilegal na Tamarijn/Seroe Lopes

    Habitantenan cu caso contra doño dump ilegal na Tamarijn/Seroe Lopes

    TAMARIJN - E situacion di dump ilegal na Tamarijn ta sigui un problema. Como tal habitantenan di Seroe Lopes a dicidi pa no warda mas y aserca Ministerio Publico cu un peticion pa persigui e doño di tereno. Tambe a ta pidi minister y Cuerpo Policial Aruba pa continua nan esfuersonan pa yega na un solucion duradero pa e bario y futuro sano pa e famianan. Durante un conferencia di prensa diamars, a elabora riba e problematica di e bario. 

  • Lo entrega listanan politico na edificio di Censo e aña aki

    Lo  entrega listanan politico na edificio di Censo e aña aki

    ORANJESTAD - E aña aki edificio di Censo ta bira e lugar central unda Conseho Supremo Electoral lo ricibi partidonan politico pa entrega nan respectivo lista di candidato dia 4 di augustus proximo. Asina presidente di Conseho Supremo Electoral Hubert Maduro a confirma pa NoticiaCla. E evento lo cuminsa for di 8'or di mainta te dia 4'or di atardi. Segun Maduro, e lugar cu a tene pa e ultimo eleccion (ex Havana) tabata grandi, bon situa, pero masha caro tambe. "E aña aki nos ta bay den un style mas chikito. Ta bay entreg'e na Censo. Tin lugar, e sala cu ta wordo uza pa casamento, cu su bordes, ta grandi" Maduro a confirma pa e portal aki. "A menos cu bin un budget mucho mas grandi". Pa september e plaza entre Censo y Bestuurskantoor mester ta cla y e ora por uza tur esaki tambe. Despues ta sigui un proceso di firmamento pa partidonan cu no tin asiento den parlamento awor. Ta sigui un proceso di control, cu por dura te fin di luna di augustus, prome cu e listanan ta completamente corecto. Scucha e entrevista AKI

  • Maduro: Uzo di rijbewijs como identificacion pa votamento ta na peliger

    Maduro: Uzo di rijbewijs como identificacion pa votamento ta na peliger

    ORANJESTAD - "E uzo di rijbewijs como identificacion pa votamento ta na peliger". Asina presidente di Conseho Supremo Electoral Hubert Maduro a bisa NoticiaCla dialuna. Como tal, tin posibilidad cu no por bay uza rijbewijs como identificacion valido pa e proximo eleccion. Presidente di Conseho Supremo Electoral Hubert Maduro a splica NoticiaCla cu tin un problema riba e caso. "Nos tin masha aña cu problema cu e rijbewijs" Maduro a bisa. "Tin duda riba e procedura cu cual e ta wordo fabrica" Maduro a bisa. "Duda cu nos no tin cu e paspoort y cu e cedula, pasobra eseynan ta sali digitalmente for di e database di Censo. "Ningun hende no ta print y ta bay copi'e despues". Compara cu Censo, den caso di rijbewijs esaki ta wordo haci manual, cu no ta corecto."

  • Powered by SETAR