Minister Croes deliberando cu abogado na Corsou riba su caso

Minister Croes deliberando cu abogado na Corsou riba su caso

Posted on 04/18/2017 11:09 am AST | Updated on 04/18/2017 2:23 pm AST

ORANJESTAD – Minister Paul Croes ta na Corsou pa delibera riba su caso cu su abogado Marije Vaders e siman aki. Fuentenan cerca di famia a confirma esey pa NoticiaCla.com y e abogado a confirma cu e siman aki lo tin mas informacion riba e caso. Mes momento a confirma tambe cu e facebook page personal di e mandatario a wordo ‘gehacked’ dialuna ultimo. Tabata manda mensahenan como si fuera tabata Croes tabata manda mensahe contra e partido cu e ta forma parti di dje. “No hater no faker, nothing will take away his smile, courage and love for his people...Biba Paul Croes! Danki pa kere den dje!” su ruman muher, conocido propietario di e emisora Magic FM, Erin Croes a post riba su propio pagina awe mainta.

HACK DI PAGINA DI MINISTER

Mas prome, dialuna e ruman muher a confirma riba su propio pagina cu e pagina di su ruman homber tabata gehacked:” Bon Dialuna di pasco Grandi. Mi kier pidi boso atencion pa lo siguiente: E account di sr. Paul Croes ta hacked. Ningun posting ta bini di su persona. Esaki ta loke nos kiermen cu aña di eleccion. Mas boso sigui...mas e ta crece! Danki pa sigui kere den dje!” tabata e mensahe anterior.

E CASO MES

Despues cu tabatin rumor ta circula siman pasa cu e abogado di Croes, Vaders lo a destitui di e caso, esaki a keda desmenti na e portal aki pa e propio abogado. “No ta berdad” Vaders a sigura e portal aki. Ademas ela desmenti cu ta e y abogado Peppie Sulvaran lo tabata envolvi como abogado. “Ami so” tabata e contesta di Vaders riba esey. Ela delibera e weekend aki cu Croes riba e caso, pa despues e cuminsa prepara su mes debidamente. E mes ta ocupa e siman aki cu e caso di defunto Helmin Wiels, caso Maximus, cu ta inicia diaranson na Corsou pa cual a manda busca e persona sentencia como asesino di Wiels, Kuwas alias ‘Monster’. Bek pa Croes, fuera di e update di abogado, no tin nada mas cu ta ‘nobo’ riba e caso, sino cu solamente tin mas informacion cu ta circula cu lo tin mas minister cu mester ta envolvi den e caso aki. E portal aki no por a confirma esaki sinembargo.

 

  • Warda Costa na Corsou a detene varios hende y confisca varios arma

    Warda Costa na Corsou a detene varios hende y confisca varios arma

    WILLEMSTAD - Espectacular detencion di Wardakosta a tuma lugar awe den oranan di merdia, despues cu e operador di radar a tuma nota di 4 boto di forma sospechoso cu tabata acera Spaanse Water. Mesora a bati alarma i personal di Wardakosta a sali cu Superrhib i a logra intercepta e botonan aki. A topa 3 boto model speedboat cu tabata tow 1 boto cu lo tabata tin problema cu motor. A tene un control mesora riba e botonan i a canta BINGO na momento cu riba 2 di e botonan aki a topa:

  • Corant na Corsou mester paga periodista 100 mil florin pa plagio

    Corant na Corsou mester paga periodista 100 mil florin pa plagio

    WILLEMSTAD – E corant Ultimo Noticia na Corsou mester paga periodista Derk (Dick) Drayer di ‘Persbureau Curacao y representante di NOS e suma di NAFL 100.457,10 mas interes. Esaki pasobra Ultimo Noticia a publica un serie di potret sin permiso di e autor/fotografo, osea a comete plagio. Ademas corte ta prohibi e corant en cuestion di publica futuro potretnan sin permiso di Drayer. Incumplimento di esaki ta resulta den un multa di mil florin pa dia te un maximo di 100 mil florin.

  • InselAir ta ricibí permit pa operá riba e ruta di Surnam

    InselAir ta ricibí permit pa operá riba e ruta di Surnam

    WILLEMSTAD - InselAir a ricibi? Diahuebs dia 7 di November su permit di por cuminsa bula su buelonan pa Surnam formalmente. InselAir a cuminsa bende ticket bou di e remarke “pending for government approval” prome? ku a ricibi? e permit oficial. E remarke aki aworaki ya a wordu kita? for di den e sistema. Dia 18 di December, InselAir ta cuminsa bula dos biaha pa siman riba Dialuna I Diabierna.

  • Corsou ta prepara pa fluho di refugiado Venezolano

    Corsou ta prepara pa fluho di refugiado Venezolano

    WILLEMSTAD – Crus Cora na Corsou a traha luga pa 500 refugiado Venezolano. Pasobra e situacion critico ta birando pió na Venezuela, Crus Cora ta preparando pa un plan di crisis pa refugiado. Diabierna pasa mes Wardacosta a detene binti Venezolano indocumenta na Corsou.

  • Cova: E sindicatonan na Corsou ta activa plan B awe nochi

    Cova:  E sindicatonan na Corsou ta activa plan B awe nochi

    WILLEMSTAD – E sindicatonan uni na Corsou lo anuncia nan plan B awe nochi 7’or na e edificio di PFC, durante un conferencia di prensa. E lider di e union sindical Errol Cova a lesa e contesta cu nan a ricibi di gobierno awe mainta 11’or, ora cu e ultimatum pa gobierno a vence. Pero basa riba e carta, a dicidi cu no ta papia y ta activa plan B. Sinembargo Cova no kier a anuncia kico e plan ey ta. Inicialmente e sindicatonan a canta welga nacional, pero despues a duna gobierno te cu awe mainta 11’or pa recapacita nan plan di accion, cu ta inclui retiro masal na UTS, aumento di prima pa seguro di auto y aumento di salario minimo. Foto cortesia Dick Drayer. 

  • Sindicatonan na Corsou a blokea caminda pa Willemstad

    Sindicatonan na Corsou a blokea caminda pa Willemstad

    WILLEMSTAD – Miembronan rabia di sindicato lo mester a bay den accion diamars, pero a cuminsa dialuna caba. Asina Dick Drayer di NOS na Corsou ta raporta awe ainta. Tur caminda cu ta dirigi pa centro di Willemstad for di Banda Bou tabata blokea awe mainta. Segun Drayer, no ta conoci si e sindicatonan mes ta sostene e blokeo aki. E accion total di diamars tabata dirigi contra e retiro masal na UTS y e aumento di prima di seguro di auto. Tambe tabata kier aumento di salario minimo. Fotos cortesia di Extra y TV Direct.

  • BDC3_cur
  • Powered by SETAR