Protocol firma lo garantisa permiso mas lihe pa studiante

Posted on 04/17/2017 3:34 pm AST | Updated on 04/17/2017 5:02 pm AST

ORANJESTAD - DIMAS lo provee un cadena di universidadnan, HBO y MBO un proceso mas lihe pa atende cu permisonan pa nan docente y studiantenan y tambe diferente tipo di studiante. Asina director di DIMAS, mr. Kathy Ruiz-Paskel a remarca. Recientemente DIMAS a ricibi bishita di cadena di universidad menciona pa firma e protocol. Segun Ruiz, tin studiante ta bin pa termino largo, otronan cu ta bin pa un termino cortico por ehempel un programa di intercambio (exchange program) y asina ta facilita e parti ey cu ta importante pe econonia di conocemento (kennis economie) cu Gobierno ta stimula.

AMPLIAMENTO DI PROTOCOL

DIMAS tin protocol cu algun universidad caba, pero awor ta ampliando esaki den tur sector. Nan a incorpora tur y a negocia un cu otro pa un periodo largo. “Awo nos tabatin e version final pa firma”, segun Ruiz-Paskel.

CUIDO MEDICO

Banda di esun di universidad, DIMAS a cera un protocol cu e sector di cuido medico. Den e ultimo añanan DIMAS tabatin protocol caba cu Hospital. “Nos a haci un evaluacion di esaki y diaranson tabatin un version revisa pa firma. Diaranson mainta a firma e protocol tanto cu sector medico como e sector enseñansa”, asina Kathy Ruiz-Paskel a remarca.

ATRAE MAS DOCENTE Y PROFESOR PA BIN ARUBA

Cu esaki, gobierno ta atrayendo no solamente opcionnan den extrerior, pero tambe aki mes na cas. Cu e tipo di acuerdonan asina, Universidadnan lo tin e posibilidad pa atrae mas docente y profesornan pa bini Aruba, pa tempo cortico of largo, pa por sigui educa nos studiantenan.

 

  • Oduber: Intencion ta pa cera dump Parkietenbos aki 90 dia

    Oduber: Intencion ta pa cera dump Parkietenbos aki 90 dia

    ORANJESTAD – E intencion di e tarea cu e steering committee di dump Parkietenbos a haya, ta pa dentro di 90 dia nos mester por cera dump. Asina minister di medio ambiente Otmar Oduber a bisa durante e programa NoticiaCla LIVE riba Facebook. “Sera dump te caminda cu por. Y esey ta nifica cu no tin candela mas, ta significa cu no tin tiramento di desperdicio eynan mas “Oduber a sigui clarifica. Ora cu a sigui puntra, Oduber a ripiti, cu ta berdad cu ta ‘purbando na e momentonan aki’ pa wak con por logra esey. Esey ta bay ta e parti di solucion a termino corto, cu ta cera dump, e parti di termino medio ta esun cu tin cu ‘overbrug’ e proceso te ora cu tin un solucion definitivo pa e problema di dump aki 2 aña y mei. “Esey ta nifica cu nos ta bay traha cu companianan existente y ta bay crea un storting plaats nobo y ta bin cu un maneho cu ta bay yena e buraconan cu tin” Oduber a sigui bisa.

  • Gobierno y Setar a firma proyecto di digitalization pa tur scol na Aruba

    Gobierno y Setar a firma proyecto di digitalization pa tur scol na Aruba

    ORANJESTAD – Tur scol na Aruba lo tin Wi-Fi, prome cu aña escolar 2018/2019. Esaki a keda confirma diahuebs mainta durante un conferencia di prensa di gobierno, unda cu Setar a compromete su mes cu dentro di e periodo di 9 luna of menos, lo por keda cla cu e proyecto di ‘digitalization’ di tur scol na Aruba, cu tin un prijs di algo mas cu 1 miyon florin (AFL 1.044.330,00) y financia principalmente pa fondonan final di Fondo Desaroyo Aruba. A haci mencion di tur scol, pero a menciona den e conferencia, kleuter, basis, MAVO y EPB. Segun minister di enseñansa Rudy Lampe, e proyecto ta parti di e plan nacional di enseñansa 2018-2028, unda cu e palabra clave ta ‘digitalization’. Mester haci mencion cu Setar a duna gobierno un descuento di 10% riba e gastonan total y ademas a haci un donacion di 44.330,00, pa asina cumpli cu e hecho cu e suma disponibel pa gobierno tabata ‘solamente’ 1 miyon florin.

  • Ruiz: Ex minister Arends no mester ta sorprendi pero bergonza!

    Ruiz: Ex minister Arends no mester ta sorprendi pero bergonza!

    ORANJESTAD- Ex minister Arends no mester ta sorprendi pero bergonza. Asina minister di finanzas Xiomara Ruiz Maduro a reacciona den un comunicado riba e declaracion recien di Arends den un programa di NoticiaCla LIVE recientemente. Segun e comunicado, ‘ministerio di Finanzas a tuma nota di declaracion cu ex-Minister Richard Arends, kende tur tempo tabata consehero principal di Eman y Bermudez, a trece dilanti cu e ta sorprendi cu gobierno nobo no por cumpli cu CAFT’. Den tal programa Arends a mustra cu e no ta compronde con gobierno di AVP si a logra y MEP no.

  • Gobierno: Prome equiponan “fia” for di Bestuurskantoor a cuminsa yega bek

    Gobierno: Prome equiponan “fia” for di Bestuurskantoor a cuminsa yega bek

    ORANJESTAD – E prome equiponan cu a worde “fia” for di Bestuurskantoor a cuminsa yega bek. Asina un comunicado di gobierno dialuna atardi a bisa. Hunto cu e comunicado, a bin algun potret cu equiponan di cual ta referi na dje. E equiponan ey a bolbe Bestuurskantoor awe den dia segun e comunicado. Awe mainta ainda prome minister Evelyn Wever Croes durante un conferencia di prensa a pidi tur esnan cu por tin ekipo ainda, pa trece nan bek. No ta conoci si ta basa riba e peticion aki, algun di e equiponan aki a bolbe Bestuurskantoor. Segun e comunicado, esaki ta un parti hopi chikito cu awe mainta a worde entrega pa un coordinador di Ex Minister Mike de Meza.

  • Lampe: Na januari ta implementa plan multiligual pa tur scol na Aruba

    Lampe: Na januari ta implementa plan multiligual pa tur scol na Aruba

    ORANJESTAD – Entrante 1 di januari 2018, gobierno lo implementa e plan di scolnan multilingual pa tur scol na Aruba. Asina Minister di Enseñansa, Rudy Lampe, a anuncia durante un conferencia di prensa semanal di gobierno. Banda di esaki, Lampe a anuncia tambe cu basa riba peticion di Fundacion Lanta Papiamento, gobierno di Aruba a decreta 2018 como e aña di Papiamento.

  • Wever: Comision nobo di gobierno pa mehora caya Betico Croes

    Wever: Comision nobo di gobierno pa mehora caya Betico Croes

    ORANJESTAD – Un comision lidera pa Prome Minister Evelyn Wever Croes lo ta encarga cu mehoracion di Caya Betico Croes. Wever a anuncia esey awe mainta den un conferencia di prensa semanal di gobierno. E intencion ta pa tin tur stakeholder di tur ministerio eyden, cu ta toca Caya Betico Croes. E comision mester percura pa trece entre otro bida bek den caya, manera tabata e compromiso di campaña. E idea ta pa tin ambiente henter dia, y mester desaroya e caya como un centro cu hende ta bay cumpra. Pa loke ta e structura di e organisacion actual Obid, Wever no tabata mucho sigur di esaki y como tal mester reuni cu nan y wak con por yega na otro. E intencion por lo menos ta cu mester por logra loke cu Obid tabatin den mente. E problema, segun e prome mandatario ta, cu nunca nan (Obid) a haya sosten di e gobierno anterior. Si mester cambia con Obid tabata structura, esaki lo wordo haci. “ Lo atende cu varios comerciante pa hunto yega na e miho solucion,” Wever a finalisa bisando.

  • ULTIMATE1
  • BDC1
  • Powered by SETAR