Paskel: Cantidad di ilegal captura di diaranson a aumenta na 12

Paskel: Cantidad di ilegal captura di diaranson a aumenta na 12

Posted on 04/13/2017 11:28 am AST | Updated on 04/13/2017 11:20 pm AST

ORANJESTAD – E cantidad di ilegal captura a aumenta te na 12. Hefe di Wardacosta seccion Aruba Randy Paskel a confirma na NoticiaCla.com cu diaranzon enberdad a logra pone man riba 2 persona mas illegal cu tabata scondi den mangrove y kier a cuminsa move. Cu e dosnan aki, e cantidad ta bira awor 12, fuera di e prome 9 y e capitan di e boto riba cual tur ilegal a bin.

E CAPTURA AYERA

Manera cu e portal aki a raporta ayera caba, tanto polis como Wardacosta di Caribe seccion Aruba a intercepta un boto ayera marduga na altura di Mangel Halto, cu lo a caba baha un cantidad di ilegal riba nos isla. Accion lihe a pone cu a raporta captura (e momento ey) di por lo menos 9 ilegal, excluyendo e capitan, y no tabata descarta cu tin mas ilegal cu si a logra drenta sin wordo captura. Algo cu despues a bira un hecho, cu captura di dos mas. Foto ta di archivo di Kustwacht Caribisch Gebied. 

 

  • Ta cera parti di L.G. Smith Blvd durante Aruba Summer Music Festival

    Ta cera parti di L.G. Smith Blvd durante Aruba Summer Music Festival

    ORANJESTAD - En conexion cu Aruba Summer Music Festival riba e dianan 30 di Juni y 1 di Juli 2017 cu lo tuma luga na APA Arena, Cuerpo Policial Aruba ta informa cu lo cera e caminda ey dilanti desde 5:00pm pa 4:00am.

  • Negoshi di busca gasolin na Venezuela a bay 'out of control'

    Negoshi di busca gasolin na Venezuela a bay 'out of control'

    ORANJESTAD - E negoshi di bay busca combustibel na Venezuela aki a bay "out of control". Asina cuerpo policial a informa diasabra. Segun KPA, pa dia tin das di 8 boto ta bay Venezuela y bin bek den 2 ora cu e boto yena di gasolin y diesel. Asina nan yega Aruba, ta saca e boto y ta bende e combustibel na Aruba riba caya cu publico. Algun boto ta hasta bay 2 of 3 biaha pa dia!  Di acuerdo cu Polisnan Maritimo, esaki ta di 3 biaha caba cu boto ta pega candela cu nos hendenan local cu ta practica e negoshi aki. Cuerpo Policial ta pidi pa henter e asunto aki haya mas atencion di e demas departamentonan concerni, pa cuminsa controla y regula e sistema aki, prome cu ta laat!

  • Boto El Patron a kima por completo na 3 miya for di Barcadera

    Boto El Patron a kima por completo na 3 miya for di Barcadera

    ORANJESTAD - Awe diasabra pa 3:50 pm e boto local El Patron cu matricula A-2307, a sali for di waf di Barcadera pa bay Venezuela pa fuel. Na mas o menos 3 miya zuid di Barcadera te ainda pa un motibo desconoci, e boto a cuminsa huma y despues di un rato tabata full na candela. E 3 tripulantenan abordo a bula na awa mesora. Tabatin un boto cerca cu a yuda di biaha pa saca e hendenan for di awa.  A bati alarma na autoridadnan y mesora Polis Maritimo y Wardacosta a activa y a yega na e sitio pa brinda asistencia. Mester bisa cu danki Dios ningun di e tres personanan abordo no a resulta herida den e proceso.  Algun boto rond a purba "sleep" e resto di boto toch pa trata di scapa e motornan. 

  • Atraco arma diasabra riba cas na Hubadastraat

    Atraco arma diasabra riba cas na Hubadastraat

    ORANJESTAD - Awe diasabra merdia pa 12:30 central di polis a haya un yamada bisando cu na un cas na Hubadastraat nan a caba di wordo atraca. Ta manda patruya di biaha na e sitio y ta topa cu e famia eynan na unda ta conta cu dos hende homber a drenta nan cas y cuminsa pidinan pa placa. Nan no ta tin cara tapa y un di nan tabata tin un arma di candela y e otro un cuchiu den man. E discripcion di e sospechosonan ta como lo siguiente. Mas o menos 1.75 , color di cuero licht bruin, short color kaki, camisa manga largo blanco, petchi blanco bisti. E otro sospechoso tambe mas o menos 1.75, color di cuero licht bruin, jeans largo color blauw  camisa berde blauw y petchi bisti.  Tur dos a papia spaño acento venezolano. 

  • Sucursal di Crown na Turibana Plaza na candela merdia

    Sucursal di Crown na Turibana Plaza na candela merdia

    NOORD - E negoshi di Crown den e edificio di Turibana Plaza na Noord a pega candela diabierna merdia. Unidadnan di bombero mesora a acudi na e sitio pa paga e candela. Pa parti di polis, nan vocero suplente Liliana Rasmijn a confirma pa Noticiacla. cu nan a pasa porta pa porta na e di dos piso pa bati y saca habitantenan for di nan respectivo apartamento. No ta conoci cuanto persona nan a haya y a logra evacua. E candela a laga basta daño pa e sucursal mes di Crown, pero no ta conoci cuanto daño e resto di edificio a haya. Foto cortesia 24ora.com

  • Atraco arma riba Danki Supercenter na Tanki Leendert

    Atraco arma riba Danki Supercenter na Tanki Leendert

    ORANJESTAD - Pa mas o menos 22:41 ta drenta un yamada via centrale post di polis cu un atraco a caba di tuma lugar na Danki Supercenter na Tanki Leendert. Na yegada di patrouya e señora ta bisa cu un rato prome dos hende homber bisti full na preto y cara tapa y tur dos cu arma di candela a drenta e lugar y a atrac'e. Nan a papia papiamento . E atracadornan a bay cu su telefoon cellular tambe y mas o menos afl 1000,- y tambe carchinan di telefoon. Nan a huy na pia direcion zuid. Atraco team a presenta na e sitio pa asina haci nan investigacion.Tambe a pidi pa presencia di departamento di slachtofferhulp. Cuerpo Policial ta pidi ken cu por a wak algo yama tiplijn di polis 11141.

  • Powered by SETAR