Minister a duna ordo pa investiga iregularidadnan na Colegio Arubano

Minister a duna ordo pa investiga iregularidadnan na Colegio Arubano

Posted on 04/13/2017 11:09 am AST | Updated on 04/13/2017 11:25 pm AST

ORANJESTAD – Minister di enseñansa Michelle Hooyboer Winklaar a duna orden pa inicia un investigacion riba varios iregularidadnan na Colegio Arubano, variando di supuesto fayo riba tereno di personal, y tambe e administracion financiero di e scol. Ademas ta inicia un investigacion riba posibel conflicto di interes pa loke ta mercancia pa scol y algun posicion vulnerabel, den cuadro di ‘good governance’. “A base di e resultado di e investigacion aki e mandatario lo evalua pa tuma pasonan adicional. Directie Onderwijs y Inspectie Onderwijs ta encarga cu e investigacion aki. Asina e mandatario a bisa den un carta dirigi na Diocesis (Bisdom) na Corsou diaranzon.

CONTENIDO DI E CARTA

Den e carta di tres pagina, Hooyboer ta splica cu gran parti di e accionan ta basa riba preocupacion di e comision di mayor OCCA riba e ‘continuidad’ di Colegio Arubano. Algun tempo atras, Colegio mes pa medio di un comunicado extenso a elabora riba e topico aki. E mandatario ta gradici Bisdom pa por a reuni en persona y intercambia riba e tema menciona. Mientras cu e mandatario ta riba e mesun liña cu tin enseñansa catolico a pecho. Loke nan no ta mira mescos ta e forma con ta andando cu e problemanan na Colegio. A mustra den e carta cu obviamente papia solamente no ta suficiente y cu mester tuma accion. Ta haci mencion entre otro di problema cu directiva di scol, cu ta un ‘consecuencia di falta di transparencia y disponibilidad pa scucha otro’. Tambe ta papia di un falta ‘structural’ na confianza y e confianza pa cuminsa un discusion habri cu otro.

RETIRA DOCENTE FOR DI COMISION DI SELECCION

Como un ehempel, e mandatario ta mustra riba e hecho cu e siman aki ainda Hunta di supervision a retira tres docente for di e comision di seleccion pa un rector nobo. E rason duna tabata cu nan lo a firma e peticion pa proposicion pa un conrector nobo.

Esaki ta mustra cu no tin confianza den opinion di e docentenan, cu ta puntonan cardinal pa ‘drecha un organisacion internamente’. Esaki ta nifica cu e peticion pa tin un hunta cu por tin ‘algo di bisa tambe’, hopi mas necesario awor, manera cu a keda sugeri pa docente y comision di mayor. A sugeri pa den e comision ey, tin tambe un representante di gobierno, mirando cu ultimo 4 añanan gobierno a subsidia no menos cu 72 miyon florin den e scol. E mandatario a mustra tambe cu como mandatario responsabel pa enseñansa na Aruba, e mester responsabilisa su mes dilanti Parlamento ora cu ta trata di mal prestacion di fondonan publico y mal maneho di trahado y alumno di un scol cu ta wordo subsidia pa gobierno.

NO TA SOSTENE STATUS QUO

E mandatario a mustra cu contrario na peticion di Bisdom pa laga e situacion un rato den un ‘status quo’ pa duna partidonan chens pa ‘haya otro’, no ta suficiente, pa por drecha e asuntonan urgente cu ta malo. Segun e mandatario, mirando cu Bisdom no kier mete aworaki a termino corto pa yuda soluciona e problema, e ta haya su mes obliga pa haci esaki su so. Y basa riba esey, e ta dicidi pa tuma e accionnan ya menciona. Lesa e carta completo AKI. 

  • Wever-Croes : Innovacion ta hopi mas amplio cu ‘green’

    Wever-Croes : Innovacion ta hopi mas amplio cu ‘green’

    ORANJESTAD – ‘Innovacion ta hopi mas amplio cu green”. Asina prome minister Evelyn Wever a reacciona riba e pregunta di NoticiaCla, na occasion di a apunta Varelie Croes como e Chief Innovation Officer “ pa Aruba. E pregunta a surgi riba e hecho cu semper e gobierno actual a critica e gobierno anterior cu ta gasta placa cu nan intento pa ‘go green’, envez di enfoca riba otro cos. Segun Wever, “ Green’ ta mas bien sustainability. Mas bien medio ambiente. E ta un forma di biba sostenible of di Pensa sostenible” Wever a bisa. ”Innovacion ta e proceso cu bo ta uza pa yega na green. Si bo no innova of bo no tin e mindset inovativo nunca bo ta yega ma sostenibilidad” e prome mandatario a sigui bisa.

  • Cambio ley LTUV ta evita minister por bypass departamentonan

     Cambio ley LTUV ta evita minister por bypass departamentonan

    ORANJESTAD – Cambio di ley di admision, LTUV, ta necesario pronto, pa evita cu un minister por bypass cierto departamentonan manera cu a sosode den gabinete anterior. cu ta e ley di admision. Segun minister actual di integracion Andin Bikker, e minister anterior tabata bypass e departamentonan caminda ken cu presenta cerca dje cu un pida papel y bise cu e tin un peticion, e minister ey tabata firma 'akkoord conform verzoek'. E situacion aki a conduci cu no tin un trato igual pa loke ta trata e esun cu si ta bay via proceso di aplica via DIMAS.

  • Oduber: Intencion ta pa cera dump Parkietenbos aki 90 dia

    Oduber: Intencion ta pa cera dump Parkietenbos aki 90 dia

    ORANJESTAD – E intencion di e tarea cu e steering committee di dump Parkietenbos a haya, ta pa dentro di 90 dia nos mester por cera dump. Asina minister di medio ambiente Otmar Oduber a bisa durante e programa NoticiaCla LIVE riba Facebook. “Sera dump te caminda cu por. Y esey ta nifica cu no tin candela mas, ta significa cu no tin tiramento di desperdicio eynan mas “Oduber a sigui clarifica. Ora cu a sigui puntra, Oduber a ripiti, cu ta berdad cu ta ‘purbando na e momentonan aki’ pa wak con por logra esey. Esey ta bay ta e parti di solucion a termino corto, cu ta cera dump, e parti di termino medio ta esun cu tin cu ‘overbrug’ e proceso te ora cu tin un solucion definitivo pa e problema di dump aki 2 aña y mei. “Esey ta nifica cu nos ta bay traha cu companianan existente y ta bay crea un storting plaats nobo y ta bin cu un maneho cu ta bay yena e buraconan cu tin” Oduber a sigui bisa.

  • Gobierno y Setar a firma proyecto di digitalization pa tur scol na Aruba

    Gobierno y Setar a firma proyecto di digitalization pa tur scol na Aruba

    ORANJESTAD – Tur scol na Aruba lo tin Wi-Fi, prome cu aña escolar 2018/2019. Esaki a keda confirma diahuebs mainta durante un conferencia di prensa di gobierno, unda cu Setar a compromete su mes cu dentro di e periodo di 9 luna of menos, lo por keda cla cu e proyecto di ‘digitalization’ di tur scol na Aruba, cu tin un prijs di algo mas cu 1 miyon florin (AFL 1.044.330,00) y financia principalmente pa fondonan final di Fondo Desaroyo Aruba. A haci mencion di tur scol, pero a menciona den e conferencia, kleuter, basis, MAVO y EPB. Segun minister di enseñansa Rudy Lampe, e proyecto ta parti di e plan nacional di enseñansa 2018-2028, unda cu e palabra clave ta ‘digitalization’. Mester haci mencion cu Setar a duna gobierno un descuento di 10% riba e gastonan total y ademas a haci un donacion di 44.330,00, pa asina cumpli cu e hecho cu e suma disponibel pa gobierno tabata ‘solamente’ 1 miyon florin.

  • Ruiz: Ex minister Arends no mester ta sorprendi pero bergonza!

    Ruiz: Ex minister Arends no mester ta sorprendi pero bergonza!

    ORANJESTAD- Ex minister Arends no mester ta sorprendi pero bergonza. Asina minister di finanzas Xiomara Ruiz Maduro a reacciona den un comunicado riba e declaracion recien di Arends den un programa di NoticiaCla LIVE recientemente. Segun e comunicado, ‘ministerio di Finanzas a tuma nota di declaracion cu ex-Minister Richard Arends, kende tur tempo tabata consehero principal di Eman y Bermudez, a trece dilanti cu e ta sorprendi cu gobierno nobo no por cumpli cu CAFT’. Den tal programa Arends a mustra cu e no ta compronde con gobierno di AVP si a logra y MEP no.

  • Gobierno: Prome equiponan “fia” for di Bestuurskantoor a cuminsa yega bek

    Gobierno: Prome equiponan “fia” for di Bestuurskantoor a cuminsa yega bek

    ORANJESTAD – E prome equiponan cu a worde “fia” for di Bestuurskantoor a cuminsa yega bek. Asina un comunicado di gobierno dialuna atardi a bisa. Hunto cu e comunicado, a bin algun potret cu equiponan di cual ta referi na dje. E equiponan ey a bolbe Bestuurskantoor awe den dia segun e comunicado. Awe mainta ainda prome minister Evelyn Wever Croes durante un conferencia di prensa a pidi tur esnan cu por tin ekipo ainda, pa trece nan bek. No ta conoci si ta basa riba e peticion aki, algun di e equiponan aki a bolbe Bestuurskantoor. Segun e comunicado, esaki ta un parti hopi chikito cu awe mainta a worde entrega pa un coordinador di Ex Minister Mike de Meza.

  • ULTIMATE1
  • BDC1
  • Powered by SETAR