Minister a duna ordo pa investiga iregularidadnan na Colegio Arubano

Minister a duna ordo pa investiga iregularidadnan na Colegio Arubano

Posted on 04/13/2017 11:09 am AST | Updated on 04/13/2017 11:25 pm AST

ORANJESTAD – Minister di enseñansa Michelle Hooyboer Winklaar a duna orden pa inicia un investigacion riba varios iregularidadnan na Colegio Arubano, variando di supuesto fayo riba tereno di personal, y tambe e administracion financiero di e scol. Ademas ta inicia un investigacion riba posibel conflicto di interes pa loke ta mercancia pa scol y algun posicion vulnerabel, den cuadro di ‘good governance’. “A base di e resultado di e investigacion aki e mandatario lo evalua pa tuma pasonan adicional. Directie Onderwijs y Inspectie Onderwijs ta encarga cu e investigacion aki. Asina e mandatario a bisa den un carta dirigi na Diocesis (Bisdom) na Corsou diaranzon.

CONTENIDO DI E CARTA

Den e carta di tres pagina, Hooyboer ta splica cu gran parti di e accionan ta basa riba preocupacion di e comision di mayor OCCA riba e ‘continuidad’ di Colegio Arubano. Algun tempo atras, Colegio mes pa medio di un comunicado extenso a elabora riba e topico aki. E mandatario ta gradici Bisdom pa por a reuni en persona y intercambia riba e tema menciona. Mientras cu e mandatario ta riba e mesun liña cu tin enseñansa catolico a pecho. Loke nan no ta mira mescos ta e forma con ta andando cu e problemanan na Colegio. A mustra den e carta cu obviamente papia solamente no ta suficiente y cu mester tuma accion. Ta haci mencion entre otro di problema cu directiva di scol, cu ta un ‘consecuencia di falta di transparencia y disponibilidad pa scucha otro’. Tambe ta papia di un falta ‘structural’ na confianza y e confianza pa cuminsa un discusion habri cu otro.

RETIRA DOCENTE FOR DI COMISION DI SELECCION

Como un ehempel, e mandatario ta mustra riba e hecho cu e siman aki ainda Hunta di supervision a retira tres docente for di e comision di seleccion pa un rector nobo. E rason duna tabata cu nan lo a firma e peticion pa proposicion pa un conrector nobo.

Esaki ta mustra cu no tin confianza den opinion di e docentenan, cu ta puntonan cardinal pa ‘drecha un organisacion internamente’. Esaki ta nifica cu e peticion pa tin un hunta cu por tin ‘algo di bisa tambe’, hopi mas necesario awor, manera cu a keda sugeri pa docente y comision di mayor. A sugeri pa den e comision ey, tin tambe un representante di gobierno, mirando cu ultimo 4 añanan gobierno a subsidia no menos cu 72 miyon florin den e scol. E mandatario a mustra tambe cu como mandatario responsabel pa enseñansa na Aruba, e mester responsabilisa su mes dilanti Parlamento ora cu ta trata di mal prestacion di fondonan publico y mal maneho di trahado y alumno di un scol cu ta wordo subsidia pa gobierno.

NO TA SOSTENE STATUS QUO

E mandatario a mustra cu contrario na peticion di Bisdom pa laga e situacion un rato den un ‘status quo’ pa duna partidonan chens pa ‘haya otro’, no ta suficiente, pa por drecha e asuntonan urgente cu ta malo. Segun e mandatario, mirando cu Bisdom no kier mete aworaki a termino corto pa yuda soluciona e problema, e ta haya su mes obliga pa haci esaki su so. Y basa riba esey, e ta dicidi pa tuma e accionnan ya menciona. Lesa e carta completo AKI. 

  • Siman ta habri sin acuerdo riba programa di gobierno pa coalicion

    Siman ta habri sin acuerdo riba programa di gobierno pa coalicion

    ORANJESTAD – Siman a habri sin cu a logra firma un acuerdo pa loke ta programa di gobierno di e coalicion nobo. “Na e momentonan aki no tin noticia pa meld riba e proceso di formacion, diferente cu locual mi a declara diabierna den Conferencia di Prensa” formador Evelyn Wever Croes a informa prensa diadomingo. “Nos ta den e fase di traha riba e programa y nos mester tuma nos tempo pa esaki. E ta tuma mas tempo cu mi a anticipa y mi ta pidi mi disculpa pa esaki. Pero asina cu mi tin algun novedad, mi ta informa prensa inmediatamente” Wever a sigui bisa.

  • No ta logra firma acuerdo programa di gobernacion awe mas

    No ta logra firma acuerdo programa di gobernacion awe mas

    ORANJESTAD – Negociacion no a termina na tempo pa por a firma un acuerdo di programa di gobernacion diabierna atardi. For di formador Wever, NoticiaCla a compronde cu nan ta ‘bezig’ ainda y cu no por a keda cla. Ta negociando ainda y lo haci esaki te laat te ora cu keda cla. E intencion (manera cu e portal a raporta inicialmente) tabata pa keda cla y pa awe tardi laat firma e acuerdo di e programa. Ta mustra cu esaki por keda cla pa posiblemente diasabra firma esaki. E ora ainda no ta duna pero, kier haci esaki diasabra. Mientrastanto ta trahando tambe riba e reparticion di cartera, pa despues e respectivo partidonan presenta nan candidatonan pa e funcion di minister.

  • Intencion ta pa firma acuerdo di programa di gobernacion awe

    Intencion ta pa firma acuerdo di programa di gobernacion awe

    ORANJESTAD – Tur cos ta mustra cu awe tardi formador Wever Croes lo por firma e acuerdo di programa di gobernacion. Fuentenan cerca di e proceso a mustra NoticiaCla cu e intencion tabata pa awe tardi laat, tin e firmamento. Mientrastanto awe ainda Wever a reuni cu Gobernador Boekhoudt riba e formacion y e avansenan den e proceso.

  • Partido AVP tin su candidatonan pa drenta parlamento!

    Partido AVP tin su candidatonan pa drenta parlamento!

    ORANJESTAD – Partido AVP a presenta su candidatonan pa bay parlamento proximamente. Segun e resultado di eleccion, AVP tin 9 parlamentario cu a opta pa bay den oposicion y laga e otro partidonan cu asiento forma gobierno. Esnan cu ta bay parlamento pa AVP ta Benny Sevinger, Mike de Meza, Arthur Dowers, Richard Arends, Mervin Wyatt Ras, Robert Candelaria, Jennifer Arends, Michael Lampe y Marlon Sneek. Segun Sneek, no a determina ainda si, ken lo bira lider di fraccion e biahe aki. E intencion ta pa dia 27 di october, huramenta e candidatonan.

  • Partidonan MEP, POR y RED a firma 'acuerdo di formacion'

    Partidonan MEP, POR y RED a firma 'acuerdo di formacion'

    AYO - Partidonan MEP, POR y RED a firma e 'acuerdo di formacion' pa un gobierno nobo. A haci esaki simbolicamente na Ayo Rock Formations pa mustra e union solido cu tin entre e partidonan. A haci mencion di tres punto cu ta  1. Bon gobernacion y integridad 2. Finanza Publico balansa y duradero 3 E ser humano central riba diferente area (e.o seguridad/asistencia social/ bienestar economico/ desaroyo sostenibel/ enseñansa di calidad/ cuido di salud y grandinan). No por a duna hopi info riba otro aspectonan manera reparticion di cartera, ya cu tin cu traha e programa di gobernacion prome. Notable tabata e positivismo entre e lidernan pa cu otro. Sosteni pa miembronan di e respectivo partidonan y simpatisante, a firma e prome di varios documento despues. Awor ta sigui e fase di traha e programa di gobernacion, sigui pa e reparticion di cartera. No tin fecha pa e siguiente fase termina. 

  • Lidernan politico di MEP, POR y RED ta firma acuerdo di formacion awe tardi

    Lidernan politico di MEP, POR y RED ta firma acuerdo di formacion awe tardi

    ORANJESTAD – E tres lidernan politico di partido MEP, POR y RED lo firma un acuerdo di formacion na Ayo Rock Formation awe tardi pa 3'or. Lider di partido MEP Evelyn Wever Croes a confirma e informacion mientrastanto pa NoticiaCla. E intencion ta pa tene un conferencia di prensa na e sitio. NOTA: Foto ta di e inicio di e reunion di formacion dialuna atardi. 

  • ULTIMATE
  • BDC2
  • Powered by SETAR