Caso di abogado ‘falso’ ta tuma lugar awe merdia

Caso di abogado ‘falso’ ta tuma lugar awe merdia

Posted on 04/13/2017 10:32 am AST | Updated on 04/13/2017 10:39 am AST

ORANJESTAD – Despues cu un luna pasa a pospone e caso un biaha mas di e ‘abogado falso’ sr Gibbs, awe tardi atrobe Corte lo haci un intento pa trata e caso cu tin atencion di hopi hende. Pa di dos biaha hues a pospone e caso di e abogado ‘falso’ R. Gibbs luna pasa (7 di maart). E biaha ey tabata pa motibo cu e abogado Zarra a retira su mes di e caso, y partidonan no tabata na altura na tempo pa por a logra haya otro abogado. Como tal hues a pospone e caso aki awe 13 di april pa 2’or di merdia. Biaha pasa a pospone e caso mirando cu Gibbs ta un pashent di dialyse y cu riba e fecha ey, tabata su fecha pa haci e tratamento.

FALTA DI COMUNICACION

Luna pasa Gibbs a bisa cu tin falta di comunicacion y como tal e no a haya sa na tempo cu e abogado a retira di e caso, pero cu e tin un abogado nobo caba. Fiscal den e caso aki a mustra cu ta un dia prome ela bin tende cu e abogado a retira. Hues a splica cu e tempo poni, ta duna ambos partido suficiente tempo pa prepara nan mes adecua pa e caso aki.

HOPI INTERES

Tin hopi interes den e caso aki (manera por a mira biaha pasa caba den sala di corte, mirando e impacto cu e persona aki a crea pa hopi hende y a dal hopi hende un cara abou. NoticiaCla.com a nota cu riba e documento di corte, oficialmente tin 22 nomber di sea persona of instancia cu ta demandando Gibbs pa a perhudicanan. Entre nan tin te hasta gobierno, den caso minister di permiso, hasta gabinete di Gobernador, y Raad van state. Tur a wordo perhudica pa e persona aki, cu a pone cu e interes pa e persona aki paga pa su actonan, ta halto. Ultimo biaha si, no tabatin hopi hende den e sala, compara cu biaha pasa ora cu no tabatin caminda di pone hende. Esey no ta kita afo cu e interes pa e caso ta hopi halto. A compronde cu e lista di persona of instancia perhudica, ta mucho mas cu ‘djis 22’, y ta papia di riba 50. E caso pues ta tuma lugar awe tardi 2’or.

 

  • Compania renombra di accountant ta perde caso contra ex director Lotto

    Compania renombra di accountant ta perde caso contra ex director Lotto

    ORANJESTAD – E compania di accountant renombra Ernst & Young (EY) a actual illegal contra ex director di Lotto Endy Croes y acusacionan den e rapport traha contra Croes, no tin base. Asina corte di apelacion a dicta den un sentencia diamars mainta. Abogado di Croes, Anthony Ruiz a splica NoticiaCla cu e ta considera e dia di awe como uno grandi pa su cliente. Sigur si tene na cuenta tur e añanan cu e cliente mester a pasa door acusacionnan sin base. Corte di apelacion a mustra cu e compania a acto illegal, incorecto y cu e acusacionnan contra Croes den e rapport traha, no ta corecto. E sentencia ta uno largo di 23 pagina, unda cu hueznan a tuma nan tempo pa motiva nan argumentacion. E contra partido tin 3 luna pa bay casacion, y Croes ta prepara awor pa cuminsa caso penal contra e compania y tambe uno di daño y perhuicio.

  • Bancarota di InselAir Aruba a bira definitivo awe

    Bancarota di InselAir Aruba a bira definitivo awe

    ORANJESTAD – E bancarota di Insel Air Aruba ta keda vigente y creditornan por continua cu e proceso pa recupera nan placa. Awe mainta tabatin un caso pendiente di apelacion cu InselAir Aruba a entama contra e decision di bancarota. Sinembargo, InselAir mes a revoca e caso, cu ta nifica cu e decision anterior di bancarota di e compania ta bira final. Asina abogado pa e partido contrario Dello Gomez di Gomez & Bikker a confirma pa NoticiaCla. InselAir for di e tempo ey tabata for di operacion, mientras cu InselAir International ainda ta operando bou di proteccion di corte.

  • Ex Parlamentario ta gana caso contra gobierno di Aruba

    Ex Parlamentario ta gana caso contra gobierno di Aruba

    ORANJESTAD - Ex parlamentario Desiree de Sousa Croes a gana su caso contra gobierno di Aruba. Huez dialuna a ordena gobierno (minister) pa suspende e desicion di dia 20 di november 2017 cu ta mande bay raporta na DPS. Y ademas mester pague e salario conforme e landsbesluit di dia 22 di januari 2010. Keda pendiente pa mas detaye. Lesa e sentencia AKI.  

  • Nelson Speed Andrade ta gana caso contra gobierno di Aruba

    Nelson Speed Andrade ta gana caso contra gobierno di Aruba

    ORANJESTAD - Huez a ordena pais Aruba pa duna periodista Nelson 'Speed' Andrade entrada na Parlamento dentro di 24 ora di e veredicto. Esaki contal cu Andrade no causa desorden of disturbio. Lesa e sentencia AKI. 

  • Corte a debati prohibicion contra periodista pa drenta Parlamento

    Corte a debati prohibicion contra periodista pa drenta Parlamento

    ORANJESTAD – Bou di un interes grandi entre e.o. prensa y abogadonan, e caso cu un periodista a entama contra presidente di Parlamento diamars a tuma lugar. E base di e caso tabata pa ‘identifica e motivacion di e presidente di Parlamento pa a prohibi un periodista entrada den Parlamento pa un periodo specifico’. Un contesta cu despues di basta insistencia di e huez cu a trata e caso, a bin resulta di ta ‘menaza contra e presidente y palabranan pa insulta e instituto’. Huez na final a cuestiona e motivacion ey y a bisa mesora cu den curso di dia mayan diaranzon lo dicta sentencia riba e caso.

  • Corte: De Sousa director Arubahuis of docente bek?

    Corte: De Sousa director Arubahuis of docente bek?

    ORANJESTAD – Ex parlamentario Desiree de Sousa Croes tin derecho pa haya su funcion ‘bieu’ bek como director di Arubahuis, basa riba e hecho cu nunca e no a wordo ‘retira’ of baha cu pensioen den e funcion ey. Asina abogado Peter Mohamed a argumenta den corte awe mainta pa su cliente. De Sousa (den corte menciona como Croes) a entama un caso contra Gobernador di Aruba y minister di Asuntonan general, cu no kier acepta pa de Sousa bolbe na su ‘funcion bieu’ di Director di Aruba sino kier pa e bay bek na ta docente. Huez ta dicta dia 8 di januari ken tin razon den e caso aki.

  • Powered by SETAR