Capitan di boto cu ilegal gara, tabata cera den pasado caba

Capitan di boto cu ilegal gara, tabata cera den pasado caba

Posted on 04/12/2017 11:25 am AST | Updated on 04/12/2017 8:03 pm AST

ORANJESTAD – E capitan cu a wordo deteni awe mainta, responsabel pa transporta un cantidad grandi di ilegal for di posiblemente Venezuela, den pasado a keda deteni caba segun vocero di polis Lito Lacle. E tempo ey e capitan a haya 3 aña di castigo bou di e ley di mensensmokkel. Mientrastanto polisnan ta trahando duro pa logra pone man riba e ilegalnan cu no a wordo gara awe marduga ainda.

SITUACION VENEZUELA

Un di e problemanan ta e situacion di Venezuela cu ta pone cu hopi hende ta purba drenta nos isla ilegal. Aunke cu Lacle no ta autorisa pa papia riba e situacion di pais bisiña, a mustra cu tin combersacionnan andando pa fula tera pa wak kico ta pasando pa wak ki medida (extra) tin cu tuma. Segun Lacle, mester cera costanan mas hopi cu ta posibel y pa tin mas control cu ta posibel pa no haci’e faborabel pa e ilegalnan drenta sea Aruba of otro islanan di Antias.

SITUACION PA CAMPISTANAN

A sigura cu ya caba den bista di semana santa, polis a fortifica nan controlnan y nan personal pa asina por reacciona mas lihe cu ta posibel riba laman. Y aworaki esaki ta bin bon pasobra tin mas polis cu por yuda busca e personanan cu a logra toch pa drenta ilegal.

  • Polis a detene sospechoso di tiramento na Rooi Bosal

    Polis a detene sospechoso di tiramento na Rooi Bosal

    ORANJESTAD - Awe madruga recherche di Sta Cruz cu tin e caso relaciona cu e tiramento na Rooi Bosal awe marduga cu a causa morto di un persona, a detene e sospechoso fam L. Noticia den progreso.

  • Victima tira den pecho na Rooi Bosal ta fayece

    Victima tira den pecho na Rooi Bosal ta fayece

    ORANJESTAD - Diabierna pa mas o menos 23:30 central di polis ta haya un jamada via AC cu un persona hende homber lo mester a jega cu un tiro na pecho na hospitaal. Ta manda patruya eynan di biaha tambe recherche , bfto y slachtofferhulp. Pa 12:23 dr Hiwat ta constata morto di E.R.T. naci 20-11-86 na Aruba. Recherche a cuminsa di biaha cu su investigacion pa saca afo kico exactamente por a pasa. Por a compronde cu e caso a tuma lugar na un cas na Rooi Bosal y na unda e victima a wordo tira . Un familiar a transporta e victima den auto y hibe hospital. Fiscal a laga tuma e curpa den beslag . E caso ta bao investigacion. NoticiaCla ta manda palabra di condolencia na e famia di e fayecido.

  • Autoridad a confisca curpa di e baby di e crèche na Catiri

    Autoridad a confisca curpa di e baby di e crèche na Catiri

    ORANJESTAD – Ministerio publico a confisca e curpa di e baby J.K. naci apenas dos luna pasa 21 december 2017, despues cu docter A. Oudschoorn a constata e morto pa 3’or y mei dialuna atardi. Mas prome NoticiaCla a raporta cu polis a haya e melding di e caso lamentable na un cas na Catiri. E momento ey e melding inicial pa 2:15pm tabata caba cu tin un baby lo no ta duna señal di bida na e crèche na Catiri. A transporta e baby pa hospital urgente pero na final toch e baby a bin fayece. Motibo di e morto no ta conoci, y investigacion tin cu determina e causa di e morto aki. NoticiaCla ta manda palabra di pesame na famianan di e criatura aki.

  • Polis investigando caso di baby cu a bira malo na crèche na Catiri

    Polis investigando caso di baby cu a bira malo na crèche na Catiri

    CATIRI – Polis ta investigando un caso di un melding di un baby cu a bira hopi malo y cu inicialmente a kere cu el a fayece. Vocero suplente di polis Liliana Rasmijn a confirma cu polis a haya melding pa 2:15 pm di un caso di baby cu no ta duna señal di bida na un crèche na Catiri 12-H. Mesora polisnan a acudi y a pidi asistencia di ambulance cu a transporta e criatura mesora pa hospital. "E baby su situacion ta critico" Rasmijn a declara pa prensa un rato pasa. E señora di edad cu ta wak pa e baby (e tin un crèche pa hopi aña), a bira malo y mester a haya asistencia medico tambe. Segun Rasmijn, no ta conoci kico exactamente por a pasa, pero tabatin presencia di hopi autoridad pa cuminsa cu nan investigacion pa resolve e caso aki. Mientrastanto ta sperando un update di e situacion di e baby cu ta na hospital.

  • Turista di bapor crusero ta collapse y fayece riba beach na Arashi

    Turista di bapor crusero ta collapse y fayece riba beach na Arashi

    ARASHI – Un turista di bapor crucero awe mainta a cay den otro y fayece riba beach na Arashi. Tabata awe mainta pa 10:57 cu Central di Polis a haya un yamada cu un turista mester a bira malo banda di lama na Arashi. Patruya y ambulance a yega na sitio di e sucedido mesora y a cuminsa haci nan trabou. Segun cu por a compronde di vocero suplente di polis Liliana Rasmijn, cu e sra turista tabata canando bandi beach y diripiente e la zak den otro. Personanan cu a wak esaki a yama central di polis y a cuminsa na purba reanima e señora. Ambulance a yega na e sitio y a sigui pa mas o menos 40 minuut mas segun nan procedura pero no por a hasi nada mas pa e señora turista. Por a compronde cu ta trata di un turista di un barco crusero. Pa 12:05 dr Texeir ta constata morto di e señora S.H. naci 03-01-76 na Alemania. Slachtofferhulp a presenta y asina asisti e señora su pareha pa cu e tramitenan. Nos di Cuerpo Policial ta manda palabra di condolencia na e famia di e fayecido.

  • Explosion den cushina di Caribbean Buffet

    Explosion den cushina di Caribbean Buffet

    ORANJESTAD - Pa 13:45 Centrale post a haya jamada di alarm centrale bisando cu tin un explosion den cushina di Caribbean Buffet na King Plaza y cu tin un hende herida. Patruya a yega na e sitio di e susedido y enberdad a topa cu e persona foi tin cu un kap na cabez . Ambulance a presenta y a transporta e victima pa hospital. Brandweer a jega ne sitio , tambe DTI y BFTO. E victima ta stabil y e investigacion ta den man di DTI.

  • Powered by SETAR