Abogado Marije Vaders di Corsou ta representa minister Paul Croes

Abogado Marije Vaders di Corsou ta representa minister Paul Croes

Posted on 04/10/2017 10:53 am AST | Updated on 04/10/2017 10:55 am AST

ORANJESTAD – Mientras cu cos ta keto ‘publicamente’ rond di e caso di corupcion unda cu minister Paul Croes ta un sospechoso, tras di cortina cos ta moviendo basta rapido. Mientrastanto NoticiaCla.com por confirma cu Croes a busca ayudo legal di e conocido abogado di Corsou, Marije Vaders di Vaders Advocaten. Informacion cu e minister lo a busca servicio di otro abogado extra Peppie Sulvaran no ta corecto. “Ami si ta su abogado” Vaders a confirma pa e portal aki. El a desmenti cu Sulvaran tambe ta abogado den e caso aki. A bisa pa keda pendiente pa mas informacion den curso di dia.

MARIJE VADERS

Vaders ta un di e abogadonan mas conoci di Corsou ultimamente, special den casonan grandi manera Maximus, y mas reciente ta acesorando ex premier Gerrit Schotte pa e asuntonan di reciente inval. Tambe Vaders tabata abogado den caso di e tiramento na Hato. Su reputacion ta precidi’e y ta wordo solicita pa clientenan ‘high profile’ mas tanto.

  • Detencion consehero minister Paul Croes extendi cu 16 dia

    Detencion consehero minister Paul Croes extendi cu 16 dia

    ORANJESTAD – E detencion di e sospechoso den caso Ibis, Giovanny Capriles a keda prolonga cu 2 biaha 8 dia, esta 16 dia. Su abogado Chris Lejuez a confirma esaki pa NoticiaCla. Ora cu e termino aki pasa, hues  comisario tin cu dicidi si ta bolbe prolonga e detencion of no. E otro dos personanan cu tambe ta sospechoso den e caso aki, tambe ta deteni ainda. Pa loke ta Capriles, e ta na KIA for di comienso, pa motibo di su salud. 

  • Afpakteam a colecta basta placa na boet y vordering di belasting

    Afpakteam a colecta basta placa na boet y vordering di belasting

    ORANJESTAD - E accion di Afpakteam Integral di Aruba pa loke ta cobramento di boetnan atrasa y vorderingnan di belasting a duna bon resultado. Asina ministerio publico a informa den un comunicado. Riba 3 di juli ultimo un relato di prensa a keda publica, cu tabata contene un yamada pa paga boetnan atrasa y vorderingnan di belasting. Den e siman ey, Ministerio Publico a cobra un suma di Afl. 57.695,-. Departamento di Impuesto a cobra un suma di 259.188,- den e siman di 3 pa 10 di juli ultimo, entre otro relaciona cu e relato di prensa en cuestion.

  • Detencion dama pa falsificacion di permiso no ta relaciona cu caso Ibis

    Detencion dama pa falsificacion di permiso no ta relaciona cu caso Ibis

    ORANJESTAD – Autoridad a detene un dama awe, G.J. Lampe, ariba sospecho di falsificacion di permiso y estafa. “E (detencion) no tin nada di haber cu (e caso) Ibis”, vocero di ministerio publico Ann Angela a sigura NoticiaCla awe merdia. E persona a keda deteni y hiba departamento di recherche, unda cu su interogacion a inicia.

  • Ambtenaar dept di Enseñansa castiga cu multa y servicio na comunidad

    Ambtenaar dept di Enseñansa castiga cu multa y servicio na comunidad

    ORANJESTAD - Bou guia di Fiscal di Husticia, Landsrecherche a haci investigacion penal di casonan di posibel soborno administrativo pasivo y falsificacion pa cu e examen Hulandes pa e asina yama “naturalisatietoets” pa aña 2012. Stranheronan cu ta desea di haya nacionalidad Hulandes, mester haal e naturalisatietoets aki. E test ta wordo haci y examina pa e Examenbureau di Departamento di Enseñansa di Aruba, cu ta cay bou Ministerio di Enseñansa di Aruba. E ta consisti di varios parti, bou di cual un testnan obligatorio di Hulandes. E investigacion di Landsrecherche a mustra cu un ambtenaar cu (anteriormente) tabata traha na Examenbureau, señor M.L.C., a pidi y a ricibi regalonan (monetario) di participantenan na e test di idioma, en cambio pa e falsifica nan resultadonan di examen. E investigacion a mustra alavez cu M.L.C. tabatin probecho ilegal for di e hechonan castigable aki.

  • Detencion di consehero di minister Paul Croes prolonga

    Detencion di consehero di minister Paul Croes prolonga

    ORANJESTAD – E detencion consehero y fotografo di minister Paul Croes, G. C. a keda prolonga cu 8 dia awe. Aworaki e ta den e asina yama ‘verlengde inverzekeringstelling’. Dus den su prome 10 dia’. Asina su abogado Chris Lejuez a confirma pa NoticiaCla diamars atardi. Pa loke ta e cargonan contra su cliente, Lejuez a splica cu e ta mescos cu e otronan cu ta deteni, esta cu su cliente tambe ta wordo sospecha di soborno y falsificacion den e caso Ibis.

  • Fiscal mayor nobo Hans Klaver cerca minister di husticia

    Fiscal mayor nobo Hans Klaver cerca minister di husticia

    ORANJESTAD – Aruba a haya un fiscal mayor nobo, den persona di mr Hans Klaver. E ta reemplasa fiscal mayor saliente Eric Olthof. Den cuadro di esaki, sr Klaver a bishita minister di husticia Arthur Dowers. Durante e bishita aki, Klaver a wordo acompaña pa procurador general Alexander van Dam. Foto pagina facebook Arthur Dowers. 

  • NoticiaCla Ad
  • Powered by SETAR