Bonaire protestando contra reduccion di pensioen

Posted on 04/10/2017 10:48 am AST | Updated on 04/10/2017 11:02 am AST

KRALENDIJK – E isla di Bonaire ta practicamente plat awe dialuna. Varios sindicato , entre nan USIBO a yama un welga general pa protesta e reduccion den pago di pensioen. Miembronan a acumula riba Wilhelminaplein for di 8’or awe mainta. Schoolnan ta cera y varios departamento di gobierno ta cera. Trahadornan di RCN, OLB ( gobierno di Reino resp. local) y esunnan cu ta afilia na e pensioenfonds di 'gobierno' PCN. Solamente esnan di scol secundario tin cu presenta conforme roster pa examen. Sindicatonan solidario cu ta representa otro sectornan manera WEB y CUROil ta na un hilo fini pendiente tambe pa join. Segun Aymed Ayubi di Live 99FM, tin algun instancia ainda cu tin cu dicidi despues di merdia, pa pone e isla completamente plat. Esey por tin efecto serio mirando cu ta papia e ora cu hasta aeropuerto lo por cera durante di welga aki. Foto cortesia Live 99 fm

 

  • PDVSA prohibi pa almacena petrolio na Statia debi na debe miyonario

    PDVSA prohibi pa almacena petrolio na Statia debi na debe miyonario

    ORANJESTAD – E compania petrolero Venezolano PDVSA a wordo prohibi pa uza un terminal di almacenahe di e compania NuStar Energy, pa almacena nan petrolio. Tur esaki pa motibo di debe di 26 miyon dollar cu e compania Venezolano tin habri cu e compania Mericano. E suspension a bin ora cu PDVSA a faya un pago pa uzo di e facilidad. Asina e agencia di noticia REUTERS ta informa. “Nos no tin cu carga e ‘carga’ aki’ e vice president di NuStar a bisa. E debe ta data di un aña di pagonan mensual, y e acto aki ta mustra con problemanan financiero y legal ta strobando e operacion di e compania Venezolano. E problema ta cu e compania ta provee petrolio pa su clientenan internacional cu ta genera 90% di e entrada di exportacion.

  • Marlin: St Maarten no ta acepta condicion Hulandes pa fondo pa reconstrui e isla

    Marlin: St Maarten no ta acepta condicion Hulandes pa fondo pa reconstrui e isla

    PHILIPSBURG – Premier William Marlin di Sint-Maarten lo no aproba e dos condicionnan cu Hulanda a pone pa por haya fondo pa recontruccion di e isla, despues di e horcan Irma. Marlin a manda minister demisionario Hulandes Plasterk un carta diabierna ultimo. Asina e partner di NoticiaCla, Caribisch Netwerk ta raporta. Hulanda a duna gobierno di St Maarten te 31 di october pa aproba e condicionnan.

  • Ekstradicion ex minister sospechoso Jamaloodin admisibel

    Ekstradicion ex minister sospechoso Jamaloodin admisibel

    CARACAS - Tribunal Supremo di Venezuela a dicidi dia 4 augustus 2017 cu e peticion pa extradicion di G.R.M.J. Jamaloodin(40) riba peticion di Ministerio Público (OM) di Corsou ta admisibel. Na november 2016 a pidi autoridad Venezolano extradicion di Jamaloodin cu na Corsou ta sospechoso den investigacionnan Germanium, Passaat y Maximus. E extradishon a ser pidi numa na momento cu Ministerio Publico a pidi Jamaloodin pa meld su mes boluntariamente na Corsou. E no a duna oido na e peticion aki.

  • Van Putten a ofrece disculpa pa su declaracion contra militarnan

    Van Putten a ofrece disculpa pa su declaracion contra militarnan

    ORANJESTAD – Politico Clyde van Putten a ofrece su disculpa na habitantenan di Sint-Eustatius pa su declaracionan recien papiando di ‘mata y kima militarnan Hulandes si nan bin St Eustatius. E ta bisa cu e ta tuma ful responsabilidad pa su accion, si e meter aparece dilanti emsa berde. Asina Caribisch Netwerk, partner di NoticiaCla ta raporta. Den su lucha pa mas autonoia pa e comunidad Caribense, e parlamentario siman pasa a declara cu kier ‘kima y mata’ militarnan Hulandes den cayanan di Sint-Eustatius’, si Plasterk manda trupanan pa e isla.

  • Plasterk a denuncia parlamentario van Putten oficialmente

    Plasterk a denuncia parlamentario van Putten oficialmente

    DEN HAAG/ORANJESTAD – Minister di Asuntonan di Reino Hulandes Ronald Plasterk a haci denuncia contra parlamentario Clyde van Putten di St Eustatius. Esaki pasobra van Putten a declara publicamente cu si militarnan Hulandes bin St Eustatius, lo kima y mata nan. Oficina di representacion Hulandes na Aruba a confirma esaki. “E denuncia a wordo haci y ricibi na ministerio public na Bonaire” tabata e reaccion pa NoticiaCla.

  • Preocupacion pa e derame di petrolio di Trinidad y Tobago

    Preocupacion pa e derame di petrolio di Trinidad y Tobago

    PORT OF SPAIN – Tur atencion ta riba e derame di petrolio di e fin di siman aki na Trinidad y Tobago. E instancia local di e isla, ( Environmental Management Authority (EMA) ) a bisa diadomingo cu tin enberdad raportahe di un substancia di petrolio den awanan entre isla Carera y e peninsula di Chaguaramas. E team di EMA a bisa cu nan ta investigando e incidente aki cu ayudo di e Air Guard di e defensa di Trinidad and Tobago. No ta conoci unda e derame aki a origina, ni ken ta responsabel pa e derame.

  • Powered by SETAR