Celebra y sigui gana cu Lions

Celebra y sigui gana cu Lions

Posted on 04/10/2017 12:33 am AST | Updated on 04/10/2017 12:33 am AST

ORANJESTAD - Despues cu luna pasa e promer piedra oficial a ser poni na e Cas di Lions na Jan Flemming, Aruba Lions Club ta sigui cu su campaña di promocion pa rifa di e Cas. Awor nan tin un post nobo riba facebook pa e luna di April. E post nobo aki ta dedica completamente na nos su Mahestad Rey Willem Alexander kende dia 27 April ta celebra su cumpleaños. Publico mester djis like e page, duna un comentario felicitando nos Rey y share esaki. Pa fin di luna di April lo saca e ganado di 5 ticket pa e rifa di e Cas. E Ganador pa luna di maart a keda den persona di Hydeline Chirino di San Nicolas.Riba e potret por mira Hydeline ta ricibiedno su 5 ticketnan for di Lion Magaly Franken, Chairlady di e comision di Rifa y Lion Gerardo Figaroa encarga cu miembrecia y PR. Un recordatorio ta bay pa un y tur pa cumpra e rifa di Cas di Lions na tur Station di Gasolin di Citgo, miembronan di Lions y tambe na oficinanan di loteria rond Aruba.

  • Renaissance Aruba Resort & Casino a celebra reapertura di L.G. Smith’s Steak & Chop House

    Renaissance Aruba Resort & Casino a celebra reapertura di L.G. Smith’s Steak & Chop House

    (ADVERTORIAL)

  • Tur cos cla pa comedia 'Cancel Air' di Pacho Damon e weekend aki na Aruba

    Tur cos cla pa comedia 'Cancel Air' di Pacho Damon e weekend aki na Aruba

    ORANJESTAD - Tur cos cla pa comedia 'Cancel Air' di Pacho Damon e weekend aki na Aruba.  Un comedia caminda un aerolinea Cancel Air ta laga tur hende na caya cu su cancelacion di vuelonan. Un Comedia cu a nace a base di situacion actual den e islanan ABC cu aerolinea local. Hopi harimento cu e pasaheronan cu mester biaha, pero ta keda pega. Discusion di hendenan di tur nacion durante e comedia na aeropuerto ora di biaha. Si abo kier ta parti di e comedia, reserva bo asiento reservando bo ticket na Citgo Blvd y Citgo Esso Ville. E comedia ta diabierna 23 di juni pa 8or PM, diasabra 24 di juni pa 8or PM y 12or Midnight, y tambe diadomingo 25 di juni pa 8or PM. E stoelnan ta limita den Crystal Theater. P'esey reserva bo ticket awe mes pa asina bo hari bay gol. Na Corsou e obra aki ta sold out tras di sold out. Aruba tambe a pasa den mesun situacion cu cancelacion di vuelo.

  • Cruz Cora Aruba a celebra nan fundraiser annual cu fiesta di Bollywood

    Cruz Cora Aruba a celebra nan fundraiser annual cu fiesta di Bollywood

    ORANJESTAD− Diasabra ultimo tabata e tremendo fundraiser anual di Cruz Cora Aruba na Aruba Surfside Marina. E aña aki hopi mas special, ya cu tambe tabata un celebracion di e organisacion su 60 aña di existencia.Cruz Cora Aruba ta hopi agradeci na tur cu a aporta di un manera of otro na e exito di e anochi aki:

  • Comedia ‘Cancel Air’ di Pachi Damon fin di luna na Aruba

    Comedia ‘Cancel Air’ di Pachi Damon fin di luna na Aruba

    ORANJESTAD - Ta falta net dos siman pa asina e comedia di Pachi Damon wordo presenta na Aruba. Esaki ta danki tambe na Renaissance Aruba Resort y Crystal cu Seaport Casino. Un comedia caminda un aerolinea Cancel Air ta laga tur hende na caya cu su cancelacion di vuelonan. Un Comedia cu a nace a base di situacion actual den e islanan ABC cu aerolinea local. Hopi harimento cu e pasaheronan cu mester biaha, pero ta keda pega. Discusion di hendenan di tur nacion durante e comedia na aeropuerto ora di biaha. Si abo kier ta parti di e comedia, reserva bo asiento reservando bo ticket na Citgo Blvd y Citgo Esso Ville. E comedia lo ta diabierna 23 di juni pa 8or PM, Diasabra 24 di juni pa 8or PM y 12or Midnight, y tambe diadomingo 25 di juni pa 8or PM. E stoelnan ta limita den Crystal Theater. P'esey reserva bo ticket awe mes pa asina bo hari bay gol. Na Corsou e obra aki ta sold out tras di sold out. Aruba tambe a pasa den mesun situacion cu cancelacion di vuelo.

  • Edgar Croes ta ganador rifa di cas Aruba Lions

    Edgar Croes ta ganador rifa di cas Aruba Lions

    ORANJESTAD - Awe tardi Aruba Lions Club a saca e ganador di e rifa di e cas. E ganador a resulta Edgar Croes, cu tabatin e number ganador 19269. Pabien na e ganador. 

  • Sorteo pa cas di Lions ta diabierna awor

    Sorteo pa cas di Lions ta diabierna awor

    ORANJESTAD - Sorteo pa e cas di Lions lo ta dia 9 di Juni. Abo tin bo ticket caba, si bo no tin’e ainda pasa awe mes y cumpra un ticket pa solamente Awg 25,-. Diabierna Lions Club Aruba lo anuncia e gran ganador di e cas na Jan Flemming, Santa Cruz. Esaki lo ta e di 59 cas cu Lions Aruba lo rifa pa e pueblo di Aruba. Sra. Chantalle Koolman tabata e ultimo ganador pa luna di Mei y a ricibi 5 ticket pornada y un chens pa gana e cas di Lions. Sra. Koolman a pasa busca su premio cerca Lion Magaly Franken y Lion Gerardo Figaroa.

  • Powered by SETAR