Hulanda a duna St Maarten un AMvRB pa camber di integridad

Hulanda a duna St Maarten un AMvRB pa camber di integridad

Posted on 04/7/2017 11:37 am AST | Updated on 04/7/2017 2:42 pm AST

DEN HAAG – Conseho di Minister di Reino a bay di acuerdo cu minister Plasterk pa duna St Maarten un AMvRB (Algemene Maatregel van Rijks Bestuur) cu tin cu regla e camber di integridad. Esaki tabata premira mirando cu Hulanda a menasa caba cu esaki pa tuma lugar awe. NoticiaCla.com a raporta anteriormente cu prome minister di St Maarten, cu bista riba posibel accion aki, a biaha pa St Maarten pa bringa e accion aki. Lamentablemente esaki no tabata exitoso.

E MEDIDA

Den e proposicion, ta poni cu e camber di integridad lo haya tareanan di supervision y conseho. Elo haci investigacion ora cu tin indicacion cu tin violacion di integridad y ta duna conseho na gobierno di St Maarten con pa atende cu esaki. Entre otro por haci denuncia ora cu ta trata di casonan castigabel. Tambe e ta recomenda e gobierno riba maneho di integridad y ta haci recomendacion. Lesa e mensahe completo di e AMvRB AKI.

  • E nombernan di gabinete Rutte III a keda presenta diabierna

    E nombernan di gabinete Rutte III a keda presenta diabierna

    DEN HAAG – Tur nomber di esnan cu ta forma parti di Gabinete Mark Rutte III ta conoci. NoticiaCla a presenta mayoria di e nombernan, faltando algun. Pero diabierna (awe) Rutte a presenta e lista official despues di a reuni finalmente cu e lidernan di partido cu ta forma parti di e coalicion. Mas probabel, segun e portal nu.nl, e gabinete lo keda presenta dia 26 di october proximo. Mientras cu e nombernan ta conoci, ainda nan mester pasa screening y por nenga nan funcion. Loke ta sigur, ta cu tin 16 minister, y ocho secretarionan di estado reparti den 12 ministerio. Di e ministernan, lo tin 6 presenta pa VVD, 4 pa CDA, 4 pa D66 y 2 pa Christen Unie. Fuente www.nu.nl y ANP.

  • Geschillenregeling pa minister nobo Asuntonan di Reino Hulandes

    Geschillenregeling pa minister nobo Asuntonan di Reino Hulandes

    DEN HAAG — E tema di geschillenregeling pa Reino Hulandes ta keda pa e proximo minister encarga cu Asuntonan di REino y e gabinete HUlandes nobo. Asina e corant di St Maarten, The Daily Herald ta raporta. Segun e minister saliente Ronald Plasterk, e ta considere apropia pa su successor atende cu e asunto aki. Esaki mas probable lo bira Kajsa Ollongren (D66), e actual alcalde di Amsterdam.

  • HARPA ta e prome fundacion Arubiano na Den Haag

    HARPA ta e prome fundacion Arubiano na Den Haag

    DEN HAAG - Diabierna 13 di october 2017 Fundacion Harmonie Arubaanse Participatie (Fundacion HARPA) a bira un realidad. E prome fundacion di studiante Arubiano dirigi door di studiantenan na Hulanda. E directiva di e fundacion ta consisti di 4 studiante y un persona grandi bon conoci den municipio di Den Haag ya cu e persona aki pa hopi aña ta miembro di diferente fundacion na Hulanda. E lo guia e grupo di hoben aki, pero tambe di trata pa tin un integracion entre hoben y nos hende grandinan. Prome cu e fundacion a inicia oficialmente ya e miembro di directiva a tuma contacto cu municipio di Den Haag pa presenta nan mes y splica kico ta e obhetivo di e fundacion. Meta di HARPA ta pa duna e cuidadanonan for di Aruba na Hulanda un cara confiabel y amabel door di stimula nan participacion den e pais y conhuntamente cu nan promove e cultura di Aruba. Pa esaki lo entama tur sorto di actividad concerni pa logra e meta. Nan lo purba di e manera aki pa e studiantenan no solamente topa cu otro, sino realisa varios actividad educativo, social y cultural pa asina duna un aporte na e municipio. Municipio a otorga e fundacion subsidio pa dos di nan programa educativo y cultural. Dia 26 di november 2017 lo tuma e prome evento di Dande Festival na Den Haag. Nan lo purba di promove nos cultura bou di e studiantenan na Hulanda cu e intencion cu studiante y persona mas grandi lo participa na e evento. Fundacion HARPA kier gradici señora Nuris Dabian, coordinadora di Asunto Social y Cultural di Arubahuis, pa su gran apoyo na e hobennan. E ta e persona cu a motiva e grupo di hoben aki pa lanta e fundacion. Riba potret por mira e miembro di directiva cu ta consisti di (di robes pa drechi): Jack Rasmijn (secretario), Astrid Contreras (PR), Saúl Pozo Aldea (Presidente), Brittney Koolman (miembro) y Pierre Jourdain (tesorero). Pa participacion den e Dande Festival na Den Haag por tuma contacto cu e fundacion via nan pagina di facebook Stichting HARPA of manda un mail na stichtingharpa@gmail.com.

  • Gabinete Rutte III su integrantenan nobo ta conoci!

    Gabinete Rutte III su integrantenan nobo ta conoci!

    DEN HAAG – E gabinete nobo di Hulanda, Gabinete Rutte III ta hayando forma. Asina e corant Elsevier ta raporta awe mainta. Nombernan di e proximo ministernan ta birando conoci y ta leak tur dia. Aki dos siman e gabinete completo nobo lo ta riba e asina yama ‘bordes’, cu Rey Willem Alexander.

  • Ex hefe di Hospital Slotervaart dilanti mesa berde pa malversacion

    Ex hefe di Hospital Slotervaart dilanti mesa berde pa malversacion

    AMSTERDAM (ANP) – Ex hefe di e hospital di Amsterdam Slotervaartziekenhuis , esta Aysel Erbudak mester presenta dilanti mesa berde dia 23 di November proximo, pa cargo di sospecho di estafa/malversacion. Erbudak ta partner di conocido comerciante local Richard Visser cu tabata riba lista di partido AVP den e ultimo eleccion. Visser den un entrevista recien cu NoticiaCla, a desmenti tur acusacion contra su pareha, indicando cu ta un ‘set up’ di ex partnernan cu no por soporta Erbudak. “Mi ta tene mi pareha riba un pedestal” Visser a bisa e portal aki den e programa NoticiaCla LIVE e momento ey.

  • St Maarten ta haya ayudo di comision Europeo pa reconstruccion

    St Maarten ta haya ayudo di comision Europeo pa reconstruccion

    PHILLIPSBURG – St Maarten por conta riba ayudo financiero di comision Europeo. Bruselas ta cla pa pone fondo di Union Europeo cla pa St Maarten, tanto e parti Hulandes como Frances. Asina e presidente di Union Europeo Jean Claude Juncker a bisa e presidente di parlamento Europeo Antonio Tajani den un carta. E hecho cu e parti Hulandes tin un otro structura estatal cu esun Frances, oficialmente no por haci un peticion pa e fondo di solidaridad di Union Europeo. Como tal a purba logra placa for di otro forma. Juncker ta di acuerdo cu ambos pais riba un manera igual por wordo sostene cu e reconstruccion di e isla.

  • Powered by SETAR