Usuarionan no ta cumpliendo cu e beach policy nobo

Usuarionan no ta cumpliendo cu e beach policy nobo

Posted on 04/6/2017 4:33 pm AST | Updated on 04/6/2017 5:04 pm AST

ORANJESTAD – E beach policy introduci aña pasa, no a duna su resultado. Por lo menos casi ningun hende ta cumpliendo cu e reglanan ‘nobo’. E siman aki gobierno a topa cu hopi stakeholders cu a informa e titular di husticia Arthur Dowers cu ningun hende ta teniendo nan mes na e reglanan ‘nobo’ di e beach policy. Como tal a dicidi diahuebs mainta cu coleganan minister, y a dicidi cu lo cuminsa actua riba esnan cu no ta cumpli. Lo duna un periodo di dos siman, y despues lo cuminsa controla pa wak ken tur no ta controla y actua contra esaki. “Lo haci un inventarizacion riba tur e palabracionnan haci, ken ta cumpli y ken no ta cumpli y e ora ey lo bay over pa tuma paso pa tur hende cumpli” Dowers a bisa. A duna tur hende 6 luna di transicion y awor nan tin cu cumpli. Si no cumpli, autoridad lo duna nan un prohibicion di loke nan a bin ta haci tur e tempo, y si acaso ta necesario ta yama aden e autoridad policial pa yuda mantene e ordennan cu a wordo duna. “ Si no cumpli voluntariamente, lo tin sancion cu lo bay ta basta pisa pa nan” Dowers a bisa.

  • Siman ta habri sin acuerdo riba programa di gobierno pa coalicion

    Siman ta habri sin acuerdo riba programa di gobierno pa coalicion

    ORANJESTAD – Siman a habri sin cu a logra firma un acuerdo pa loke ta programa di gobierno di e coalicion nobo. “Na e momentonan aki no tin noticia pa meld riba e proceso di formacion, diferente cu locual mi a declara diabierna den Conferencia di Prensa” formador Evelyn Wever Croes a informa prensa diadomingo. “Nos ta den e fase di traha riba e programa y nos mester tuma nos tempo pa esaki. E ta tuma mas tempo cu mi a anticipa y mi ta pidi mi disculpa pa esaki. Pero asina cu mi tin algun novedad, mi ta informa prensa inmediatamente” Wever a sigui bisa.

  • No ta logra firma acuerdo programa di gobernacion awe mas

    No ta logra firma acuerdo programa di gobernacion awe mas

    ORANJESTAD – Negociacion no a termina na tempo pa por a firma un acuerdo di programa di gobernacion diabierna atardi. For di formador Wever, NoticiaCla a compronde cu nan ta ‘bezig’ ainda y cu no por a keda cla. Ta negociando ainda y lo haci esaki te laat te ora cu keda cla. E intencion (manera cu e portal a raporta inicialmente) tabata pa keda cla y pa awe tardi laat firma e acuerdo di e programa. Ta mustra cu esaki por keda cla pa posiblemente diasabra firma esaki. E ora ainda no ta duna pero, kier haci esaki diasabra. Mientrastanto ta trahando tambe riba e reparticion di cartera, pa despues e respectivo partidonan presenta nan candidatonan pa e funcion di minister.

  • Intencion ta pa firma acuerdo di programa di gobernacion awe

    Intencion ta pa firma acuerdo di programa di gobernacion awe

    ORANJESTAD – Tur cos ta mustra cu awe tardi formador Wever Croes lo por firma e acuerdo di programa di gobernacion. Fuentenan cerca di e proceso a mustra NoticiaCla cu e intencion tabata pa awe tardi laat, tin e firmamento. Mientrastanto awe ainda Wever a reuni cu Gobernador Boekhoudt riba e formacion y e avansenan den e proceso.

  • Partido AVP tin su candidatonan pa drenta parlamento!

    Partido AVP tin su candidatonan pa drenta parlamento!

    ORANJESTAD – Partido AVP a presenta su candidatonan pa bay parlamento proximamente. Segun e resultado di eleccion, AVP tin 9 parlamentario cu a opta pa bay den oposicion y laga e otro partidonan cu asiento forma gobierno. Esnan cu ta bay parlamento pa AVP ta Benny Sevinger, Mike de Meza, Arthur Dowers, Richard Arends, Mervin Wyatt Ras, Robert Candelaria, Jennifer Arends, Michael Lampe y Marlon Sneek. Segun Sneek, no a determina ainda si, ken lo bira lider di fraccion e biahe aki. E intencion ta pa dia 27 di october, huramenta e candidatonan.

  • Partidonan MEP, POR y RED a firma 'acuerdo di formacion'

    Partidonan MEP, POR y RED a firma 'acuerdo di formacion'

    AYO - Partidonan MEP, POR y RED a firma e 'acuerdo di formacion' pa un gobierno nobo. A haci esaki simbolicamente na Ayo Rock Formations pa mustra e union solido cu tin entre e partidonan. A haci mencion di tres punto cu ta  1. Bon gobernacion y integridad 2. Finanza Publico balansa y duradero 3 E ser humano central riba diferente area (e.o seguridad/asistencia social/ bienestar economico/ desaroyo sostenibel/ enseñansa di calidad/ cuido di salud y grandinan). No por a duna hopi info riba otro aspectonan manera reparticion di cartera, ya cu tin cu traha e programa di gobernacion prome. Notable tabata e positivismo entre e lidernan pa cu otro. Sosteni pa miembronan di e respectivo partidonan y simpatisante, a firma e prome di varios documento despues. Awor ta sigui e fase di traha e programa di gobernacion, sigui pa e reparticion di cartera. No tin fecha pa e siguiente fase termina. 

  • Lidernan politico di MEP, POR y RED ta firma acuerdo di formacion awe tardi

    Lidernan politico di MEP, POR y RED ta firma acuerdo di formacion awe tardi

    ORANJESTAD – E tres lidernan politico di partido MEP, POR y RED lo firma un acuerdo di formacion na Ayo Rock Formation awe tardi pa 3'or. Lider di partido MEP Evelyn Wever Croes a confirma e informacion mientrastanto pa NoticiaCla. E intencion ta pa tene un conferencia di prensa na e sitio. NOTA: Foto ta di e inicio di e reunion di formacion dialuna atardi. 

  • ULTIMATE
  • BDC2
  • Powered by SETAR