St Maarten ta risca haya instruccion diabierna awor di Hulanda

St Maarten ta risca haya instruccion diabierna awor di Hulanda

Posted on 04/6/2017 8:58 am AST | Updated on 04/6/2017 4:59 pm AST

POND ISLAND—Prome minister di St Maarten William Marlin a reta Hulanda ‘manda tropanan numa’ pa implementa e asina yama ‘camber di integridad’. Asina e corant Daily Herald di St Maarten ta raporta. Marlin a biaha pa Hulanda diaranson pa papia cu gobierno Hulandes na vispera di loke lo por converti su mes den un otro aanwijzing pa e isla. Ta premira cu diabierna durante e conseho di minister di Reino, St Maarten lo haya su instruccion pa no a cumpli cu e orden di Hulanda.

ST MAARTEN NO TA COOPERA

“Bou di ningun circumstancia lo mi coopera cu niun instruccion” Marlin a bisa. “Gobierno (di St Maarten) ta dispuesto y capas di drecha e situacion aki”, e prome minister a sigui bisa. “Si nan ta insisti di duna St Maarten un instruccion, asi sea y laga nan mes manda e tropanan pa implementa e camber di integridad”.

Segun Marlin, e motibo di e ley cu nan kier implementa na St Maarten, ta pasobra ta consnidera e isla como un isla corupto, y cu baho mundo y e otro mundo ta den conflicto cu otro”. Marlin kier pa Hulanda wak nan situacion prome cu nan bin pone ordo na St Maarten.

  • Corte: No ta divulga nomber di agentenan envolucra cu morto Mitch Henriquez

    Corte: No ta divulga nomber di agentenan envolucra cu morto Mitch Henriquez

    DEN HAAG - Hues na Den Haag awe a dicidi cu e nomber di e 5 agentenan policial envolvi den detencion di e Arubiano Mitch Henriquez (dfm) lo no bira publico pa e famianan di e defunto. Asina e portal Hulandes nu.nl ta raporta. E peticion a keda rechasa fin di maart ultimo tambe. Segun e portal, e famianan di Henriquez kier sa e nombernan pasobra nan kier yama nan como testigo den un asina yama 'caso di testigo' den preparacion pa un caso civil. E hues a bisa cu a rechasa esaki pasobra den pasado recien di un caso sumario tambe a rechasa e caso e tempo ey. "Pa medio di un huez provisor no por bringa un decision di un otro hues". 

  • Herbert Domacassé miembro nobo CFT pa BES eilanden

    Herbert Domacassé miembro nobo CFT pa BES eilanden

    DEN HAAG/ KRALENDIJK - Ex gezaghebber di Bonaire Herbert F. Domacassé, a keda apunta diabierna ultimo pa Rijks Ministerraad como miembro di CFT pa BES Eilanden. E funcion ta drenta na vigor entrante 1 di juli awor. Cu esaki e ta reemplasa  Hyden Gittens cu a entrega retiro recientemente. Domacasse ta conocido bankero tambe y minister di trafico y comunicacion den constelacion Antiano. Foto cortesia Bonaire.nu

  • Discusion grandi na IPKO tocante Venezuela

    Discusion grandi na IPKO tocante Venezuela

    DEN HAAG – Cu aumento di e tension na Venezuela e presion riba e comunidadnan na y islanan di Antia tambe ta subi. Diaranson riba e prome dia di IPKO (Deliberacionnan Interparlamentario di Reino) na Hulanda tambe tencionan a aumenta, especialmente relata na e papel cu Reino ta hunga den e problematica di refugiado for di Venezuela.

  • Schippers: Gabinete VVD, CDA, D66 y Christen Unie unico opcion

    Schippers: Gabinete VVD, CDA, D66 y Christen Unie unico opcion

    DEN HAAG – Un gabinete di VVD, CDA, D66 y ChristenUnie ta e unico opcion serio. Segun e corant Hulandes Telegraaf, asina informado Schippers a declara despues di su combersacion cu 8 lider politico. E combersacionnan di dialuna a resulta den un proposicion nobo di D66. Mas di 8 siman despues di e ultimo eleccion, ainda partidonan no por haya otro pa forma e proximo gobernacion Hulandes. Recientemente Schippers a entrega e batuta ya cu e prome intento pa un gabinete amplio a fracasa. Foto ANP. 

  • Formacion di un gobierno nobo di Hulanda a pega

    Formacion di un gobierno nobo di Hulanda a pega

    DEN HAAG – Formacion di gobierno Hulandes nobo a pega. Asina informado Edith Schippers, a informa awe despues di a purba pa 7 siman pa forma un gabinete entre partidonan VVD, CDA, D66 y GroenLinks. “E no a logra. E topico migracion a resulta un barera mucho grandi” Schippers a bisa. “Simplemente elo no logra”. A resulta cu e diferencia entre e 4 partidonan ta simplemente mucho grandi. Awor Schippers lo entrega su tarea bek na presidente di Tweede Kamer. Contrario na nos islanan, a saca formacion di gobierno for di man di Rey.

  • Rapport positivo pa Aruba riba ehecucion proyectonan FDA

    Rapport positivo pa Aruba riba ehecucion proyectonan FDA

    DEN HAAG – Hulanda ta satisfecho y positivo riba e proyectonan cu Fondo Desaroyo Aruba a efectua. Esey tabata e conclusion mas importante den e rapport final di evaluacion di FDA cu a keda presenta awe mainta na Den Haag, Hulanda na minister Hulandes Ronald Plasterk y minister di finanza di Aruba, Angel Bermudez, cu ta na Hulanda pa un bishita di trabou. Segun e rapport, riba tereno di gobernacion, enseñansa y husticia, tin bistanan positivo y Aruba a presta miho cu otro islanan Caribense.

  • Powered by SETAR