ORANJESTAD - E Walk & Run di Nature’s Discount diadomingo awo ta mustra di lo ta un exito total cu un cantidad grandi di participante. Interesante ta cu varios compania manera PriceSmart, APA, APFA, Elmar, Boogaard y diferente mas a inscribi pa participa. A keda solamente algun luga pa inscribi y si abo kier participa Nature’s Discount ta corda bo pa pura lihe.
Nature’s Discount Walk & Run cu lo tuma lugar 9 April 2017, 6or di mainta cu dos ruta, un di 5KM y un di 10KM. Lo tin mas di Fls. 4000,- na premio cash pa e ganado nan di ambos distancia den tanto e categoria di hende muhe como hende homber! Tambe lo rifa diferente doorprizes y tin medaya pa tur esnan cu participa. E caminata lo sali for di parkinglot di Nature’s Discount Palm Beach, net banda di Citgo Palm Beach pa 6or di mainta.
Pa participa por inscribi via di http://www.naturesdiscountrun.com of na sucursalnan di Nature’s Discount na Seroe Blanco, Palm Beach of Pos Chikito. Inscripcion ta costa Fls. 25.00 y ta inclui un BIB cu tracker pa midi bo tempo, Dri-Fit shirt, goodie bag cu diferente articulonan promocional, fruta despues di e caminata y awa durante e evento.
Nature's Discount hunto cu Rene Wild, Julie-Julie, 297 Runners, Aruba Medical Assistance ta extende un invitacion na e publico en general pa participa y forma parti di e tremendo evento aki.
ORANJESTAD - Durante una conferencia di prensa na Aruba Bank, e institucion financiero a anuncia e fechanan di e evento di walk and run mas grandi, patrocina pa un banco, den nos comunidad. E di 18 edicion di “Aruba Bank Walk & Run 2024”a wordo anuncia cu e lema “Feel The Heartbeat”, conhuntamente cu partners Subway, y IBiSA. Aruba Bank Walk & Run ta dianan 20, 21, 22 y 23 di mei.
ORANJESTAD: Riba diasabra 23 di maart ultimo, diferente “dojo” (scol di karate) a participa na e campeonato “Aruba Dushi Tera Karate 2024” organisa pa Aruba Karate Bond. Presidente di Aruba Karate Bond, “sensei” Gustavo Velazquez y directiva, ta felicita tur atleta, instructor y mayor cu tabata presente pa apoya e competencia. Igualmente ta gradici e publico cu tabata presente.
ORANJESTAD – Hungadornan Arubiano di beach tennis e fin di siman aki a bolbe resalta den e deporte. E di dos edicion di Beach Tennis Cup a tuma lugar e fin di siman aki na Bonaire unda cu 80 ekipo cu 160 hungador a participa.
SANTO DOMINGO – Seleccion di futbol di Republica Dominicano a gana e seleccion nacional di Aruba den un wega amistoso den fin di siman, cu score di 2-0. Awor nan ta prepara pa biaha pa Lima, Peru pa e siguiente encuentro. E wega mientrastanto di diasabra a cuminsa 6’or di atardi, den e stadion Cibao FC, naSantiago. E golnan tabata di Michael Sambataro, na di 60 minuut di e partido, y Erick Japa na di 83 minuut di e partido.
SANTO DOMINGO – Seleccion di futbol di Aruba ta hunga contra Republica Dominicano diasabra awor. Esaki ta pa preparacion pa e Liga di Nacionan di Confederacion CONCACAF, den e liga B. Mayan diasabra 23 dimaart, Aruba ta hunga den stadion los Cibao FC, na Santiago de los Caballeros y dia 26 nan ta hunga atrobe pero contra Peru, den e capital Lima.
ABU DHABI – Coredo di auto di careda Spaño Carlos Sainz no ta participa na e Grand Prix di Arabia Saudita e fin di siman aki. E tin cu opera appendicitis. E lo keda reemplaza cu e reserva Oliver Bearman cerca Scuderia Ferrari. Siman pasa Ferrari tabata bon den e careda y tabata spera mesun cos e fin di siman aki. Bearman ta un prospecto nobato.