Izaline Calister lo haci ‘De Lulverhalen’ un evento hopi diverso cu su toke Caribense

Izaline Calister lo haci ‘De Lulverhalen’ un evento hopi diverso cu su toke Caribense

Posted on 04/4/2017 9:48 pm AST | Updated on 04/4/2017 10:45 pm AST

ORANJESTAD – Conocido cantante Izaline Calister lo percura pa haci ‘De Lulverhalen’ un evento hopi diverso cu su toke Caribense. Hunto cu e otro personahenan, e tambe lo bay t'ey, hunto cu comediantenan Howard Komproe, Jetty Mathurin y Everon Jackson Hooi, den e Caribbean Edition di "De Lulverhalen", diasabra awo, diabierna awor 7 di april den Cas di Cultura. E artistanan lo bay t'ey dunando e publico loke nan tin mester: yen di diversion. De Lulverhalen lo bay bin cu su toke di humor masculino, formando asina un formula gigantesco cu ta garantisa un anochi fabuloso di diversion.

Izaline tin hopi amistad na Aruba y E ta pensa hopi riba e calor y hopi harimento. Cu Lulverhalen, ela splica cu e tabata hopi entusiasma di ta participando, pero na e mesun momento, e ta haye un tiki eng. Pasobra nunca el a wordo pidi pa haci algo cu no tin di haber cu cantamento. Pero na alaves, e ta haye exitante. E ta un reto.  Un sorpresa, ta loke Izaline a bisa, di loke tin cu spera for di Lulverhalen. Unabes cu e telon habri, por mira 4 talento peculiar cu lo wordo uni den un solo anochi. Cada un ta bon den loke e por. Tur ta conta su propio storia riba su propio manera y riba e anochi aki, e audiencia ta haya di tur: De Lulverhalen.

 

  • EXPO Artistico “Cover your World” awe tardi na Willem III Toren

    EXPO Artistico  “Cover your World” awe tardi na Willem III Toren

    (ADVERTORIAL)

  • Fundacion Watty Vos ta recorda fecha di natalicio Watty Vos

    Fundacion Watty Vos ta recorda fecha di natalicio Watty Vos

    ORANJESTAD - 80 aña pasa, pa ser exacto 16 di augustus 1937, na Weststraat 16 den Rancho e bario di piscadornan di Playa, a mira luz di dia sr. Edgar Joaquin Vos mihor conoci como Watty. Su persona tabata e di cuatro for di cinco yiu di e pareha Salomon y Genoveva Vos-Tromp. Como studiante Watty a bay St. Dominicus College na cual scol ela haña su MULO- diploma, tambe e tabata tin diploma di adjunct- commies y abogado. Ela casa cu Tibisay Ureña di cual union a nace 2 yiu, Edgar y Sally. 

  • Setar: Obranan di arte di nos muchanan ta na Willem III toren

    Setar: Obranan di arte di nos muchanan ta na Willem III toren

    ORANJESTAD - E siman aki ta e siman final di e competencia di arte riba covernan di Telefon Cellular cu SETAR a organisa pa e temporada di vakantie durante cual muchanan den un manera di entretene nan mes por a crea un smartphone cover artistico y participa pa gana diferente premio te na e total di  Afl. 1500,-.

  • E di 4 edicion Aruba Love Festival cu 19 DJ internacional

    E di 4 edicion Aruba Love Festival cu 19 DJ internacional

    ORANJESTAD – E di 4 edicion di Aruba Love Festival ta prome siman di november. Asina organisadornan hunto cu Aruba Tourism Authority y patrocinadornan a informa diabierna ultimo. Segun e organisadornan, den su di cuater edicion, Love Festival ta crece atrobe y ta comberti den un festival di bon musica, bon energia y bon experencianan durante un total di cinco dia den luna di november proximo.

  • Mas di 150 pareha a renoba nan matrimonio riba Eagle Beach

    Mas di 150 pareha a renoba nan matrimonio riba Eagle Beach

    EAGLE BEACH – Mas di 150 pareha internacional a renoba nan matrimonio diamars dilanti otro riba Eagle Beach. E ta considera como e renobacion di matrimonio mas grandi DI Caribe. Di partid y Aruba Tourism Authority cu tabata responsabel pa e evento grandi aki, nan a bisa cu nan tabata “hopi orguyoso di e ekipo di ATA y tur otro cu a haci di ayera tardi un evento magico” CEO di ATA Ronella Tjin A Sjoe a a declara. “Bunita pa mira con e concepto/idea a cristalisa den exito. Mas cu claro e cobertura pa Aruba ta sigui” Tjin Asjoe a finalisa bisando. E evento a wordo propaga internacionalmente, te hasta riba canal di television FOX NEWS, unda cu a recrea un tipo di beach riba Timesquare na New York luna pasa. E invitacion tabata pa e parehanan cu ta coincidentalmente na Aruba pa nan vacacion, participa den esaki. Foto cortesia Ronella Tjin Asjoe

  • Ha’bon Aruba a expresa su sosten na Cas Speransa

    Ha’bon Aruba a expresa su sosten na Cas Speransa

    ORANJESTAD - Diabierna e compania HA’BON a tuma e oportunidad pa haci un bishista na CAS SPERANSA pa asina conoce un poco mas tocante e proyecto aki cu a capta atencion. Cas Speransa ta un proyecto bou di e capa di HopeAruba Foundation cu ta brinda oportunidad na esnan den adiccion. Esaki ta encera un curiculo / programa formalisa cu ta inclui agricultura como tambe e aspecto spiritual. Pa mustra Ha’Bon su aporte na un iniciativa asina, Naline Heilbron di Ha’Bon - a haci entrega di 200 habon na e fundacion. Representate di Stichting Trampolin,….. cu ta un fundacion cu ta yuda esnan cu limitacion pa haya trabou, tambe tawata presente – Stichting Trampolin ta hunga un rol hopi importante den e produccion di HA’BON. E productonan di HA’BON ta wordo produci y ensambla cu asistencia di personanan cu limitacion, asina brindando oportunidad pa trabou y demostrando cu personanan cu limitacion tambe por ta productivo den comunidad.

  • NoticiaCla Ad
  • Powered by SETAR