- Kes the Band di Trinidad confirma pa Flip Flop Festival na juni!
- DVG: A cuminsa hospitalisa hende localmente infecta cu Dengue
- Minister na Merca ta lobby cu banconan pa fia 160 miyon dollar
- Hulanda dispuesto pa yuda paisnan den Caribe cu asunto di refugiadonan
- WEB Aruba ta firma acuerdo cu Seven Seas Water Group pa construi planta SWRO-3
Howard Komproe, Izaline Calister Jetty Mathurin, Everon Jackson Hooi y lo ta den Cas di Cultura Diabierna awor!
ORANJESTAD - Despues di e edicionnan na 2013, 2015 y 2016 sold out na Corsou y tambe na Aruba, e anochi di comedia De Lulverhalen lo ta bek den Cas di Cultura. E biaha aki lo ta bay di un version hopi peculiar: The Caribbean Edition! Bou di guia di Howard Komproe, diabierna 7 di april, Jetty Mathurin, Everon Jackson Hooi y Izaline Calister lo ta riba stage di Cas di Cultura, pa 8’or di anochi.
De “Lul verhalen” ta un anochi yena cu diversion, pero tambe tin espacio pa esnan sensitivo. Despues di tur e monologonan di vagina, e organisador, Howard Komproe ta haya cu ta tempo pa scucha e parti masculino. En todo caso, Lul Verhalen no solamente ta conoci pa tin e toke di humor di e ser masculino, pero ta un formula gigantesco cu tambe ta garantisa pa un anochi fabuloso di diversion.
Howard Komproe ta un stand-up comedian Hulandes di origen Surinameño. Despues di scol di teatro, ela cuminsa como stand-up comedian y rapidamente a forma parti di e grupo Comedytrain.
Hunto cu Jandino Asporaat, Murth Mossel, Roue Verveer, a forma parti di e Caribbean Combo. Ya varios biaha a presenta riba escenarionan na Corsou, caminda cu hendenan tabata hari te lora abou.
Jetty Mathurin ta un cabaretiere Hulandes, presentadora y actris di origen Surinameño. Un di su personahenan ta Taante, un personahe caminda cu desde 1985 e ta riba stage. Banda di produccionnan teatral, Mathurin ta conoci pa e programa Ranking the Stars y papelnan den e serienan di television manera Keyzer & De Boer, Lijn32 y NoordZuid.
Everon Jackson Hooi ta un actor Hulandes di origen Curasoleño. Principalmente e ta conoci pa su rol vast como Bing den e serie Hulandes Goede Tijden, Slecthe Tijden y tambe como Ciro, dene serie Hulandes, De Erfenis.
Izaline Calister ta un cantante Hulandes di origen Curasoleño. Ela gana na 2009, e prestiogoso Edison Award y ta conoci pa su musica unico cu ta consisti for di un combinacion di musica tradicional Curasoleño y Jazz. Calister a saca 8 album y a presenta door di henter Europa, Indonesia, Merca y Sur America.
Carchinan ta disponibel na Superfood y na Plaza Bookshop.
Kes the Band di Trinidad confirma pa Flip Flop Festival na juni!
ORANJESTAD – E banda popular di Trinidad Kes the Band ta confirma pa presenta durante e proximo edicion di Flip Flop Festival dia 1 di juni proximo. Durante un conferencia di prensa diahuebs atardi, organisadornan a anuncia esaki, como un di e varios bandanan internacional cu lo ta presente durante e anochi aki. E intencion ta pa dentro di 2 siman presenta demas artistanan internacional tambe. E evento lo tuma lugar riba Bushiri Beach, y lo ta parti den varios seccion. A cuminsa bende carchi caba awe unda cu e prome cantidad di carchi ta bay na 45 florin estilo ‘early bird’ pa tempo limita. Flip Flop Festival ta un producto di cerbez Chill, y Brouwerij Balashi hunto cu Tropical Bottling Company su productonan Coca Cola y Bacardi. Fuera di e artistanan internacional, lo tin artistanan local manera e.o. Tsunami.
Video: Con a yega na titulo di documentario ‘I can’t be moe’ ?
ORANJESTAD – Diabierna awor tin estreno di e documentario localmente produci titula ‘I can’t be moe’. Un documentario unda cu e productor ta sigui e bida di e conocido personahe local Alice van Romondt durante 2 aña. Pregunta ta, con a yega na e titulo asina ‘captivo’, un combinacion di Ingles y Hulandes y con esaki a yega pa bira e titulo di e documentario. Tanto e productor Rebecca Roos, como e suheto di e documentario, Alice van Romondt a splica esaki den e programa Noticiacla LIVE diamars anochi. E documentario ta pasa diabierna anochi 19 di april pa 8'or di anochi den Cas di Cultura y ta costa 25 florin pa entrada.
Carlos Bislip cu concierto gratis di JAM riba Dia Mundial di Jazz
ORANJESTAD – Manera a bira conoci caba, sigur anto pa tur amante di e genero musical aki, luna di april ta celebra mundialmente e aprecio pa jazz. Un di su promotor y exponentenan di mas grandi riba nos isla, esta e maestro di percusion Carlos Bislip a sa di prepara, un biaha mas, un merecido celebracion.
Aruba One Happy Island Lions Club y Friends of Lions a yuda mas di 500 personaden necesidad
ORANJESTAD - Recientemente Fundacion Aruba One Happy Island Lions Club hunto cu Friends of Lions a organisa e prome “Tayo riba Mesa”, pa aña 2024. Esaki ta un proyecto den cuadro di e programa di Lions International “Hunger Relief”, caminda danki na e sosten di comunidad y Friends of Lions ta yuda famianan den necesidad.
Conocido musico Ivan Jansen reconoci pa su ’contribucion na herencia cultural di Aruba’
ORANJESTAD - Diaranson anochi na Cas di Cultura, Minister Maduro di den nomber di Gobierno di Aruba, presenta un reconocemento na sr. Ivan Jansen pa su contribucion significante na e herencia cultural musical di Aruba. Segun e mandatario, den e documental presenta riba Jansen, nos ta cera conoci cu e musico Ivan hopi mas di acerca, ya e ta bay comparti su historia di su carera musical, su conocemento, produccionnan, su contribucionnan na diferente musiconan/artistanan local, alabes su logronan local y internacional y e retonan cu ela encontra durante su carera musical E mandatario a repasa e CV impresionante di e musico tambe, indicando cu Ivan no ta solamente un musico, un guitarista clasico y di jazz, sino tambe e ta productor, compositor, areglista, educador, lider di banda y empresario. “Nos ta sinti nos orguyoso di un video documental contando historia di un Arubiano y produci door di nos mes yiunan di tera. Cu e iniciativa di Ivan aki por inspira mas persona cu tin un historia pa conta, pa traha un documental. Asina nos por laga e historia atras pa generacionnan cu ta bini despues di nos” e mandatario a bisa entre otro.
Conocido ciudadano Alice van Romondt ta enfoke principal di un documentario nobo
ORANJESTAD – Conocido ciudadano di Aruba Alice van Romondt, ta bira e centro di atencion durante un documentario largo metrahe di e productor di cine Rebecca Roos cu lo ta visible durante e di 10 edicion di Curaçao Internacional Film Festival e siman aki. E documentario, titula “ I can’t be moe; Alice van Romondt (I can’t be tired)” ta keda present ana Corsou entre dianan. 12 y 14 di April. Un siman despues, lo estrena e pelicula akin a Cas di Cultura. Prome cu e estreno na Aruba tin oportunidad unico di wak un exposicion di un seleccion di Alice su collecion priva di arte den e sala di expo di Cas di Cultura for di 6:30 PM.
Follow NoticiaCla
