- Gotopo: Prolongacion di cierre frontera cu Venezuela ta un medida absurdo
- Ultimatum pa dicidi riba suma cu radionan mester paga DUCAPRO tur luna, a vence sin resultado
- Inflacion ta mas abou na Boneiru, mas halto na Sint Eustatius y Saba
- Gobierno Hulandes ta evaluando pa stop su paginanan riba Facebook
- Travel& Leisure: Aruba ta top lista di 10 resortnan all-inclusive den Caribe
Caracas lo haya solucion pa escasez di gasolin, pero no resto di Venezuela
CARACAS – Lo resolve e problema di gasolin na Caracas y algun area rondona, cu ta constela ‘Gran Caracas’, pero resto di e pais lo sigui sinti e escasez. Asina coordinadora nacional di hende di petroleo, Beatriz García Armas, a bisa. Segun García, citando fuentenan confiabel, tres bapor carga cu gasolin a yega e planta de distribucion di Carenero (Miranda) cu lo manda gasolin pa e asina yama surtidero di Guatire pa mitiga e situacion di escasez di gasolin na Caracas y e estadonan central te na Lara. Sinembargo ela bisa cu e resto di e pais lo keda afecta. “Ta dos barco chikito y uno grandi cu lo yuda pa awor, pero no ta pa soluciona e falta di gasolin den henter e pais”, García a bisa.
RENTABILIDAD DI REFINERIA
E problema ta cu e rentabilidad di e refineria ta malo y ta genera un aumento di plantanan para pa falta di mantencion. Como tal mester importa gasolin, perde e mercado di producto refina, y aumenta e posibilidad di accidente, provocando daño na e instalacionnan, e comunidad y medio ambiente. PDVSA tin capacidad pa refina 1.3 miyon di tonelada di crudo, y transforma esaki den gasolin of otro producto di calidad halto. Lamentablemente e refinerianan ta operando na mitar forsa, manera e Centro de Refinación Paraguaná, na Falcón (Cardón y Amuay), y e Refinería di Puerto La Cruz, Anzoátegui; y otro manera El Palito, situa na Carabobo, ta completamente para segun e experto. E instalacion na Cardón ta genera apenas 65 mil bari di gasolin pa dia, y esun di Puerto La Cruz ta produci apenas 25 mil di gasolin y 80 mil di diesel. Mientrastanto El Palito tin 8 luna sin produci gasolin of diesel. Fuera di e problema ey, e tankinan pa warda e productonan petrolero ta den mal condicion. Nan tin 2000 tanki, pero solamente 600 ta operacional. Foto cortesia El Estimulo. Informacion cortesia: Prensa Unidad Venezuela
Gotopo: Prolongacion di cierre frontera cu Venezuela ta un medida absurdo
CARACAS – E medida di prolongacion di ciere di frontera cu Venezuela, door di gobierno di Aruba, ta un medida totalmente absurdo. Asina e vice presidente di La Camara de Comercio y Turismo de La Vela de Coro, Juan Gotopo a bisa Noticiacla diahuebs mainta. Manera ta conoci Aruba a dicidi dialuna atrobe pa prolonga e ciere aki cu 4 luna. “E medida di ciere di frontera tuma pa e gobierno di Aruba, ta parce nos un medida totalmente absurdo, ilogica y sin sinti”, Gotopo a sigui bisa. Segun Gotopo, si pone e asunto den balansa, e ta bay contra e interes di e propio Arubianonan.
Inflacion ta mas abou na Boneiru, mas halto na Sint Eustatius y Saba
KRALENDIJK - Den e promé kuartal di 2024, produkto- i servisionan di konsumo na Boneiru tabata 3,5 % mas karu ku e aña anterior. Den e di kuater kuartal di 2023 inflashon ainda tabata 4,1 porshento. CBS ta indiká esaki a base di e índise di prèis pa konsumidó na Hulanda Karibense.
St. Maarten tambe ta boga pa saca formashon di gobierno for di man di gobernador
W’STAD/PHILIPSBURG - Formashon di gobièrnu inkluso nombramentu di minister mester ta den man di parlamento i no di gobernadó, meskos ku ta e kaso na Hulanda. Asina presidente di parlamento di St. Maarten, Sarah Wescot-Williams a trese dilanti durante un konferensia di prensa. A yama e konferensia di prensa riba preokupashon ku ta biba na St. Maarten riba proseso di screening i nombramentu di minister.
Fin di siman aki gobierno nobo di St Maarten ta huramenta porfin
PHILIPSBURG-. Porfin tin un fecha tentativo pa e gobièrnu nobo di St. Maarten hura i asina tuma asiento. Esaki ta djaweps 25 aprel awor loke ta 2 siman lat ku formadó, Luc Mercelina a spera.
Gobierno Hulandes ta investigando su embahador na Colombia
DEN HAAG – Minister demisionario di relacionan exterior Bruins Slot (Buitenlandse Zaken) ta bay investiga si su embahador na Colombia Reina Buijs a surpasa su autoridad door di firma un documento sosteniendo e organisacion di Nacionan Uni UNRWA. E organisacion aki ta bou di presion internacional pa supuesto envolvimento di colabodornan di e organisacion den e atake di terror na Hamas aña pasa October. Merca y Hulanda a congela e sosten financiero na e organisacion aki te proximo aviso.
St Eustatius ta haya gezaghebber femenino Alida Francis
ORANJESTAD -- E siman aki señora Alida Francis a huramenta como gezaghebber nobo di Sint Eustatius. Pa prome biaha den historia di e isla un hende muhe ta gezaghebber.
Follow NoticiaCla
