ORANJESTAD - Pa mas o menos 11or Central di Polis ta haya un yamada bisando cu dos turista riba e hanchi meymey di Rio y Hyatt a cab’i wordo atraca. Na yegada di patruya, e pareha turista Hulandes, ta conta cu canando un homber ta sali riba nan cu un arma di candela y no a papia, pero tabata mustra riba nan y fula nan saconan y nan a spanta y dun'e placa, mas o menos $130,--, paki cigaria y e renchi zilver di e señora turista. E sospechoso ta tin bisti flanel blanco, carson preto y jacket preto bisti. Color di cuero bruin y no ta tin cara tapa. A hiba e turistanan na oficina di strandpolitie y eynan Atraco Team ta warda nan y tuma e caso over. Slachtofferhulp tambe a presenta pa asina asisti e turistanan.
Un rato despues pa mas o menos 23:30 ta drenta un otro yamada na Central di Polis bisando cu na altura di Tamarijn y Divi Links un intento di atraco a tuma luga riba dos tirista Mericano. Na yegada di patruya nan ta conta cu un rato prome band'i Tamarijn y Divi Links un auto color blanco a para y un homber a baha for di e auto y a saca un arma di candela y a purba di bay cu e tas, pero no a logra. Y e homber cu mes un descripcion cu un rato prome lo a subi e auto bek y a bandona e sitio. Diferente patruya a cuminsa cu e buskeda di e auto aki .
Atraco Team a tuma e caso tambe over y slachtoffer hulp a presenta tambe pa asina atende cu e turistanan .
Ken cu por a wak please yama tiplijn di polis cu ta 11141.
PITTSBURGH - Pa mehora e habilidad riba e crimen cibernetico y fortalese e lasonan cu diferente departamentonan investigativo, commisario di polis Robert Candelario hunto cu diferente coleganan den region a forma parti di e congreso “ Disruption 2024” cu a tuma lugar na Pittsburgh Pennsylvania na Merca.
ORANJESTAD - Ayera durante oranan di merdia Wardacosta a bai cu un boto local na e punto di sosten di Wardacosta pa un control abordo. Durante di e control riba e boto dor di e agentenan di Wardacosta y e K-9 unit di Cuerpo Policial di Aruba, a bin encontra diferente pakete cu droga aden. En total a haya 237 kilo di droga di cual 57 kilo marihuana y 180 kilo cocaina. E droga y e dos hombernan, di cual unu local y unu Venezolano a keda entrega na Cuerpo Policial di Aruba.
ORANJESTAD – Diasabra atardi, Aruba a conoce su di 3 morto di trafico pa 2024. Segun informe oficial di polis, awe despues di 4’or atardi Central di Polis a dirigi patruya di Noord, ambulance y cu maximo urgencia pa un accidente pisa na altura di e supermercado NG y e restaurant Yen Yen situa na Kamay. Na yegada di e prome unidad a mira dos auto involucra den e accident. Un auto marca Nissan, modelo almera color shinishi numera A-24490 y un Honda, modelo CRV, color cora numera A-52927.
ORANJESTAD - Den ora nan di atardi, Centro Operacional Maritimo (MOC) di Wardacosta, a ricibi un mensahe pidiendo asistencia medico. Ta trata di un pasahero Aleman di 66 aña di edad riba un barco crucero, biniendo for di dirección nort di Aruba. Inmediatamente a tuma contacto cu doctor na warda di CITRO, cu a constata (despues di a evalua e situacion cu e team di medico riba barco) cu ta trata di un atake (stroke). Inmediatamente a manda e helicopter pa evacua e persona. Miembro nan di ambulance a ricibi e pasahero na Queen Beatrix International Airport i a hiba e turista hospital, pa ricibi tratamento medico.
ORANJESTAD - Wardacosta ta informa doñonan di boto y seadoo pa tene cuenta pa nan tin nan documentonan valido a bordo cual ta, ‘vaarvergunning’ y ‘vaarbewijs’ di e capitán. Zorg pa tin vest di salbabida pa tur tripulacion y pasahero abordo; no por bai ku dimas pasahero abordo di e boto pa evita situacion peligroso.