Aruba implica den escandalo di Panama Papers

Aruba implica den escandalo di Panama Papers

Posted on 03/20/2017 9:47 pm AST | Updated on 03/20/2017 9:54 pm AST

ORANJESTAD/MIAMI/PANAMA – Un aña despues cu e escandalo di Panama Papers a sali, Aruba su nomber ta implica den e escandalo localmente. E corant mericano Miami Herald awe a elabora riba un eskema cu ta implica dos arubiano (E. Koolman y E.Koolman) y e compania di telecomunicacion local Setar. Revela pa e documentonan di Panama, ta trata di un ‘deal entre Aruba y e deposito nan na Doral, Miami, y e haf di Panama. Tur esaki segun documentonan di corte cu a keda entrega na corte federal di Miami.

SETAR

E raportahe ta menciona nomber di e trahado di e compania nacional di telecomunicacion, cu tabatin como ‘trabou’ di e scam, pa cumpra telefon di proveedornan rond di mundo pa Setar por bende esaki despues na su clientenan. Segun e corant mericano, Setar ta bisa cu e trahado a defrauda e cliente di decenas di miyon di dollar door di acepta soborno di proveedornan di telefon celular na parti sur di Florida, cu tabata haya contracto na prijs aumenta. Miami Herald, Setar ta demandando Koolman, su ex casa y e ex proveedornan pa miyones pa daño, afirmando e soborno, fix destaho, y fraude. Addicionalmente, segun e corant mericano, algun di e telefonan cumpra pa e trahado, tabatin fayo, y tabata inclui aplicacionan pornografico, den e telefon, cu sigur no tabata positivo pa e compania di telecomunicacion. SETAR, segun e relato, lo a haya sa di e situacion, solamente despues cu el a sali den Panama Papers, segun e caso den Corte.

IMPLICACION MAS ALEW PA ARUBA

No ta conoci ki implicacion mas e caso aki tin pa Aruba. Intento pa comunica cu gerencia di Setar no tabata exitoso te ainda. No ta descarta cu por tin repercusion pa e trahado, aki na Aruba mes. Tempo lo bisa.

 

  • Ruman muher: Wesonan haya por ta di Robyn Gardner cu tambe a perde na Aruba

    Ruman muher: Wesonan haya por ta di Robyn Gardner cu tambe a perde na Aruba

    MARYLAND – Despues cu wesonan haya recientemente a keda proba di no ta di Natalee Holloway, awor ta parce cu nan por ta di un otro dama cu tambe a perde na Aruba. E por ta di e Mericano Robyn Gardner cu a perde na 2011. E ruman muher Danielle Colson-Unglesbee, a bisa cu elo entrega su DNA pa test si e ta ‘match’ e DNA riba e wesonan haya. Asina e la bisa e corant Huffington Post. Gardner tabatin 35 aña ora cu ela perde na 2011 durante su vacacion na Aruba. E homber a cay cera na Aruba pa un tempo, pero despues a wordo laga liber. Gardner, mescos cu Natalee Holloway, a perde durante su vacacion na Aruba. E tabata e di dos Mericano cu ta perde den un periodo di 6 aña di tempo.

  • Aruba tambe na U.N. pa asiento Reino Hulandes pa Derecho Humano

    Aruba tambe na U.N. pa asiento Reino Hulandes pa Derecho Humano

    NEW YORK – Aruba ta formando parti di e delegacion di Reino Hulandes na New York awe, specificamente na Nacionan Uni presente den e eleccion di ‘General Assembly’ pa e asientonan di Human rights Council. Pa Aruba tin Rene Herde (AVP), Corsou Giselle Mc Williams, mientras cu Hulanda y islanan BES tambe tin nan representantenan. St Maarten su representante lo yega diahuebs. Foto cortesia Giselle McWilliams. 

  • Kolowski: Wesonan haya na Aruba no ta di Natalee Holloway

    Kolowski: Wesonan haya na Aruba no ta di Natalee Holloway

    ALABAMA – Fragmento di wesonan human haya na Aruba, sospecha di ta di Natalee Holloway, a resulta no ta di dje. Asina e scientifico forensico Jason Kolowski a bisa den e canal di television Oxygen dialuna anochi. E testnan a bolbe negativo. No solamente esey, pero e wesonan no tabata humano tampoco. Algo cu autoridad di Aruba a confirma na NoticiaCla for di un principio. “For di e cuater muestranan di weso individual, solamente uno tabata humano. Pero e no a coincidi cu e DNA di e mama Beth Holloway, y como tal a descarta cu e ta di Natalee Holloway. Algun siman atras e noticia aki a hala hopi atencion internacional atrobe, poniendo Aruba un biaha mas den luz negativo, aunke cu for di un principio, e portal aki a descarta cualkier envolvimento cu lo ta Holloway. 

  • Tiroteo riba strip di Las Vegas cu mas di 50 hende morto

    Tiroteo riba strip di Las Vegas cu mas di 50 hende morto

    LAS VEGAS – Mas di 50 persona a muri y mas di 400 a resulta herida ora cu un homber a cuminsa tira cu su armada di su balcon di e hotel Mandalay Bay Resort and Casino diadomingo anochi. E ta e matanza mas mortal den historia moderno di Merca. Esnan morto y herida tabata entre e 22.000 persona cu a atende un festival cerca di e hotel, den aire liber. NoticiaCla a compronde cu tabatin Arubiano cerca di e suceso, pero no na e sitio mes. Nan a raporta cu nan ta ok, pero hopi spanta. Nan tabata pasando nan vacacion y a caba yega Las Vegas pa e fin di siman aki.

  • Mericano ta cay cera pa a horta placa pa financia vacacion pa Aruba

    Mericano ta cay cera pa a horta placa pa financia vacacion pa Aruba

    WASHINGTON – Un teller di e banco Mericano di Wells Fargo, a horta 185 mil dollar di un adicto ambulante, y kier a uza e placa pa entre otro financia su vacacion pa Aruba, Mexico y Republica Dominicano. No ta e prome Mericano cu ta cay cera pa a comete fraude, cu e meta pa financia su vacacion pa Aruba. E teller di 29 aña, a coy e placa cu e ambulante kier a deposita, y kier a paga un deposito riba su cas y vacacion pa Aruba, Mexico y Republica Dominicano. E castigo cu ta colga riba su cabez, ta di 10 aña di prizon.

  • Yiu di Christie Brinkley na Aruba pa photo shoot di Sports Illustrated

    Yiu di Christie Brinkley na Aruba pa photo shoot di Sports Illustrated

    LOS ANGELES/ORANJESTAD  – Yiu muher di e super modelo internacional Christie Brinkley, esta Sailor Brinkley Cook lo ta na Aruba otro luna durante un session di potret di e revista mas cotidia Sports Illustrated Swimsuit edition. E resultado di e ‘photoshoot’ lo keda presenta otro aña februari, esta 2018. E model di 19 aña lo sigui pasonan di su mama famoso, cu a aparece den e edicion 9 biaha, y tabata riba e portada por lo menos 3 biaha. Christie Brinkley tabata e portada di Corvergirl pa 25 aña, casa 4 biaha di cual esun mas popular tabata e matrimonio cu e musico Billy Joel.  

  • Powered by SETAR