Bulamento riba e islanan no ta un negoshi duradero

Bulamento riba e islanan no ta un negoshi duradero

Posted on 03/20/2017 9:02 am AST | Updated on 03/20/2017 9:06 am AST

ORANJESTAD – Bulamento riba e islanan no tin un bida largo. Por lo menos diescinco compania di aviacion, tanto local como europeo, a trata esaki ultimo cincuenta aña. Pero asta cu gobierno como (co.-)doño of miyones na sosten di estado, un pa un nan a bay falliet. ALM cu 37 aña tabata esun cu a keda den laira mas largo. Ku gobierno como doño e compania tabatin un monopolio riba e islanan. ALM a crece pa 26 destinacion di buelo di cua mayoria (5) pa Venezuela, pero na 2001 a hañ’é forsa di stop. Director Edwin Kelly di Directiva di Aviacion Aruba, despues di un kuart siglo di ta activo den e sector, a mira seis compania aereo bini y bay. Sin conta e ‘muscanan di un dia so’ manera Fly Aruba. Na 2011 el a bula yega i el a disparce atrobe despues di un luna.

FLUCTUA

Segun Kelly e punto cu ta primi mas tanto ta cu no ta tene suficiente cuenta cu cambionan den mercado. “E mercado venezolano tabata masha fuerte. Esun cubano tambe, pero cu liberalizacion esaki a para. Ta mercadonan temporario cu ta fluctua. Ta pesey un strategia pa termino largo ta necesario.” Fundado di InselAir den preta, Edward Heerenveen: “Niun hende no a verwacht cu e prijs di zeta lo a bash’ abou dje tanto ey. ”E compania a inverti pisa riba Venezuela y mester di e pais aki pa por bula riba otro rutanan manera Surinam, Brazil i Trinidad. E 100 miyon dolar di debe di e pais ey awor a pone e compania di aviacion na rant di bancarota. Giovanni Atalita ta co-fundado di AVA Airlines i tin basta tempo ta lora caba den aviacion local. “Mi ta kere e triki ta pa traha un pia un pia pa percura especialmente pa bo no tin muchu ‘overhead’. Bo por bula riba cien destinacion, pero si e buelo nan no yena, a caba.”

DIVI DIVI AIR

Heerenveen di su banda ta bisa cu un compania di aviacion cu ta bula entre e islanan so no tin futuro. Ta compania masha chikito so, manera DiviDivi Air cu ta bula entre Corsou i Bonaire cu un capacidad pa shete pasahero, ta logra. Es cu ke sobrevivi mester bira un compania internacional caribense. “KLM tampoco lo no sobrevivi nunca si ta for di Hulanda so nan ta bula. Nan ta mas grandi den exterior i esey ta nos ehempel.” Kelly tambe ta bisa cu e bolo ta muchu chikito pa parti. Riba e pregunta si ta necesario pa haya sosten di gobierno pa e avionnan keda den laira, e ta contesta: “Esey ta un decision strategico. Pero ta importante cu un gobierno ta vigila e ruta y cu e conexion entre e islanan no bay perdi.” Ku ayudo di Hulanda e islanan ta studia actualmente con por yega na un coneccion aereo cu si ta duradero.

For di partner di noticia Ret Karibense Autor Sharina Henriquez, Foto Sharina Henriquez

 

 

  • Arends: Intencion ta pa begrotingskamer reemplasa CAft otro aña

    Arends: Intencion ta pa begrotingskamer reemplasa CAft otro aña

    ORANJESTAD - Enberdad gobierno di Aruba ta trahando pa bin cu su propio supervision financiero otro aña. Asina minister di economia Richard Arends a bisa NoticiaCla den fin di siman. E reaccion tabata riba e declaracion di minister di relacionnan di Reino, Ronald Plasterk na Aruba siman pasa. Aki ela bisa cu e ta sostene pensamento di ex presidente di e conseho di supervision financiero CAft pa tin un tipo di supervision financiero permanente. Arends den e caso aki ta papia di Aruba su propio 'begrotingskamer'. 

  • Gobierno a refuta acusacion di SER riba introduccion salario minimo

    Gobierno a refuta acusacion di SER riba introduccion salario minimo

    ORANJESTAD – Ningun momento gobierno a actual contra ley ora di introduci aumento di salario minimo recientemente. Asina minister di economia Richard Arends a sigura NoticiaCla diasabra mainta, reaccionando riba e acusacion cu Sociaal Economisch Raad a lansa contra Gobierno bisando cu e reciente aumento di salario minimo ta contra ley. “Mi ta lamenta con SER (Sociaal Economisch Raad) a sali den publicidad bisando cu Gobierno a actua contra ley. Mi por bisa enfaticamente cu nos no ta di acuerdo cu esey. Nos a actua segun ley” Arends a sigura e portal aki. "E ta un LB cu a wordo traha door di directie wetgeving y a wordo firma pa gobernador, e mandatario a sigui bisa. Nos no tin ningun motibo pa kere esey. SER a pidi un reunion cu gobierno. Nos ta lamenta cu nan a bay den publicidad siendo cu nan a pidi un reunion” Arends a bisa. Mas e no kier a bisa riba e tema, pendiente e reunion cu SER otro siman.

  • SER: Aumento salario minimo no a cana conforme ley

    SER: Aumento salario minimo no a cana conforme ley

    ORANJESTAD - Aumento salario minimo recien, no a cana segun ta stipula den ley. Asina Sociaal Ecocomische Raad (SER) a informa den un comunicado diabierna atardi. Nan ta sigui mustra cu nan no a wordo scucha den caso di aumento di salario minimo. Asina e organo aki ta bisa pa medio di un comunicado di prensa diabierna. Segun SER, ta via e medionan di comunicacion nan a tuma nota di e decision di gobierno di Aruba pa aumenta e salario minimo entrante 1 di augustus 2017. Pa verifica locual a sali den medionan di comunicacion SER a bay sondea e documentonan oficial cu ta haci aumento aki posibel cual a resulta di ta e Landsbesluit, houdende algemene maatregelen di 21 di juli (AB 1989 no. GT 26) (tussentijdse aanpassingen augustus 2017) y tambe e corespondiente Nota van Toelichting.

  • 3 Dia di Locura na Ling & Sons IGA Supercenter

    3 Dia di Locura na Ling & Sons IGA Supercenter
  • De Meza: Hotel banda di aeropuerto lo ta cla september 2018

    De Meza: Hotel banda di aeropuerto lo ta cla september 2018

    ORANJESTAD - Pa september 2018, e proyecto hotelero banda di aeropuerto balora na casi 35 miyon dollar esta Hyatt Place lo ta completamente cla. Asina e mandatario di turismo Mike de Meza a tende durante su recorido recientemente. Esunnan cu lo haci uzo di esakinan lo ta e turistanan, kendenan lo keda pa un par di ora na Aruba of pa 1 dia. Lo bay tin suficiente comercio den e area aki di cual lo haci banda di aeropuerto uno atractivo. Pero tambe localnan por haci uzo di dje. Segun indica lo bay tin servicionan di banco, servicio di companianan di seguro y otro tipo di comercio cual lo ta algo sumamente bon. 

  • Plasterk: Aruba no ta cla pa fia placa cu interes abou

    Plasterk: Aruba no ta cla pa fia placa cu interes abou

    ORANJESTAD – Ainda Aruba no ta cla pa fia placa riba mercado internacional cu interes abou. Awe durante e ultimo bishita di minister Hulandes di asuntonan di Reino Ronald Plasterk, ela bolbe bisa Noticiacla esey. Awe el a practicamente ripiti e mesun palabranan. E disponibilidad pa yuda Aruba t'ey di mes, pero e ta condiciona riba e conseho di CAFT. “Esey ta nifica cu prome e quota di debe mester baha, prome cu realmente por tin un bon motibo pa (Aruba) bin na remarke pa un inscripcion pa interes abou Hulandes (riba mercado financiero internacional).”  E mandatario tabata na Aruba pa un dia como parti di su tour di despedida den Caribe Hulandes.

  • NoticiaCla Ad
  • Powered by SETAR