Aruba Bank a firma contracto colectivo nobo cu FTA

Aruba Bank a firma contracto colectivo nobo cu FTA

Posted on 03/19/2017 8:20 pm AST | Updated on 03/19/2017 9:07 pm AST

ORANJESTAD - Diabierna mainta a tuma luga e firmamento di un CAO nobo pa e empleadonan di Aruba Bank cu Federacion di Trahadonan Arubiano (FTA). Negociacionnan pa e contracto colectivo 2017-2019 pa trahadonan a cuminsa den e di tres kwartaal di aña 2016.

E acto di firmamento a tuma luga na Aruba Bank Camacuri, unda a conta cu presencia di esunnan cu a negocia e contracto y representantenan di e trahadonan. Di parti di Aruba Bank, Sharon Fränkel – Managing Director y Barbara Bronswinkel – Regional Human Resources  a firma e contracto cu Hubert Dirksz, presidente di FTA y Tyrone Bremo vice presidente; y di parti di e empleadonan a firma e shop stewardnan Mirla Koolman y Alexander Arends.

Un di e puntonan principal di e CAO nobo ta e acuerdo pa e areglo di “costo di bida” di minimo 1% den añanan cu e economia local experencia un deflacion. Otro puntonan cu a logra ta cu ta hisa e bonus pa e trahado cu ta celebra su aña di servicio y tambe a hisa e dianan di vakantie a base di edad di e trahado. Aruba Bank ta orguyoso di por a yega na un CAO pa tres aña mas, unda cu e empleadonan ta sigura di nan trabou y e garantia di nan beneficionan secundario. Esaki ta sigura un ambiente di trabou cu ta bon y saludabel pa tur e empleadonan.

Tur partido envolvi a gradici e negociadonan di e CAO, esta pa Aruba Bank Barbara Bronswinkel y Manager Recursonan Humano, Suzette Bareño; e shop stewardnan representando empleadonan cu ta miembro di FTA Mirla Koolman y Alexander Arends; y Rudy Geerman, kende a representa FTA

  • NoticiaCla ta ripiti entrevista cu ehecutivonan di CITGO awe mainta

    NoticiaCla ta ripiti entrevista cu ehecutivonan di CITGO awe mainta

    ORANJESTAD – NoticiaCla LIVE ta ripiti e entrevista cu e dos ehecutivonan di CITGO Petroleum Corporation, Jim Cristman (Vice President Refining) y Larry Elizondo Sr. (GM /Government & Public Affairs) di ayera tardi riba e pagina di FACEBOOK di NoticiaCla. Esey lo sosode awe mainta 11:30am ora di Aruba. Esaki ta debi na e demanda grandi pa mira e contenido di e programa, mirando cu e tabata basta detaya di tur pregunta cu tabata pendiente pa hopi tempo.

  • Townhall Meeting Rotonde Superfood Diaranzon

    Townhall Meeting Rotonde Superfood Diaranzon

    (ADVERTORIAL)

  • Arubiano Jeon ta presenta den Premio Lo Nuestro mayan!

    Arubiano Jeon ta presenta den Premio Lo Nuestro mayan!

    ORANJESTAD/MIAMI – Loke ta haci e evento musical latino ‘Premio Lo Nuestro’ e aña aki diferente, ta cu e ta conta cu presentacion di nos arubiano autentico Jonathan ‘Jeon’ Thiel. For di momento cu a lansa e exito internacional Machika, Jeon a uni cu e artista grandi J Balvin y a bay varios pais pa presenta durante di conciertonan na Merca y Europa. Diahuebs anochi na Miami den American Airlines Arena, Jeon lo ta riba escenario durante e presentacion di e evento cotiza ‘Premio Lo Nuestro’ unda cu ta galardona artistanan latino. E evento ta pasa riba cable canalnan 24 y 332 di Univision y tambe Setar su canal 35 cuminsando pa 8’or di anochi ora di Aruba. Potret cortesia Jeon. 

  • Aplicacion nobo y practico riba website Papiamento.aw

    Aplicacion nobo y practico riba website Papiamento.aw

    ORANJESTAD - Awe, riba Dia Internacional di Idioma Materno, Departamento di Ensen?ansa Aruba (DEA) ta introduci un instrumento nobo riba e website [www.papiamento.aw], un instrumento practico pa busca con pa skirbi un palabra na Papiamento den e ortografia di Aruba.

  • CITGO Aruba lo opera cu 300 trahado menos awor

    CITGO Aruba lo opera cu 300 trahado menos awor

    ORANJESTAD – E slowdown anuncia awe di CITGO pa loke ta e proyecto di reapertura di e refineria, ta nifica e.o. cu cierto trabou no por sigui cu consecuentemente ta nifica cu mester reduci un cantidad di persona. Segun Jim Cristman, VP di Refining di e refineria a bisa den e programa NoticiaCla LIVE riba FB, cu di e 640 persona emplea, 300 y pico persona lo mester bay cas y 300 ta keda pa e operacion di p.e. suministracion di gasoline etc. E grupo cu ta keda, lo keda ricibi nan salario manera nan a haya for di comienzo di nan empleo.

  • CITGO Aruba ta slow down projecto di rehabilitacion di e refineria

     CITGO Aruba ta slow down projecto di rehabilitacion di e refineria

    SAN NICOLAS – CITGO Aruba, un grupo di compania cu ta opera bou di PDV Holding Inc., mester slow down su projecto planea di rehabilitacion di e refineria na San Nicolas pasobra e sancionnan di gobierno Mericano pa cu e shareholder Petroleos de Venezuela, S.A. (PDVSA) no ta permiti financiamento adicional pa e projecto.

  • Powered by SETAR