- Gotopo: Prolongacion di cierre frontera cu Venezuela ta un medida absurdo
- Ultimatum pa dicidi riba suma cu radionan mester paga DUCAPRO tur luna, a vence sin resultado
- Inflacion ta mas abou na Boneiru, mas halto na Sint Eustatius y Saba
- Gobierno Hulandes ta evaluando pa stop su paginanan riba Facebook
- Travel& Leisure: Aruba ta top lista di 10 resortnan all-inclusive den Caribe
Gobernador Boekhoudt a ‘launch’ app di noticiacla.com
ORANJESTAD – Despues di dos aña y mei cu e website a keda lansa oficialmente, NoticiaCla.com recientemente a lansa su ‘app’ pa smartphone. Durante un encuentro ameno recientemente, Su Excelencia Gobernador Alfonso Boekhoudt a efectua e lanzamento oficialmente door di ‘download’ e app riba su telefon. Den un discurso cortico, Gobernador Boekhoudt a enfoca riba e importancia pa no solamente tin libertad di prensa, pero tambe prensa independiente.
UN APP
App ta e abreviacion pa ‘applicacion’, y ta un software (un programa) cu ta permiti bo smartphone tin acceso na Noticiacla como si fuera e tabata un website. Beneficio y diferencia di tin un app, ta e.o. cu e ta mas acesibel door cu e ta 1. Riba bo telefon (a proba cu 90% di hende awendia ta sigui noticia riba nan smartphone compara cu nan desktop of laptop), 2. e ta mas lihe, mas facil, ta dunabo e oportunidad pa ricibi ‘breaking news’ riba bo telefon, 3. bo por share (comparti) e noticia cu bo amigonan di un manera mas facil. 4. Y constantemente e ta innova tambe segun tempo. Na caminda tin e posibilidad pa bo ahusta e site na bo preferencia esta personalisa bo app, por ehempel, bo tipo preferencial di noticia (p.e. local so, di politica, social etc).
CON PA HAYA E APP
Awendia e plataforma mas popular y mas uza pa un app, ta via un smartphone Apple y android. Cada uno tin nan ‘tienda’ unda cu bo por haya e app gratis. Pa apple, e usuario ta bay den e apple store (app store) mientras cu pa usuarionan di android, por haci esaki na e Google play store. Ambos ta ofrece e app completamente gratis. E app di Noticiacla ta disponibel caba riba e app store, mientras cu e siman aki esun pa android ta bira disponibel tambe.
HOH: Ocupacion di cama poco poco ta bek na normalidad na hospital
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
Stampiaaruba cu exposion di stampia na Aruba pa celebra 17 aniversario
Oficina principal di DIMP ta cera awe diaranson pa mantencion
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.
Den cuadro di reposicionamento, FPNA ta cambia su nomber pa Aruba Conservation Foundation
ORANJESTAD – E organisacion independiente di conservacion di naturalesa conoci como Fundacion Parke Nacional Aruba (FPNA) ta usa e ocacion mundial di Dia di Mama Tera pa revela su transformacion pa Aruba Conservation Foundation (ACF). E transformacion akinan ta encera un nomber nobo, un logo, y identidad visual nobo cu ta alinea na e direccion strategico di e organisacion como un organisacion moderno di maneho di conservacion y alavez ta alinea na e necesidad actual pa conserva naturalesa di Aruba. Asina, e organisacion ta despedi di ta un organisacion tradicional di maneho di parke cu hopi a bin ta conoce pa mas cu 20 aña.
Parlamentario Ryçond Santos Do Nascimento ta invitado den Noticiacla LIVE awe nochi
ORANJESTAD – Parlamentario independiente Ryçond Santos Do Nascimento ta e invitado den e programa Noticiacla LIVE diamars anochi pa 9’or. Recientemente a cumpli un aña cu e parlamentario a distancia su mes di e partido berde AVP y a declara su mes independiente. Un aña despues ta toca temanan general y specifico cu e parlamentario. Un programa sigur interesante y al caso, cu periodista Tito Laclé. No perde!. Esaki riba tur Plataforma di Noticiacla, manera e Facebook page, website y e app.
AZV: Contracto cu dentista Mayra Rosales ta termina
ORANJESTAD - Organo Ehecutivo AZV a informa tur asegurado inscribi cerca dentista Mayra Rosales pa tuma nota cu e contracto entre OE AZV y dentista Mayra Rosales ta finalisa 30 di april 2024. Den caso cu tin un cita despues di 30 di april 2024, lo e asegurado mester tene cuenta cu e cita aki no ta wordo cubri mas door di OE AZV. Ta gradici dentista Rosales pa su añanan di servicio cu el a brinda na e aseguradonan di AZV. Tur clase di exito tambe ta e deseo di OE AZV pa dentista Mayra Rosales cu e continuacion di su practica priva.
Follow NoticiaCla
