Postura VVD pa Aruba y resto Caribe Hulandes no ta cambia

Postura VVD pa Aruba y resto Caribe Hulandes no ta cambia

Posted on 03/17/2017 9:22 am AST | Updated on 03/17/2017 1:24 pm AST

DEN HAAG – “E postura pa cu Aruba y e islanan di Caribe Hulandes ta keda mescos” parlamentario pa partido VVD den Tweede Kamer Andre Bosman a sigura NoticiaCla.com. “Mi ta hopi contento cu e pueblonan di Aruba, Corsou y St Maarten. Solamente cu e gobernantenan mester drecha nan situacion” Bosman a bisa. Cu esey, e ta referi na e situacion financiero mester ta na ordo. Di otro banda, presidente di e comision di Reino de Tweede Kamer Jeroen Recourt y colega Roelof van Laar di PvdA no ta bolbe mirando cu nan no a keda eligi. Esey por trece cambio den cierto miembrecia y cu ne. Esaki aunke cu Bosman ta sigura cu cos ta keda manera cu e tabata.

PASAPORTE Y INDEPENDENCIA

E asunto pa bin cu pasaporte diferente pa Caribe Hulandes pa por identifica nan diferente, ta keda vigente segun Bosman. Esey ta un parti di e asina yama ‘gemene best’ unda cu ta papia di paisnan independiente cu ta traha hunto y unda cu cada un tin nan propio pasaporte. “E ta keda un topico di loke nos di VVD kier” Bosman a bisa. E ta keda un asunto ‘interno’, y ta keda na cada isla kico nan kier. “Si mi tende e voznan na Corsou, nan no kier nada cu Hulanda. Ta bon. Pero e ora laga nos tuma e pasonan pa regla esaki bon” Bosman a bisa, indicando cu esaki ta nifica preparacion pa independencia. Pa VVD, ainda ta para cu e islanan lo mester bira independiente.” Y cu esey, un otro pasaporte!”. Bosman a sigui bisa. Cambionan pa loke ta e maneho no ta bay tin. “Bo conoce VVD. Nos ta haci palabracion y ta tene nos mes na dje. Asina tur hende sa kico ta kico” Bosman a finalisa bisando.

CDA Y D66 NA FABOR DI ARUBA

E hecho cu tin dos partido cu posiblemente lo bay forma un coalicion cu VVD y cu ta amigo di Aruba, no mester stroba e plan di VVD. “Mi no por imagina cu tin partidonan cu kier pa continua cu deroche di placa, of cu asuntonan financiero no ta na ordo. P'esey lo mi papia cu nan (e partidonan ey) riba e asunto ey” Bosman a bisa. “Mi lo convence nan di e interes pa un bon situacion financiero ta esencial” Bosman a finaliza bisando. E ta sigui disponibel pa forma parti di e comision di relacion di reino. RECOURT

Mientrastanto den un declaracion pa Daily Herald di St Maarten, Recourt a bisa cu aunke cu e no ta bolbe den e comision cu e la presidi, e ta contento cu mayoria di e otro miembronan si ta bolbe, y cu e ta spera cu su partido mantene e relacion di Reino como un prioridad. Tambe e ta spera cu Caribe Hulandes keda u punto di discusion durante formacion di un gobierno nobo. Foto cortesia Daily Herald SXM.

  • E nombernan di gabinete Rutte III a keda presenta diabierna

    E nombernan di gabinete Rutte III a keda presenta diabierna

    DEN HAAG – Tur nomber di esnan cu ta forma parti di Gabinete Mark Rutte III ta conoci. NoticiaCla a presenta mayoria di e nombernan, faltando algun. Pero diabierna (awe) Rutte a presenta e lista official despues di a reuni finalmente cu e lidernan di partido cu ta forma parti di e coalicion. Mas probabel, segun e portal nu.nl, e gabinete lo keda presenta dia 26 di october proximo. Mientras cu e nombernan ta conoci, ainda nan mester pasa screening y por nenga nan funcion. Loke ta sigur, ta cu tin 16 minister, y ocho secretarionan di estado reparti den 12 ministerio. Di e ministernan, lo tin 6 presenta pa VVD, 4 pa CDA, 4 pa D66 y 2 pa Christen Unie. Fuente www.nu.nl y ANP.

  • Geschillenregeling pa minister nobo Asuntonan di Reino Hulandes

    Geschillenregeling pa minister nobo Asuntonan di Reino Hulandes

    DEN HAAG — E tema di geschillenregeling pa Reino Hulandes ta keda pa e proximo minister encarga cu Asuntonan di REino y e gabinete HUlandes nobo. Asina e corant di St Maarten, The Daily Herald ta raporta. Segun e minister saliente Ronald Plasterk, e ta considere apropia pa su successor atende cu e asunto aki. Esaki mas probable lo bira Kajsa Ollongren (D66), e actual alcalde di Amsterdam.

  • HARPA ta e prome fundacion Arubiano na Den Haag

    HARPA ta e prome fundacion Arubiano na Den Haag

    DEN HAAG - Diabierna 13 di october 2017 Fundacion Harmonie Arubaanse Participatie (Fundacion HARPA) a bira un realidad. E prome fundacion di studiante Arubiano dirigi door di studiantenan na Hulanda. E directiva di e fundacion ta consisti di 4 studiante y un persona grandi bon conoci den municipio di Den Haag ya cu e persona aki pa hopi aña ta miembro di diferente fundacion na Hulanda. E lo guia e grupo di hoben aki, pero tambe di trata pa tin un integracion entre hoben y nos hende grandinan. Prome cu e fundacion a inicia oficialmente ya e miembro di directiva a tuma contacto cu municipio di Den Haag pa presenta nan mes y splica kico ta e obhetivo di e fundacion. Meta di HARPA ta pa duna e cuidadanonan for di Aruba na Hulanda un cara confiabel y amabel door di stimula nan participacion den e pais y conhuntamente cu nan promove e cultura di Aruba. Pa esaki lo entama tur sorto di actividad concerni pa logra e meta. Nan lo purba di e manera aki pa e studiantenan no solamente topa cu otro, sino realisa varios actividad educativo, social y cultural pa asina duna un aporte na e municipio. Municipio a otorga e fundacion subsidio pa dos di nan programa educativo y cultural. Dia 26 di november 2017 lo tuma e prome evento di Dande Festival na Den Haag. Nan lo purba di promove nos cultura bou di e studiantenan na Hulanda cu e intencion cu studiante y persona mas grandi lo participa na e evento. Fundacion HARPA kier gradici señora Nuris Dabian, coordinadora di Asunto Social y Cultural di Arubahuis, pa su gran apoyo na e hobennan. E ta e persona cu a motiva e grupo di hoben aki pa lanta e fundacion. Riba potret por mira e miembro di directiva cu ta consisti di (di robes pa drechi): Jack Rasmijn (secretario), Astrid Contreras (PR), Saúl Pozo Aldea (Presidente), Brittney Koolman (miembro) y Pierre Jourdain (tesorero). Pa participacion den e Dande Festival na Den Haag por tuma contacto cu e fundacion via nan pagina di facebook Stichting HARPA of manda un mail na stichtingharpa@gmail.com.

  • Gabinete Rutte III su integrantenan nobo ta conoci!

    Gabinete Rutte III su integrantenan nobo ta conoci!

    DEN HAAG – E gabinete nobo di Hulanda, Gabinete Rutte III ta hayando forma. Asina e corant Elsevier ta raporta awe mainta. Nombernan di e proximo ministernan ta birando conoci y ta leak tur dia. Aki dos siman e gabinete completo nobo lo ta riba e asina yama ‘bordes’, cu Rey Willem Alexander.

  • Ex hefe di Hospital Slotervaart dilanti mesa berde pa malversacion

    Ex hefe di Hospital Slotervaart dilanti mesa berde pa malversacion

    AMSTERDAM (ANP) – Ex hefe di e hospital di Amsterdam Slotervaartziekenhuis , esta Aysel Erbudak mester presenta dilanti mesa berde dia 23 di November proximo, pa cargo di sospecho di estafa/malversacion. Erbudak ta partner di conocido comerciante local Richard Visser cu tabata riba lista di partido AVP den e ultimo eleccion. Visser den un entrevista recien cu NoticiaCla, a desmenti tur acusacion contra su pareha, indicando cu ta un ‘set up’ di ex partnernan cu no por soporta Erbudak. “Mi ta tene mi pareha riba un pedestal” Visser a bisa e portal aki den e programa NoticiaCla LIVE e momento ey.

  • St Maarten ta haya ayudo di comision Europeo pa reconstruccion

    St Maarten ta haya ayudo di comision Europeo pa reconstruccion

    PHILLIPSBURG – St Maarten por conta riba ayudo financiero di comision Europeo. Bruselas ta cla pa pone fondo di Union Europeo cla pa St Maarten, tanto e parti Hulandes como Frances. Asina e presidente di Union Europeo Jean Claude Juncker a bisa e presidente di parlamento Europeo Antonio Tajani den un carta. E hecho cu e parti Hulandes tin un otro structura estatal cu esun Frances, oficialmente no por haci un peticion pa e fondo di solidaridad di Union Europeo. Como tal a purba logra placa for di otro forma. Juncker ta di acuerdo cu ambos pais riba un manera igual por wordo sostene cu e reconstruccion di e isla.

  • Powered by SETAR