Gobernador di Aruba a bishita Camara di comercio

Gobernador di Aruba a bishita Camara di comercio

Posted on 03/16/2017 5:18 pm AST | Updated on 03/16/2017 5:18 pm AST

ORANJESTAD – Riba diamars 14 di maart ultimo Su Excelencia Gobernador di Aruba, sr. J.A. (Alfonso) Boekhoudt a tene un bishita di cortesia na Camara di Comercio y Industria di Aruba (KvK). Su Excelencia a wordo ricibi door di Presidente, sr. Ernst Mohamed, e Directora, sra. Sonja Velthuizen y algun miembro di Directiva. Presidente y Directora a haci un recorido cu Gobernador den e edificio di KvK y a splica en breve kico ta e tareanan di cada departamento di KvK. Despues di e recorido a tene un reunion cu e Directiva den e Auditorium di KvK.

Durante e reunion a trece diferente puntonan dilanti cu ta di importancia pa e comercio di Aruba. Despues di a introduci tur e miembronan di Directiva, a elabora riba e iniciativanan di KvK pa 2017 pa mehora comercio na Aruba. KvK ta forma parti di diferente comision relata cu E-commerce, Caya Grandi, ROPv, Diversificacion di Economia y Financiamento di Empresario pa nombra algun. KvK a menciona tambe cu e tin atencion pa e empresario hoben cu mester guia y financiamento.

 

 

  • Hopi ta disfrutando di 2 ora di happy hour di Balashi y Chill

    Hopi ta disfrutando di 2 ora di happy hour di Balashi y Chill

    ORANJESTAD - E siman aki ta e di 5 siman di happy hour cu cerbesnan Balashi y Chill, unda pa 2 ora largo tur hende por disfruta di e happy hour na diferente caminda. Den e simannan anterior hopi ta esunnan cu a disfruta di e happy hour di Balashi y Chill.

  • Hilton Aruba ta patrocina calendar Aruba Birdlife 2018

    Hilton Aruba ta patrocina calendar Aruba Birdlife 2018

    ORANJESTAD – Pa di tres aña consecutivo Hilton Aruba Caribbean Resort & Casino a patrocina e Aruba Birdlife Conservation calendar. E 2018 Aruba bird calendar a keda presenta pa e gerente general di e hotel Hans-Georg Roehrbein na e voluntarionan di ABC.

  • Lotto celebrando tremendo aniversario di 30 aña

    Lotto celebrando tremendo aniversario di 30 aña

    ORANJESTAD - Lucia Angela, un empleada hopi stima di Lotto, a celebra su di 30 aniversario comienzo di luna, hasiendo e asina e empleado cu mas aña na e compania. Pa sea precies e la drenta den servicio riba 1 di december na 1987. Riba e potret por nota cu e celebracion a tuma luga na oficina di Lotto hunto cu su coleganan, cual tabata uno di dushi ambiente. Lucia di su banda a duna un hopi bunita speech recordando asina su 30 aña di servicio.

  • Elmar: Rotonde di Weg Fontein a keda ilumina

    Elmar: Rotonde di Weg Fontein a keda ilumina

    ORANJESTAD -  Den fin di siman a cende e luznan di e Rotonde di Weg Fontein, cual tabata un proyecto cu a inicia entre amistadnan. NV Elmar ta sostene e proyecto aki y a adopta e rotonde aki pa di 2 aña. Tur hende tabata contento di mira con bunita e rotonde a keda ilumina. E aña aki a uza alrededor di 30 mil luz pa e rotonde aki y e diseño ta basa ariba e bala nan di kerstboom. Aña pasa e rotonde a wordo hopi bishita door di e busnan cu ta sali busca luznan di adorno pa mira y tabata tin bon comentario di e turistanan tambe cu a bishita esaki.

  • CIBC FirstCaribbean ta duna e rotonde di Tanki Flip e ambiente di pasco

    CIBC FirstCaribbean ta duna e rotonde di Tanki Flip e ambiente di pasco

    ORANJESTAD - CIBC FirstCaribbean a adopta e rotonde di Tanki Flip e aña aki y asina laga esaki luci e luznan di pasco. Comunidad ta custumbra di mira tur e rotondenan rond di Aruba bunita decora cu luznan, decoracion di pasco y lesa mensahenan di bon deseo. CIBC FirstCaribbean a pone e tres puntonan aki hunto y a duna e rotonde di Tanki Flip e ambiente aki. Aruba por aprecia luznan cu ta duna e rotonde e ambiente di pasco. Ademas tin kerstboomnan sostenibel, pensando riba nos medio ambiente cu den anochi tambe ta luci hopi bunita. Y pa termina CIBC FirstCaribbean ta duna nos comunidad e bon deseonan den e cuatro idiomanan mas uza riba nos isla.

  • Cruz Cora y Amsterdam Manor Resort a celebra cu nos grandinan

    Cruz Cora y Amsterdam Manor Resort a celebra cu nos grandinan

    ORANJESTAD? Riba diahuebs, 7 di December, Cruz Cora Aruba y Amsterdam Manor Resort a celebra fin di aña hunto cu un grupo di mas of menos 40 invitado special. E grupo aki ta existi for di 2012, ora cu Cruz Cora Aruba a dicidi di forma un grupo y bin cu un programa pa personanan riba 60 aña. E grupo ta topa 4 biaha pa aña unda Cruz Cora ta organiza mainta social-educativo y asina ta duna e grupo oportunidad pa socialisa, siña tocante diferente topico manera uso responsabel di remedi, prevencion di candela, diabetes, dementia y otro topico interesante pa nan por yuda nan mes. Pa e ultimo 5 aña, Amsterdam Manor Resort a bira un partner den e programa aki y ta ofrece e grupo un cena, desayuno of brunch di Pasco, y esaki a tuma lugar na Mango’s Restaurant. Tambe De Palm Tours a sostene e programa pa e grupo aki y ta ofrece transporte pa hiba y trece e grupo for di Cruz Cora. Cruz Cora Aruba ta hopi gradici cu e sosten di e dos companianan aki cu ta permiti Cruz Cora organiza un bunita encuentro asina pa e grupo.

  • Powered by SETAR