Resultado eleccion Hulanda por forza coalicion di 4 partido

Resultado eleccion Hulanda por forza coalicion di 4 partido

Posted on 03/16/2017 9:40 am AST | Updated on 03/16/2017 10:11 am AST

DEN HAAG – Awor cu resultado di eleccion Hulandes ta conoci, ta bin e trabou duro di forma un gobierno nobo. For di e corant Hulandes NRC, tin indicacion cu lo mester tin 4 partido pa forma un gobierno nobo, mirando e reparticion di asiento. Algo mas dificil cu e eleccion di 2012. Y tur wowo lo ta riba e partido GroenLinks. VVD tin 33 asiento, y PVV tin 13 asiento menos. Awe reunionnan a cuminsa caba pa analisa y cuminsa investiga e posibilidadnan.

MESTER 4 PARTIDO

E formacion di un coalicion ta bira mas dificil, ora cu bo tin un partido grandi, y 5 partido mediano. Semper tabatin mster di sea 2 of 3 partido pa forma gobierno, y awor esaki ta por lo menos 4.

E posibilidad mas grandi aworaki ta un coalicion di VVD, CDA, y D66 cu hunto tin 71 asiento. Cu Groenlinks, lo tin un coalision amplio di mayoria den ambos camber, esta Eerste y Tweede Kamer. Problema pa Groenlinks ta netamente e hecho di e direccion. Tur e otro tresnan ta partidonan derechista, y Groenlinks ta e direccion opuesto. Como tal e ta bira un risico pa e lider Jesse Klaver.

OTRO POSIBILIDAD

Otro posibilidadnan ta pa e tres ‘grandinan’ uni cu 2 chikito, cu ta ChristenUnie y SGP den un forma di construccion tolerante. E hecho cu Rey Alexander no mester forma parti mas di e formacion, ta pone cu partidonan mes por cuminsa y lo agilisa e proceso mas tambe. Pero e resultado sinembargo ta pone cu e proceso di formacion lo bira uno mas dificil y posiblemente mas largo. Foto cortesia Deredactie.be

  • Gobernador Alfonso Boekhoudt a ricibi relato durante su bishita na Cas di Aruba

    Gobernador Alfonso Boekhoudt a ricibi relato durante su bishita na Cas di Aruba

    DEN HAAG – Gobernador Alfonso Boekhoudt a ricibi un verslag cu a wordu compila door di Roy Hart y Angelique Thode durante di su bishita oficial na Cas di Aruba. Den presencia di Minister Plenipotenciario Guillfred Besaril, Roy Hart funcionario encarga cu e departamento di “Economische Acquisitie” na Cas di Aruba a hasi entrega di e relato.

  • KLM cu buelo adicional pa Aruba na 2018

    KLM cu buelo adicional pa Aruba na 2018

    ORANJESTAD – E aerolinea nacional Hulandes Koninklijke Luchtvaart Maatschappij (KLM) a caba di anuncia cu pa gran mayoria di 2018, ta inclui un di shete buelo semanal. KLM ta un socio importante pa turismo di Aruba, ya cu ta percura pa e transporte di un gran cantidad di bishitante for di e mercado Europeo en general.

  • E studiantenan di Aruba a goza di prome caida di sneeuw na Hulanda

    E studiantenan di Aruba a goza di prome caida di sneeuw na Hulanda

    GRONINGEN – E studiantenan Arubiano den e fin di siman aki a disfruta di e prome caida di sneew pa e aña aki na Hulanda. Cada uno na nan forma a expresa nan mes den e tempo aki, for di diasabra y finaliza esaki diadomingo, ora cu e caida di sneeuw tabata mas hopi. Esnan cu ta aparece riba e potretnan ta e.o. Sergino Vis, Lyrick y Lionel Bermudez, Sue Gin Arends, Chester Hill, Wenji Wever, Christina Wever, Charmain Maria, Tanisha Scharbaay Kyara Ruiz. Colaboracion pa e articulo: Sue Gin Arends.

  • Prome bishita oficial di Gobernador Boekhoudt na Cas di Aruba

    Prome bishita oficial di Gobernador Boekhoudt na Cas di Aruba

    DEN HAAG – Gobernador di Aruba S.E. Alfonso Boekhoudt a haci awe dialuna 11 di december un bishita oficial na Cas di Aruba. Gobernador Boekhoudt a keda ricibi pa Minister Plenipotenciario Guillfred Besaril y personal di Gabinete di Minister Plenipotenciario. Gobernador di Aruba a wordo acompaña pa director di Gabinete di Gobernador Rajen Budhu Lall y adjudante di Gobernador Bart Breitenstein.

  • Arubahuis a convivi cu Aruba riba Dia Nacional di Luto

    Arubahuis a convivi cu Aruba riba Dia Nacional di Luto

    DEN HAAG – Minister Plenipotenciario Guillfred Besaril y directora interino di Cas di Aruba Shandra John a para keto na e Dia Nacional di Luto na Aruba en conexion cu e morto fatal di e dos criaturanan Rishandroh Anastacia y Roshandrick Frans.

  • Arubahuis: Amsterdam cu escases di camber y wachtlijst largo

    Arubahuis: Amsterdam cu escases di camber y wachtlijst largo

    DEN HAAG – Studiante cu ta pensa di bin studia na Hulanda, na Amsterdam, Diemen, Almere y Haarlem: tene na cuenta cu tur posibilidad, ya cu ta hopi dificil pa haña un camber comodo y pagable den y pafo di Amsterdam. Asina Arubahuis a informa diaranzon pa medio di un comunicado. Segun e comunicado, den e region di Amsterdam tur aña tin un escasez di camber y tin un lista di espera di mas cu 500 studiante.

  • Powered by SETAR