Kiwanis Club of Aruba a instala Jo-anne Arends & Krish Mahtani
ORANJESTAD - Durante e reunion semanal general di Kiwanis Club of Aruba, e presidente, Aurora Dijkhoff, a introduci oficialmente; Jo-Anne Arends y Krish Mahtani como e dos miembronan mas nobo di e club.
E persona cu tabatin e tarea pa dirigi e discurso pa e instalacion di e miembronan nobo tabata Bob Spellen, cu ta miembro di Kiwanis Club of Aruba desde 1990. Bob tabata 2 aña sigui Presidente, 1994-1995 y 1995-1996 y despues di 2 aña el a ricibi Distinguish President. Na 2009-2010 el a fungi como Lieutenant Governor y na 2010 el a haya tambe e reconocemento di distinguish Lt Gov. Fuera di Kiwanis Bob a ricibi Ridder in de Orde na 2012. Bob actualmente ta canditado pa vice-governor di Division 26 pa 2017-2018. Como e sponsornan di e instalacion como miembro tabata; Aurora Dijkhoff , Ryan Kock y Tessely Koolman, cu a presencia e acto oficial momento cu Bob Spellen a pin e boton di Kiwanis, haciendo asina Jo- Anne y Krish oficialmente miembro di e club. Pa Jo- Anne, e ta un honor di por a ricibi e boton pa forma parti di e famia di Kiwanis. Jo- Ann ta traha na Aruba Airport Authority como “Air Service Development Manager”. E ta un participante fiel na Kiwanis Club of Aruba su “Annual Charity Golf Tournament” y ya caba Jo-Anne ta activo den e club su “Committe of Traffic Awareness”. Pa Krish e ta un honor tambe pa por carga e pin di Kiwanis. Krish ta conoci den e mundo di entretenimiento y ta wordo considera e “Guru di Aruba” den entretenimiento”. Krish ta maneha su propio compania “ELITE Productions & Entertainment”. Recientemente el a habri “Emotions” y e ta doño di Cool FM. Krish semper a support e “fundraising events”di Kiwanis Club of Aruba y Kiwanis su SLP’s Clubs.
Durante e anochi di instalacion tabata tin como orador Ryan Kock, cu su topico “Biba den bo Presupuesto”, cu a ricibi un tremendo acogida. Ryan tabata presidente di Kiwanis Club of Aruba y ta chairman di e exitoso eventonan pa recaudacion di fondo. Ryan ta un accountant y belastingadviseur cu mas di 20 aña di experiencia.
Recientemente un delegacion di Kiwanis Club of Aruba tabata presente na e segundo DCM na Curacao caminda cu e club a ricibi e “Division Award”, cu e score mas halto den e division pa su logronan den e prome kwartaal di e aña Kiwanistico.
Kes the Band di Trinidad confirma pa Flip Flop Festival na juni!
ORANJESTAD – E banda popular di Trinidad Kes the Band ta confirma pa presenta durante e proximo edicion di Flip Flop Festival dia 1 di juni proximo. Durante un conferencia di prensa diahuebs atardi, organisadornan a anuncia esaki, como un di e varios bandanan internacional cu lo ta presente durante e anochi aki. E intencion ta pa dentro di 2 siman presenta demas artistanan internacional tambe. E evento lo tuma lugar riba Bushiri Beach, y lo ta parti den varios seccion. A cuminsa bende carchi caba awe unda cu e prome cantidad di carchi ta bay na 45 florin estilo ‘early bird’ pa tempo limita. Flip Flop Festival ta un producto di cerbez Chill, y Brouwerij Balashi hunto cu Tropical Bottling Company su productonan Coca Cola y Bacardi. Fuera di e artistanan internacional, lo tin artistanan local manera e.o. Tsunami.
Video: Con a yega na titulo di documentario ‘I can’t be moe’ ?
ORANJESTAD – Diabierna awor tin estreno di e documentario localmente produci titula ‘I can’t be moe’. Un documentario unda cu e productor ta sigui e bida di e conocido personahe local Alice van Romondt durante 2 aña. Pregunta ta, con a yega na e titulo asina ‘captivo’, un combinacion di Ingles y Hulandes y con esaki a yega pa bira e titulo di e documentario. Tanto e productor Rebecca Roos, como e suheto di e documentario, Alice van Romondt a splica esaki den e programa Noticiacla LIVE diamars anochi. E documentario ta pasa diabierna anochi 19 di april pa 8'or di anochi den Cas di Cultura y ta costa 25 florin pa entrada.
Carlos Bislip cu concierto gratis di JAM riba Dia Mundial di Jazz
ORANJESTAD – Manera a bira conoci caba, sigur anto pa tur amante di e genero musical aki, luna di april ta celebra mundialmente e aprecio pa jazz. Un di su promotor y exponentenan di mas grandi riba nos isla, esta e maestro di percusion Carlos Bislip a sa di prepara, un biaha mas, un merecido celebracion.
Aruba One Happy Island Lions Club y Friends of Lions a yuda mas di 500 personaden necesidad
ORANJESTAD - Recientemente Fundacion Aruba One Happy Island Lions Club hunto cu Friends of Lions a organisa e prome “Tayo riba Mesa”, pa aña 2024. Esaki ta un proyecto den cuadro di e programa di Lions International “Hunger Relief”, caminda danki na e sosten di comunidad y Friends of Lions ta yuda famianan den necesidad.
Conocido musico Ivan Jansen reconoci pa su ’contribucion na herencia cultural di Aruba’
ORANJESTAD - Diaranson anochi na Cas di Cultura, Minister Maduro di den nomber di Gobierno di Aruba, presenta un reconocemento na sr. Ivan Jansen pa su contribucion significante na e herencia cultural musical di Aruba. Segun e mandatario, den e documental presenta riba Jansen, nos ta cera conoci cu e musico Ivan hopi mas di acerca, ya e ta bay comparti su historia di su carera musical, su conocemento, produccionnan, su contribucionnan na diferente musiconan/artistanan local, alabes su logronan local y internacional y e retonan cu ela encontra durante su carera musical E mandatario a repasa e CV impresionante di e musico tambe, indicando cu Ivan no ta solamente un musico, un guitarista clasico y di jazz, sino tambe e ta productor, compositor, areglista, educador, lider di banda y empresario. “Nos ta sinti nos orguyoso di un video documental contando historia di un Arubiano y produci door di nos mes yiunan di tera. Cu e iniciativa di Ivan aki por inspira mas persona cu tin un historia pa conta, pa traha un documental. Asina nos por laga e historia atras pa generacionnan cu ta bini despues di nos” e mandatario a bisa entre otro.
Conocido ciudadano Alice van Romondt ta enfoke principal di un documentario nobo
ORANJESTAD – Conocido ciudadano di Aruba Alice van Romondt, ta bira e centro di atencion durante un documentario largo metrahe di e productor di cine Rebecca Roos cu lo ta visible durante e di 10 edicion di Curaçao Internacional Film Festival e siman aki. E documentario, titula “ I can’t be moe; Alice van Romondt (I can’t be tired)” ta keda present ana Corsou entre dianan. 12 y 14 di April. Un siman despues, lo estrena e pelicula akin a Cas di Cultura. Prome cu e estreno na Aruba tin oportunidad unico di wak un exposicion di un seleccion di Alice su collecion priva di arte den e sala di expo di Cas di Cultura for di 6:30 PM.
Follow NoticiaCla
